КАШКА-СУУ АЙЫЛДЫК КЕӉЕШИ

ТОКТОМ

VII чакырылышынын кезектеги XXVI cессиясы

2019-жылдын 11-апрели № 6

Айыл аймагынын Туюк-Жар айылынын тургундарынан түшкөн кайрылууну кароо жөнүндө

Каралган маселе боюнча айылдык кеңештин мыйзамдуулук укук тартиби жана этика маселелери туруктуу комиссиянын төрагасы Камчыбек уулу Шекербек төмөндөгүдөй билдирүү жасады. Туюк-Жар айылынын мурунку тургуну эмгек ардагери маркум Жуманкулов Нурмамат жашаган көчөгө анын ысымын ыйгаруу боюнча кайрылуу келип түшкөндүгүн жана тиешелүү баштапкы иш кагаздары жобого негиз экендиги, бирок Кыргыз Республикасында 2020-жылы эл жана турак жайларды каттоо өнөктүгү жүргөндүктөн. 2017-жылдын 23-октябрында Кыргыз Республикасынын өкмөтүнүн №690 токтому менен 2020-жылдын 31-декабрына чейин көчөлөргө ат коюу, атын алмаштырууга тыюу салынган. Ал токтомду аткарууга мажубурбуз.

Каралган маселе боюнча угуп жана талкуулап Кашка-Суу айылдык кеңеши

ТОКТОМ КЫЛАТ.

1. Айыл аймагынын Туюк-Жар участкасынын маркум Жуманкулов Нурмаматтын ысымы өзү жашаган көчөгө ыйгаруу жөнүндөгү айыл тургундарынын кайрылуусу Кыргыз Республикасынын өкмөтү тарабынан жарыяланган мораторияга ылайык 2020-жылдын 31-декабрына чейин артка кайтарылсын.

2. Бул токтом айыл өкмөтүнүн расмий сайтына жарыялансын.

3. Токтомдун аткарылышын көзөмөлдүккө алуу жагы айылдык кеңештин мыйзамдуулук, укук тартиби, этика маселелери боюнча туруктуу комиссиясына жүктөлсүн.