КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2020-жылдын 4-февралы ПЖ № 18

Кыргыз Республикасынын Президентинин айрым жарлыктарын күчүн жоготту деп табуу жөнүндө

Кыргыз Республикасынын Президентинин мурда чыгарылган жарлыктарын инвентаризациялоонун алкагында, Кыргыз Республикасынын Конституциясынын 65-беренесин жетекчиликке алып,

ТОКТОМ КЫЛАМ:

1. Төмөнкүлөр күчүн жоготту деп табылсын:

1) Кыргыз Республикасынын Президентинин 2005-жылдын 18-мартындагы № 76 "2010-жылга чейинки мезгилде Кыргыз Республикасынын ички иштер органдарын реформалоо Концепциясы жөнүндө" Жарлыгы;

2) Кыргыз Республикасынын Президентинин милдетин аткаруучунун 2005-жылдын 11-апрелиндеги № 88 "Кыргыз Республикасында коомдук-саясий кырдаалды андан ары турукташтыруу үчүн чараларды иштеп чыгуу боюнча Мамлекеттик комиссиянын түзүү жөнүндө" Жарлыгы;

3) Кыргыз Республикасынын Президентинин милдетин аткаруучунун 2005-жылдын 21-апрелиндеги № 124 "Кыргыз Республикасында коомдук-саясий кырдаалды андан ары турукташтыруу үчүн чараларды иштеп чыгуу боюнча Мамлекеттик комиссияны түзүү жөнүндө" Кыргыз Республикасынын Президентинин милдеттерин аткаруучунун 2005-жылдын 11-апрелиндеги Жарлыгына толуктоо киргизүү тууралу" Жарлыгы;

4) Кыргыз Республикасынын Президентинин милдетин аткаруучунун 2005-жылдын 21-июнундагы № 246 "2005-жылы 17-июнда Бишкек шаарында болуп өткөн жапырт тартипсиздиктин себебин аныктоо боюнча Мамлекеттик комиссия түзүү жөнүндө" Жарлыгы;

5) Кыргыз Республикасынын Президентинин 2006-жылдын 20-апрелиндеги № 179 "Кыргыз Республикасынын сот системасын жана укук коргоо органдарын реформалоонун Концепциясынын долбоорун иштеп чыгуу боюнча жумушчу топту түзүү жөнүндө" Жарлыгы.

2. Бул Жарлык расмий жарыяланган күндөн тартып жети күн өткөндөн кийин күчүнө кирет.

"Эркин Тоо" газетасынын 2020-жылдын 11-февралындагы N 13 жарыяланды