МАЙЛУУ-СУУ ШААРДЫК КЕӉЕШИ

ТОКТОМ

Майлуу-суу шаардык кеңештин VIII-чакырылыштагы VIII-кезексиз сессиясы

2019-жылдын 19-декабры №8-8-10

Республикалык бюджеттен келген акча каражаттарды жылуулук энергиясына болгон карызын төлөөгө уруксат берүү жөнүндө

Майлуу-Суу шаарынын мэри Н.А.Маматовтун маалыматын угуп, карап чыгып,депутаттардын сунуштарын эске алып, шаардык Кеңештин VIII-чакырылыштагы VIII- кезексиз сессиясы

ТОКТОМ КЫЛАТ:

1. Майлуу-Суу шаарынын мэри Н.А.Маматовтун маалыматы жана депутаттардын сунуштары эске алынсын.

2. Республикалык бюджеттен 2019-жылдын август айында 5,0 (беш) миллион сом, октябрь айында 15 (он беш) миллион сом, декабрь айында 5,0 (беш) миллион сом жана 17-декабрьда келген 5,0 (беш) миллион сом жалпысынан 30 (отуз) миллион сом акча каражаттары шаардык билим берүү бөлүмүнүн жылуулук энергиясына болгон карызын төлөө үчүн «Кыргызжылуулукэнерго» мамлекеттик ишканасынын Майлуу-Суудагы “Жылуулук жабдуулар” филиалына төлөп берүүгө макулдук берилсин.

3. Бул токтомдун аткарылышы Майлуу-Суу шаарынын мэрине ( Н.А.Маматов) жүктөлсүн.

4. Ушул токтом катталсын жана Кыргыз Республикасынын укуктук ченемдик актыларынын Мамлекеттик реестрине киргизүү үчүн Кыргыз Республикасынын юстиция министрлигине жөнөтүлсүн .

5. Бул токтомдун аткарылышын көзөмөлдөө шаардык кеӊештин бюджет, каражат жана инвестицияларды тартуу боюнча туруктуу комиссиясына (К.Ю.Токтоназаров) жүктөлсүн.