ОРОЗБЕКОВ АЙЫЛДЫК КЕҢЕШИ

ТОКТОМ

Орозбеков айылдык кеңешинин алтынчы чакырылыш кезексиз отуз биринчи сессиясы

2019-жылдын 5-апрели №178

“Күлдү” орто мектебинин аянтына ун азыктарын сактоочу кампа (склад) жана кароолкана курууга уруксат берүү жөнүндө

 Орозбеков айыл өкмөтүнүн башчысы А.Алиевдин Күлдү айлында жайгашкан “Күлдү” орто мектеби Дүйнөлүк азык-түлүк программасына мүчө болуп кирип, алардын талабына негиз мектепке ун азыктарын сактоочу кампа (склад) жана кароолкана курууга уруксат сураган кайрылуусун угуп жана талкуулап чыгып, Орозбеков айылдык кенеши

ТОКТОМ КЫЛАТ:

1. “Күлдү” орто мектебинин аянтына ун азыктарын сактоочу кампа (склад) жана кароолкана курууга уруксат берилсин.

2.Кампа жана кароолкана куруу иштерине тиешелүү иш кагаздарын даярдатып бүткөрүү жагы айыл өкмөтүнө (А.Алиев) жүктөлсүн.

3.Токтомдун аткарылышын көзөмөлдөө айылдык кенештин бюджет, экономика маселелери боюнча туруктуу комиссиясына жүктөлсүн.