ЫСЫК-АТА АЙЫЛДЫК КЕНЕШИ

ТОКТОМ

Ысык-Ата айылдык Кенешинин 27-чакырылган кезектеги XXII (жыйырма экинчи) сессиясы

2019-жылдын 3-апрели № 120/ XXII-27

“Карагай-Булак айылындагы Сулайманов атындагы орто мектебинин ашканасын оңдоо жөнүндөгү” долбоорго жана Ысык-Ата айыл аймагынын стратегиялык өнүгүү планына макулдук берүү жөнүндө

Ысык-Ата айыл өкмөтүнүн салык боюнча башкы адиси Үсөнкан уулу М. “Карагай-Булак айылындагы Сулайманов атындагы орто мектебинин ашканасын оңдоо жөнүндөгү” долбоор жана Ысык-Ата айыл аймагынын 2019-2021-жылдарга стратегиялык өнүгүү планынын долбоору менен тааныштырды.

Күн тартибинин алтынчы маселесин Ысык-Ата айылдык Кенешинин депутаттары карап талкуулап чыгып, Ысык-Ата айылдык Кенеши

ТОКТОМ КЫЛАТ:

1. “Карагай-Булак айылындагы Сулайманов атындагы орто мектебинин ашканасын оңдоо жөнүндөгү” долбоорго жана Ысык-Ата айыл аймагынын 2019-2021-жылдарга стратегиялык өнүгүү планына макулдук берилсин.

2. Бул токтомдун аткарылышын көзөмөлдөө каржы жана бюджет боюнча туруктуу комиссияга жүктөлсүн.

Токтом бир добуштан кабыл алынды.