МОГОЛ АЙЫЛДЫК КЕҢЕШИ

ТОКТОМ 

Могол айылдык Кенешинин VII-чакырылышынын кезексиз XII -сессиясы

2018-жылдын 10-октябры № 9

2020-жылы өтүүчү эл жана турак жай фондусун каттоого карата айылдагы көчөлөргө наам берүү жөнүндө

2020-жылы өтүүчү эл жана турак жай фондусун каттоого карата айылдагы көчөлөргө наам берүү боюнча айылдардын тургундарынын жалпы жыйналыштарынын токтомдору менен таанышып жана талкуулап Могол айылдык Кенешинин VII - чакырылышынын кезекcиз ХII- сессиясы

ТОКТОМ КЫЛАТ:

1. Могол айыл аймагындагы Ооган-Талаа,Чкалов жана Кара-Ой айылдарынын аты жок көчөлөргө наам берүү боюнча айылдардын тургундарынын жалпы жыйналыштарынын токтомдору бекитилсин.

2. Ооган-Талаа айылынын аптеканын артындагы көчөгө Сатыбалдиев Мамырдын аты берилсин.

3. Ооган-Талаа айылынын аты жок көчөгө Бегматов Акматалинин аты берилсин.

4. Ооган-Талаа айылынын Майда Жаӊгак участкасындагы аты жок көчөгө Дүйшеев Маданбектин аты берилсин.

5. Ооган-Талаа айылынын Бувакол участкасындагы көчөлөргө «Кыргызстан», «Эркиндик», «Биримдик» деп наам берилсин.

6. Ооган-Талаа айылынын мектеп жайгашкан жана мөмө жемиштерди кайра иштетүүчү ишкана жайгашкан көчөлөргө «Мектеп көчөсү» жана «Завод көчөсү» деп наам берилсин.

7. Ооган-Талаа айылынын жаӊы жер тилкелери берилип турак-жайлар жайгаштырылган көчөгө «Жаштык көчөсү» деп наам берилсин.

8. Чкалов айылынын участкасындагы аты жок көчөгө эмгектин ардагери Нукумов Мамашариптин аты берилсин.

9. Кара-Ой айылынын көчөлөрүнө төмөндөгү Улуу Ата Мекендик согуштун жана Эмгектин ардагерлери болгон атуулдардын аты берилсин:

Кадыров Жамшид-УАМС ардагери,

Саипов Абжапар- УАМС ардагери,

Мусаев Айтбай-УАМС ардагери,

Койчукулов Жусуп – эмгек ардагери,

Абылкасымов Тургунбай - эмгек ардагери,

Сактанбеков Муктаркан -эмгек ардагери,

Мырзакаримов Ази –эмгек ардагери,

Рахмат уулу Абдылда –эмгек ардагери.

10. Могол айыл аймагындагы Ооган-Талаа,Чкалов жана Кара-Ой айылдарынын наам берилген көчөлөрдүнинфраструктурасын жакшыртуу жана көчөнүн атарын илүү, номерлөө демилгечи топторго жана аты коюлган ардагерлердин үй-бүлөөлөрүнө жүктөлсүн.

11. Токтомго ылайык иш чараларды жүргүзүү токтомдун аткарылышын камсыз кылуу айыл өкмөтүнө тапшырылсын.

12. Токтомдун аткарылышын көзөмөлдөө Могол айылдык Кеӊешинин төрагасынын орун басары Р.Юлдашевке жүктөлсүн.