КЕҢЕШ АЙЫЛДЫК КЕӉЕШИ

ТОКТОМ

VII чакырылышынын кезектүү XV сессиясы

2019-жылдын 29-марты №21

Аук айылынын тургуну Досмуратов Маматтин ысымын көчөгө коюу жөнүндө

Кеңеш айыл өкмөтүнүн Аук айылынын жашоочуларынын элдик жыйындын протоколуна жана айылдык кеңештин билим берүү, саламаттыкты сактоо, маданият жана башка социалдык-маданий маселелер, жаштар менен иштөө боюнча туруктуу комитеттин корутундусуна негиз Кеңеш айылдык кеңешинин VII чакырылышынын кезектүү XV сессиясы

ТОКТОМ КЫЛАТ:

1. Аук айылынын тургуну Досмуратов Маматтин ысымы Токтоназаров Кадырбектин үйүнөн башталып Шерматов Зикирбектин үйүнө чейинки аралыктагы көчөгө берилсин.

2. Аталган көчөнү Досмуратов Мамат деп аталышын жаздырып, катар үй номурун койдуруу, көчөнү жашылдандыруу, көрктөндүрүү, көчөнүн тазалыгын, архитектуралык план боюнча сакталышын ишке ашыруу жагы Досмуратов Маматтин балдарына, тууган уругуна милдеттендирилсин.

3. Токтом Кыргыз Республикасынын “Кыргыз Республикасынын ченемдик укуктук актылары жөнүндөгү” мыйзамына ылайык Кеңеш айыл аймагынын расмий ВЕБ сайтына жарыялансын.

4. Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Кеңеш айыл өкмөтүнүн жооптуу катчысына милдеттендирилсин.

5. Токтомдун аткарылышын көзөмөлдөө жагы Кеңеш айылдык кеңешинин төрагасынын орун басары Т.Тиленбаевга милдеттендирилсин.