АЛАМҮДҮН Айылдык КЕҢЕШИ

ТОКТОМ

2018 жылдын 22-февралы №61-27

Калктан акча каражатын жыйноо жөнүндө

“Сантех-Сервис-Аламудун” муниципалдык ишканасынын Школьная, Ат-Башы, Достук, Манас, Кыргызстан, Кожомкул, Долон, Токтогул, Фрунзе, Кожожаш, Фабрика, Гоголь, Кавказ туюгу, Логвиненко, Чугуева жана Алма-Ата көчөлөрү боюнча канализациялык тармакты төшөөдө калктын акча каражатын жыйноону бекитүү жөнүндө кайрылуусу тууралуу айылдык кеңештин төрагасынын билдирүүсүн карап чыгып жана талкуулап, Аламүдүн айылдык кеңешинин сессиясы

ТОКТОМ КЫЛДЫ:

1. Аламүдүн айылынын Школьная, Ат-Башы, Достук, Манас, Кыргызстан, Кожомкул, Долон, Токтогул, Фрунзе, Кожожаш, Фабрика, Гоголь, Кавказ туюгу, Логвиненко, Чугуева жана Алма-Ата көчөлөрү боюнча канализациялык тармакты төшөө үчүн тариф – ар бир короодон 37,0 (Отуз жети) миң сомдон, анын ичинде калктан (ар бир короодон) канализациялык тармакты киргизүү үчүн жыйым – 27,0 (Жыйырма жети) миң сомдон бекитилсин.

2. Аламүдүн айыл өкмөтүнө жергиликтүү бюджеттен ар бир короого кошумча – 10,0 (Он) миң сомдон, ошондой эле топосъемка түзүү жана долбоорду даярдоо боюнча чыгымдарды төлөө үчүн акча каражатын бөлүп берүүгө уруксат берилсин.

3. Ушул токтомдун аткарылышын контролдоо Аламүдүн айыл өкмөтүнүн башчысы Н.Кольбаевге жүктөлсүн.