КАРАКОЛ ШААРДЫК КЕӉЕШИ

ТОКТОМ

2018-жылдын 29-декабры № 27-26/11

Ж-1 зонасында уруксат берилген кыймылсыз мүлктү пайдалануунун негизги түрлөрүнүн тизмегине өзгөртүүнү киргизүү жөнүндө

Ысык-Көл регионалдык, шаар куруу жана архитектура башкармалыгынын башчысы Ш.Джумашевдин, Ж-1 зонасындагы жер тилкесин башкага которуу жөнүндөгү, 2018-жылдын 5-октябрындагы, кир.№01-07/454 катын карап жана талкуулап, Каракол шаардык депутаттар Кеңешинин жерди пайдалануу, архитектура, курулуш жана муниципалдык менчик боюнча туруктуу комиссиясынын корутундусун эске алуу менен, Каракол шаардык депутаттар Кеңешинин XXVII чакырылышынын XXVI сессиясы,

ТОКТОМ КЫЛАТ:

1.    Ж-1 (жеке турак жай курулуш) зонасынын уруксат берилген кыймылсыз мүлктү пайдалануунун негизги түрлөрүнүн тизмегине төмөнкүдөй өзгөртүү киргизилсин: Каракол шаарындагы, Жамансариев атн. көчөсү, №202а/в дарегинде жайгашкан, аянты 283,2 м2 жер тилкеси, Ц-3 (базар жана дүн соода зонасына) зонасына которулсун.

Ысык-Көл регионалдык, шаар куруу жана архитектура башкармалыгы:

-Каракол шаарынын курулуш ченемдери жана Эрежелерине көрсөтүлгөн өзгөртүүнү киргизсин;

-бул токтомдо, көрсөтүлгөн объектти, максатту пайдалануу жагын, кыйшаюусуз аткаруусун камсыз кылсын.

А.Т.Рыскулов, Каракол шаарында жерди пайдалануунун курулуш ченемдерин жана Эрежелеринин сакталышын камсыз кылсын.

2. Бул токтом Мамлекеттик ченемдик укуктук актыларынын реестрине киргизүү үчүн областтык юстиция башкармалыгына жиберилсин.

3. Токтом ММКларда жарыялансын.

4. Токтомдун аткарылышына көзөмөл жүргүзүү жерди пайдалануу, архитектура, курулуш, муниципалдык менчик боюнча туруктуу комиссиясына (М.Ө.Сагымбаев) жана Каракол шаарынын биринчи вице-мэри С.С.Өскөнбаевге жүктөлсүн.