КАШКАР-КЫШТАК АЙЫЛДЫК КЕҢЕШИ

ТОКТОМ 

Кашкар-Кыштак айылдык Кеңешинин кезектеги (алтынчы шайланган) VIII сессиясы

2017-жылдын 23-октябры № 2

Жергиликтүү бюджеттен айыл аймагынын А.Навои жана А.Эшматов атындагы орто мектептерине терезелерин алмаштыруу боюнча түрткү берүүчү грантка өздүк салымды кошуу жөнүндө

Айыл өкмөтүнүн Финансы-экономика бөлүмүнүн башчысы Р.Рахматовдун аймактагы Мөнөк айылынын А.Эшматов атындагы орто мектебинин терезелерин түрткү берүүчү гранттан сметалык баасы 3 548 105 сом, өздүк салым үчүн 20 пайызы 709 621 сом, ал эми А.Навои атындагы орто мектебинин терезелерин түрткү берүүчү гранттан сметалык баасы 3 711 742 сом, өздүк салым үчүн 20 пайызы 742 500 сом, жалпы 1 452 121 сом 2018-жылдын жергиликтүү бюджетинен өздүк салымы үчүн акча каражатын ажыратып берүү боюнча сунушун айылдык кеңештин депутаттары кеңири талкуулап чыгып, айылдык кеңеши,

ТОКТОМ КЫЛАТ:

1. Айыл аймагындагы Мөнөк айылындагы А.Эшматов орто мектебинин жана Кашкар-Кыштак айылындагы А.Навои орто мектебинин эски жыгач терезелерин жаңы пластик терезелерине алмаштыруу үчүн түрткү берүүчү гранттын эсебинен жалпы 7 259 847 сом бөлүнүүчү акчанын 20 пайызы өздүк салым үчүн 1 452 121 сом акча каражаты 2018-жылдын жергиликтүү бюджетинен бөлүнүп берилсин.

2. Акча каражатын бөлүп берүү боюнча тиешелүү иш кагаздарын даярдоо айыл өкмөтүнүн Финансы-экономика бөлүмүнүн башчысы Р.Рахматовго тапшырылсын.

3. Ушул токтомдун аткарылышын көзөмөлдөө жагы айылдык кенештин социалдык-маданий, коммуналдык менчик, маалымдуулук, жаштардын иштери, бюджет жана финансы маселелер боюнча туруктуу комиссиясына жүктөлсүн.