НОВОПАВЛОВКА АЙЫЛДЫК КЕҢЕШИ

ТОКТОМ

Кыргыз Республикасы Чуй облусу Сокулук району 25-чакырылышынын №16-сессиясы

2019-жылдын 23-январы №16

«2018-жыл Аймактарды өнүктүрүү жылы деп жарыялоо» тууралуу Кыргыз Республикасынын Президентинин Указынын негизинде, аймактардын социалдык-экономикалык потенциалын өнүктүрүү боюнча жергиликтүү мамлекеттик администрациялары, жергиликтүү өзүн-өзү башкаруу органдары, жарандык коом институттары менен өз ара аракеттенүүлөрү, ошондой эле Новопавловка айыл өкмөтүнүн №4, №5, №113, №168, №477, №498, №519, №520 контурларындагы айыл чарба максатындагы бирок, тамдар салынып кеткен жерлерди өздөрүнүн же башка булактардан тартылып келинген каражаттары менен калктуу пункт уюштуруу үчүн комплекстүү иш-чараларды жүргүзүүгө, андан ары туруктуу өнүгүүгө (жергиликтүү шарттарды эске алуу менен) шарт түзүп берүү милдетин өз моюндарына алуу боюнча муниципалдык-жеке өнөктөштүк жөнүндө келишимин түзүү тууралуу  «Шамшы-2016» коомдук фондунун төрагасы Д.Шейшекеевдин кайрылуусун карап чыгып, ошондой эле «Шамшы-2016» коомдук фондунун өздөрүнүн же башка булактардан тартылып келинген каражаттары менен калктуу пунктун уюштуруу жана өнүктүрүүгө шарт түзүп берүүсү тууралуу келишими жөнүндөгү Жер комиссиясынын чечимин карап чыгып,Новопавловка айыл Кенеши

ТОКТОМ КЫЛАТ:

1.№4, №5, №113, №168, №477, №498, №519, №520 контурларындагы жалпы аянты 403 га жер участогу «Шамшы-2016» коомдук фондуна 5(беш) жылдык мөөнөт менен сатып алууга укугу жок шартта ижарага берилсин жана  ушул тууралуу эки тараптуу юридикалык келишими түзүлсүн.

2.Бул токтомду аткаруу жагы Новопавловка айыл өкмөтүнүн башчысына тапшырылсын.