КӨК-ЖАҢГАК ШААРДЫК КЕӉЕШИ

ТОКТОМ

(VII чакырылыштагы) кезексиз ХХI- сессиясы

2018-жылдын 13-декабры № 21/4

Көк-Жаңгак шаардык мэриянын   12.12.2018ж. № 1-12/918 кайрылуу каты жөнүндө

 Көк-Жаңгак шаардык кеңешинин депутаттары шаардык мэриясынын 12.12.2018-жылдагы № 1-12/918 кайрылуу катынын негизинде Көк-Жаңгак шаарындагы «Искусство» мектебинин имаратын жана борборлоштурулган китепкананын жер аянттарын бекитип берүү жөнүндө карап талкуулап Көк-Жаңгак шаардык кеңешинин депутаттарынын (VII-чакырылыштагы) кезексиз ХХI-сессиясы

ТОКТОМ КЫЛАТ:

1. Көк-Жаңгак шаарындагы «Искусство» мектебинин имараты 0,17га жана борборлоштурулган китепкананын 0,18га жер аянттарын бекитип берилсин.

2. Мамлекеттик актысын жана техпаспорторун алуу жагы маданият бөлүмүнүн жетекчиси А.Кунанбаевге жүктөлсүн.

3. Көк-Жаңгак шаарындагы Железнодорожный көчөсүндөгү имаратын жана 0,08га жер аянты менен Сузак райондук соц.фондун кайрылуусунун негизинде Көк-Жаңгак шаарынын муниципалдык менчике өткөрүлүп берилсин жана КМДнын балансына алынсын.

4. Көк-Жаңгак шаарынын муниципалдык реестрине толуктоо жана өзгөртүү киргизүү жагы КМДнын бөлүм башчысы Ж.Эргашевге жүктөлсүн.

5. Ушул токтомду аткарылышын көзөмөлгөө алуу жагы шаардын мэри У.Исмаиловго жана шаардык кеңештин экономика-өндүрүш жана инвестиция тартуу, жер, коммуналдык чарба, муниципалдык менчик жана айыл чарба маселелер боюнча туруктуу комиссиясына тапшырылсын.

6. Бул токтом расмий жарыяланган күндөн тартып күчүнө кирет.