КЫРГЫЗ РЕСПУБЛИКАСЫНЫН ПРЕЗИДЕНТИНИН ЖАРЛЫГЫ

2021-жылдын 27-августу ПЖ № 366

Кыргыз Республикасынын Президентинин 2021-жылдын 8-июлундагы «Кыргыз Республикасынын Президентине караштуу Антикоррупциялык ишкердик кеңеш жөнүндө» Жарлыгына өзгөртүулөрдү киргизүү тууралуу

Кыргыз Республикасынын Конституциясынын 71-беренесине ылайык токтом кылам:

1. Кыргыз Республикасынын Президентинин 2021-жылдын 8-июлундагы № 293 «Кыргыз Республикасынын Президентине караштуу Антикоррупциялык ишкердик кеңеш жөнүндө» Жарлыгына төмөнкүдөй өзгөртүүлөр киргизилсин:

- жогоруда аталган Жарлык менен бекитилген Кыргыз Республикасынын Президентине караштуу Антикоррупциялык ишкердик кеңеш жөнүндө жободо:

10-      пункттун онунчу абзацы күчүн жоготту деп табылсын;

11-      пункттун бешинчи абзацы төмөнкүдөй редакцияда

баяндалсын:

«- бизнес-сектордун, мамлекеттик органдардын жана жергиликтүү өз алдынча башкаруу органдарынын ишиндеги коррупциялык тобокелдиктерди жана факторлорду алдын алуу боюнча чараларды биргелешип иштеп чыгуу процессине бизнес- коомчулуктун жана жарандык коомдун өкүлдөрүн тартууга жана алардын демилгелерин кароого.»;

15-пункт төмөнкүдөй редакцияда баяндалсын:

«15. Каралып жаткан маселелер боюнча чечимдер Кеңештин катышып жаткан мүчөлөрүнүн жалпы санынын жөнөкөй көпчүлүк добушу менен кабыл алынат жана Кеңештин жыйналышынын протоколу түрүндө таризделет.».

22-пункт төмөнкүдөй редакцияда баяндалсын:

«22. Башкы катчы Кеңештин төрагасы менен макулдашуу боюнча Кеңештин катчылыгьнын түзүмүн жана штаттык расписаниесин бекитет.»;

28-пункт төмөнкүдөй редакцияда баяндалсын:

«28. Кеңештин башкы катчысы төмөнкүлөргө укуктуу:

-           мамлекеттик органдардан жана жергиликтүү өз алдынча башкаруу органдарынан Кеңештин иши үчүн зарыл болгон маалыматты суроого;

-           айрым маселелерди талкуулоо жана Кеңештин жыйналышын даярдоо боюнча мамлекеттик органдардын жана жергиликтүү өз алдынча башкаруу органдарынын катышуусунда жумушчу кеңешмелерди өткөрүүгө;

-           Кеңештин рекомендацияларын жана сунуштарын кароого мониторинг жүргүзүүнү камсыздоого;

-           Кеңештин төрагасына баяндама каттарды даярдоого, Кеңештин рекомендацияларын жана сунуштарын кароо жөнүндө Кеңештин мүчөлөрүнө маалымдоого;

-           коррупцияга каршы аракеттенүү, бизнес-чөйрөнү жана инвестициялык климатты жакшыртуу маселелери боюнча министрликтердин, мамлекеттик органдардын жана ведомстволордун, жарандык коомдун жана бизнес-коомчулуктун өкүлдөрүнүн сунуштарын жалпылоого;

-           бизнес-коомчулукта жана жарандык коомдо келип чыккан көйгөйлүү маселелерди ыкчам тартипте чечүү үчүн эксперттик топторду түзүү жөнүндө сунуш менен тиешелүү мамлекеттик органдарга кайрылууга;

-           Кеңештин жыйналыштарын даярдоого катышууга;

-           катчылыктын ишин жетектөөгө;

-           штаттык расписаниенин чегинде катчылыктын кызматкерлерин жалдоо жана бошотуу жөнүндө буйруктарды чыгарууга жана катчылыктын иши үчүн зарыл болгон башка чечимдерди кабыл алууга.».

2. Бул Жарлык расмий жарыяланган күндөн тартып күчүнө кирет.