КАШКА-СУУ АЙЫЛДЫК КЕӉЕШИ

ТОКТОМ

VI чакырылышынын кезектеги онунчу сессиясы

2018-жылдын 27-декабры № 4

 Жер участокторун бөлүп берүүдөгү кызмат көрсөтүүлөр жөнүндө

Кашка-Суу айыл аймагында жер участокторун жарандарга бөлүп берүүдөгү айыл өкмөтүнүн токтому үчүн төлөнүүчү 700 сом акча каражаты 2019-жылдын 1-январынан баштап кыскартуу жөнүндө төрага Ы.Ж.Эрмаматовдун сунушун угуп жана талкуулап, Кашка-Суу айыл аймактык кеңешинин кезектеги онунчу сессиясы

ТОКТОМ КЫЛАТ

1. Кашка-Суу айыл аймагында жер участокторун жарандарга бөлүп берүүдөгү айыл өкмөтүнүн токтому үчүн толөнүүчү 700 сом акча каражаты 2019-жылдын 1-январынан баштап кыскартылып, айыл өкмөтү тарабынан турак жай курууга жер участоктору үчүн чыгарылган токтомдор жарандарга акысыз берилсин.

2. Тиешелүү иш кагаздарын тактоо жана даярдоо Кашка-Суу айыл өкмөтүнүн жер адиси Ө.Шаншоевге жүктөлсүн.

3. Токтомдун аткарылышын көзөмөлдөө, айылдык кеңештин Экономика, инвестицияларды тартуу, жер жана агрардык реформа, өнөр жай, курулуш, коммуникация боюнча туруктуу депутаттык комиссиясына милдеттендирилсин.