КАРА-КУЛЖА АЙЫЛДЫК КЕҢЕШИ

ТОКТОМ

Кара-Кулжа айылдык Кеңешинин кезектүү он төртүнчү сессиясынын (VI шайланган) жыйналышы

2019-жылдын 21-февралы № 14/2

Кара–Кулжа-Ош, Кара–Кулжа-Өзгөн, Кара-Кулжа–Мырза-Аке маршруттарынын тарифтерин бекитүү жөнүндө

Кыргыз Республикасынын 19.07.2013-жыл № 154 “Автомобиль транспорт жөнүндөгү” Мыйзамынын 11/2 беренеси “Жалпы пайдалануудагы автомобиль транспортунда жүргүнчүлөрдү ташууга тарифтер, автомобильдик ташуунун тарифтик саясатынын алкактарында өз алдынча башкаруу органдары тарабынан бекитилиши жөнүндөгү” бөлүмчөсүн жана Кыргыз Республикасынын “Жергиликтүү өз алдынча башкаруу жөнүндөгү” Мыйзамынын 31-беренесинин 4 -“Жергиликтүү салыктарды, жыйымдарды жана жеңилдиктерди киргизүү, ошондой эле Кыргыз Республикасынын мыйзамдарында каралган учурларда алар боюнча ставкаларды аныктоо жөнүндөгү” бөлүмчөсүн жетекчиликке алып Кара–Кулжа-Ош, Кара–Кулжа-Өзгөн, Кара-Кулжа –Мырза-Аке маршруттарынын тарифтерин бекитүү жөнүндө депутаттардын Кара-Кулжа айылдык Кеңешинин курулуш, транспорт, өнөр-жай, соода, ишкердүүлүк, байланыш, инвестиция, энергетика, кайра иштетүү боюнча туруктуу комиссиясынын 18.02.2019-жылдагы чечиминин негизинде Кара-Кулжа айылдык Кеңеши

ТОКТОМ КЫЛАТ:

1. Кара–Кулжа-Ош каттамы 100 (жүз) сом, Кара–Кулжа-Өзгөн каттамы 50 (элүү) сом, Кара-Кулжа–Мырза-Аке каттамы 30 (отуз) сом өлчөмүндө тарифтери бекитилсин.

2. Кара–Кулжа-Ош, Кара–Кулжа-Өзгөн, Кара-Кулжа –Мырза-Аке каттамынын тарифтерин жетекчиликке алуу жагы “Ошазиямагистраль” ОсОО жана жүргүнчүлөрдү ташып кызмат көрсөткөн жалпы жоопкерчилиги чектелген ишканаларга жүктөлсүн.

3. Токтомдун аткарылышын көзөмөлдөө жагы Кара-Кулжа айылдык кеңешинин курулуш, транспорт, өнөр жай, соода, ишкердүүлүк, байланыш, инвестиция, энергетика, кайра иштетүү боюнча туруктуу комиссиясынын төрагасы Т.Бекеновго тапшырылсын.