КЫЗЫЛ-ТУУ АЙЫЛДЫК КЕӉЕШИ

ТОКТОМ

кезектеги он экинчи сессиясы

2019-жылдын 19-апрели № 12-3

Кара-Көл айылындагы ички көчөгө ысым ыйгаруу жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамын жана Кыргыз Республикасынын 18.07.2014-жыл №144 географиялык аталыштар жөнүндөгү мыйзамынын 7-беренесин негиздеп, Кара-Көл айылынын түндүк тарабындагы “Малина” участкасындагы ички көчөгө эмгек ардагери Абдрахманов Алыкулдун ысымын ыйгаруу жөнүндөгү 18-апрель 2019-жылдагы жыйналышынын протоколун мыйзамдуулук боюнча туруктуу комиссиясынын баяндамасында угуп жана талкуулап, Кызыл-Туу айылдык кеңеши

ТОКТОМ КЫЛАТ:

1. Кара-Көл айылынын түндүк тарабындагы батыштан чыгышты көздөй кеткен ички көчөгө Абдрахманов Алыкулдун ысымы ыйгарылсын.

2.  Мындан ары жогорудагы белгиленген көчө Абдрахманов Алыкул атындагы көчө деп аталсын.

3.  Көчөгө Кыргыз Республикасынын шаар жана айыл жергелеринин өнүгүү процесстеринин талабына ылайык сиволикасы белгиленсин.

4.  Бул токтом Кызыл-Туу айыл өкмөтүнүн www.kyzyl-tuu.my1.ru расмий сайтына жарыяланган күндөн баштап күчүнө кирет.