КАРА-КУЛЖА АЙЫЛДЫК КЕҢЕШИ

ТОКТОМ

Кара-Кулжа айылдык Кенешинин кезектүү он төртүнчү сессиясынын (VI шайланган) жыйналышы

2019-жылдын 21-февралы № 14/10

Кара –Кулжа айыл өкмөтүнүн башчысы А.Ормокеевдин 2018-жылдын жыйынтыгы менен аткарган ишинин абалы жөнүндө

Кыргыз Республикасынын “Жергиликтүү өз алдынча башкаруу жөнүндө” Мыйзамынын № 50 “Айыл өкмөтүнүн башчысынын ыйгарым укуктары жөнүндөгү” беренесинин 2 “ Айыл кеңешине жергиликтүү бюджетинин долбоорун сунуштайт, жарым жылда бирден кем эмес кеңештин алдында айылдагы иштин жалпы абалы, жергиликтүү бюджетинин аткарылышы жана муниципалдык менчикти пайдаланышы, аймактын социалдык-экономикалык өнүгүшүнүн программаларынын аткарылышы жана калктын социалдык жактан корголушу жөнүндө отчет берүү жөнүндөгү” бөлүкчөсүн жетекчиликке алып жана айыл өкмөтүнүн башчысы А.Ормокеевдин 2018-жылдын жыйынтыгы менен аткарган ишинин абалы жөнүндөгү маалыматты угуп жана талкуулап Кара-Кулжа айылдык Кеңеши

ТОКТОМ КЫЛАТ:

1. Кара –Кулжа айыл өкмөтүнүн башчысы А.Ормокеевдин 2018-жылдын жыйынтыгы менен аткарган ишинин абалы канаттандыраарлык деп белгиленсин.

2. Кара –Кулжа айыл өкмөтүнүн башчысы А.Ормокеевге:-

- Айыл өкмөтүнүн бюджетинин киреше жана чыгаша бөлүгүн аткарууда Кыргыз Республикасынын “Бюджет жөнүндөгү” кодексинин талаптарын аткарууга алсын.

- Кыргыз Республикасынын “Сатып алуулар жөнүндөгү” мыйзамынын талаптарын аткарууга алып, сатып алуулар жөнүндөгү келишимдерди сапаттуу түзүүнү камсыздасын;

- сатып алуулар бөлүмүнүн жоопкерчилигин көтөрүү, квалификациясын жогорулатуу үчүн окуулардан өтүүнү уюштурсун;

- суу пайдалануучулар бирикмесинин (СПА) ишин жандандырып, сугат суу менен камсыздоону уюштурсун;

- жаз алды менен ички чарба аралык канал-арыктарды казууну көчө бойлорун тазалоону, бак-дарактарды эгүүнү, санитардык тазалоону, ошондой эле таштандыларды, акыр-чикирлерди тазалоону уюштурсун.

- калкты сапаттуу ичүүчү таза суу менен камсыздап, суу төлөмдөрүн өз убагында төлөөнү уюштурсун;

- айыл өкмөтүндө курулуш жана капиталдык ондоо иштерине кошумча иштерге акча каражатын бөлүп берүүнү Кыргыз Республикасынын “Бюджет жөнүндөгү” кодексинин талаптарына ылайык жүргүзүү сунушталсын;

- “Бирдиктуу терезе” көп функционалдуу калкка кызмат көрсөтүү борборунун ишин жакшыртсын.

3. Токтомдун аткарылышын көзөмөлдөө жагы өзүмө калтырылсын.