БОЗ-УЧУК АЙЫЛДЫК КЕӉЕШИ

ТОКТОМ

2019-жылдын 9-апрели № 18

Ново-Вознесеновка айылындагы мурдагы участкалык оорукананын имараттарын Боз-Учук айыл өкмөтүнүн муниципалдык менчигине кабыл алууга макулдук берүү жөнүндө

Күн тартибинде Кыргыз Республикасынын Президенти С.Ш. Жээнбековдун “2019-жылды Региондорду өнүктүрүү жана санариптештирүү жылы деп жарыялоо жөнүндө” Жарлыгынын алкагында жана жергиликтүү маанидеги маселелерди чечүү, жергиликтүү калкка жеткиликтүү кызмат кылуу максатында, Ново-Вознесеновка айылындагы мурдагы участкалык оорукананын кароосуз калган имараттарын Боз-Учук айыл өкмөтүнүн муниципалдык менчигине кабыл алуу боюнча Боз-Учук айылдык кеңешинин сессиясы

ТОКТОМ КЫЛАТ:

1. Ново-Вознесеновка айылындагы мурдагы участкалык оорукананын кароосуз калган имараттарын Боз-Учук айыл өкмөтүнүн муниципалдык менчигине кабыл алууга макулдук берилсин.

2. Аталган участкалык оорукананын имараттарын заманбап кылып оңдоп-түзөө иштерин жүргүзүүгө каржылоо донор уюмдары жана жергиликтүү бюджет тарабынан каражат каралсын.

3. Ново-Вознесеновка айылындагы мурдагы участкалык оорукананын кароосуз калган имараттарын өнүктүрүү боюнча социалдык-экономикалык планын Боз-Учук айыл өкмөтүнүн аппараты иштеп чыксын.

4. Ново-Вознесеновка айылындагы мурдагы участкалык оорукананын кароосуз калган имараттарын Ново-Вознесеновка айылынын муниципалдык менчигине өткөрүп алуу иштерин жүргүзүү Боз-Учук айыл өкмөтүнүн аппаратына тапшырылсын.

5. Тиешелүү иштерди жана юридикалык документтерди бүткөрүү жагы айыл өкмөтүнүн башчысы А.Сейлибаевге жүктөлсүн.