АТ-БАШЫ АЙЫЛДЫК КЕҢЕШИ

ТОКТОМ 

Ат-Башы айылдык кеңешинин депутаттарынын кезектеги V сессиясы

2019-жылдын 26-декабры № 4-1

2020-жылга карата Ат-Башы айыл өкмөтүнүн бюджетинин киреше-чыгаша бөлүгүнүн долбоорун жана 2021-2022-жылдарга карата киреше бөлүгүнүн болжолдуу долбоорун бекитүү жөнүндө

2020-жылга карата Ат-Башы айыл өкмөтүнүн бюджетинин киреше-чыгаша бөлүгүнүн долбоорун бекитүү жөнүндөгү Ат-Башы айылдык кеңешинин бюджет, финансы жана экономика боюнча туруктуу комиссиясынын жана Ат-Башы айыл өкмөтүнүн финансы-экономика бөлүмүнүн башчысы Т. Жусубалиевдин билдирүүсүн угуп жана талкуулап, Ат-Башы айылдык Кеңеши

ТОКТОМ КЫЛАТ:

1. Ат-Башы айыл өкмөтүнүн 2020- жылга карата бюджетинин киреше жана чыгаша бөлүктөрү төмөндөгүдөй өлчөмдөргө бекитилсин:

Киреше бөлүгү:

Жергиликтүү бюджетке түшүүчү салыктар жана салык эмес жыйымдар – 25050900 (жыйырма беш миллион элүү миң тогуз жүз) сом;

Теңдештирилген грант – 1 215 200 (бир миллион эки жүз он беш миң эки жүз) сом.

Баардыгы: 26 266 100 (жыйырма алты миллион эки жүз алтымыш алты миң бир жүз) сом.

Чыгаша бөлүгү:

Башкаруу аппараты – 16 194 900 (он алты миллион бир жүз токсон төрт миң тогуз жүз) сом;

Мектептер – 6 034 000 (алты миллион отуз төрт миң) сом;

Бала бакчалар – 2 730 000 (эки миллион жети жүз отуз миң) сом.

Айыл чарбасынын башка кызмат көрсөтүүлөрүнө- 89 000 ( сексен тогуз миң) сом ;

Баардыгы: 26 266 100 (жыйырма алты миллион эки жүз алтымыш алты миң бир жүз) сом.

2. Ат-Башы айыл өкмөтүнүн киреше бөлүгүнүн 2021-2022-жылдарга карата болжолдуу долбоору төмөндөгүдөй бекитилсин:

- 2021- жылга 28 303 400 сом мунун ичинен:

- теңдештирилген грант- 1 290 000 сом

- жергиликтүү кирешелер – 27 013 400 сом

 - 2022-жылга 29 137 500 сом мунун ичинен:

 - теңдештирилген грант-886 100 сом

 -жергиликтүү кирешелер- 28 251 400 сом

3. Ат-Башы айыл өкмөтүнүн 2020-жылга карата бекитилген бюджетин түзүлгөн сметага ылайык аткарылышын камсыздоо жагы айыл өкмөттүн башкы бухгалтери Т.Жусубалиевге милдеттендирилсин.

4. Ат-Башы айыл өкмөтүнүн 2020-жылга карата бюджетинин аткарылышын көзөмөлдөө жагы Ат-Башы айыл өкмөтүнүн башчысы К.Чоробековго тапшырылсын.