БОЛОТ МАМБЕТОВ АЙЫЛДЫК КЕҢЕШИ

ТОКТОМ

Депутаттардын Болот Мамбетов айыл аймагынын айылдык Кенешинин VI-чакырылышынын XVIII-сессиясы

2018-жылдын 17-декабры №31

Болот Мамбетов айыл өкмөтүндөгү жергиликтүү бюджетинен акча каражатын бөлүштүрүү жөнүндө

Айылдык кеңештин бюджет боюнча туруктуу комиссиясынын төрагасы М. Коңурбаевдин билдирүүсүн угуп жана талкуулап сессия

ТОКТОМ КЫЛАТ:

1. Мектеп бөлүмүнүн

22 154 900 “Башка кызмат көрсөтүүлөргө акы төлөөгө байланыштуу чыгымдар” беренесиндеги Жер-Үй айылындагы А. Көлбаев орто мектебинин проектисин мамлекеттик экспертизадан өткөрүүгө каралган 55 000 сом, Жер-Үй айылында курулган кичи футбол аянтчасынын ачылыш аземине жумшалсын.

2. 70111 аппарат бөлүмүнүн

- 22 154 900 “Башка кызмат көрсөтүүлөргө акы төлөөгө байланыштуу чыгымдар”

беренесинен “Кыргыз Республикасынын бюджеттик мекемелелеринде кассалык операцияларды жүргүзүү тартиби” жөнүндө токтомдон 2 даана 500 сомдон 1000 сом жумшалсын.

3. Жогоруда көрсөтүлгөн чыгымдарды аткарууга байланышкан финансылык операцияларды жүргүзүп берүү КР КМ Тоң башкармалыгынан суралсын.

4. Акча каражатын өз багытында чыгымдоо финансы-экономика бөлүмүнө милдеттендирилсин.

5. Бул токтомду көзөмөлдөө жагы айыл өкмөтүнүн башчысы И. К. Көөкөровго милдеттендирилсин.