С. ЮСУПОВА АЙЫЛДЫК КЕҢЕШИ

ТОКТОМ 

С.Юсупова айылдык кеңешинин 6-чакырык 9-сессиясы

2019-жылдын 27-апрели №9-7

Араван айылынын Бобур көчөсүнүн №92-үйүнүн тургуну Мадрахимов Шерзодбек Мамажоновичтин арызын кароо жөнүндө

Араван айылынын Бобур көчөсүнүн №92-үйүнүн тургуну Мадрахимов Шерзодбек Мамажоновичтин Араван айылынын Б. Айдаров көчөсүндөгү жалпы аянты 200 м2 жеке менчик турак үйүнүн жер участогун, курулуштук багытын пластик жана жыгач эшик, терезелер даярдоочу кичи цехтин жер аянты багытына (перепрофилирования) макулдук сурап жазган арызын карап чыгып, депутаттардын сунуш-пикирлерин эске алуу менен Кыргыз Республикасынын Жер Кодексин жетекчиликке алып, С. Юсупова айылдык Кеңеши

ТОКТОМ КЫЛАТ:

1. Араван айылынын Бобур көчөсүнүн №92-үйүнүн тургуну Мадрахимов Шерзодбек Мамажоновичтин Араван айылынын Б. Айдаров көчөсүндөгү жалпы аянты 200 м2 жеке менчик турак үйүнүн жер участогун жери айыл өкмөтүнүн архитектуралык-пландаштыруу, курулуш, экологиялык, санитардык-гигиеналык, өрткө каршы жана башка атайын талаптарды (ченемдерди, эрежелерди, нормативдерди) сактоо менен пластик жана жыгач эшик, терезелер даярдоочу кичи цехтин жер аянты багытына өзгөртүүгө (перепрофилирования) макулдук берилсин.

2. Аталган жерди курулуштук багытын өзгөртүү маселеси С.Юсупова айыл Өкмөтүнүн муниципалдык менчикте турган жер участокторуна менчик же ижара укугун берүүнүн тартиби жана шарттарын жөнгө салуу боюнча түзүлгөн комиссиянын кароосунда каралып, Кыргыз Республикасынын жер мыйзамдарынын талаптарына каршы келген учурда комиссиянын сунушу менен бул токтомду аткаруудан баш тартуу мүмкүн экендиги белгиленсин.

3. Токтомдун аткарылышын көзөмөлгө алуу жагы айылдык кеңештин жер, турак-жай жана муниципалдык менчик маселелери боюнча туруктуу көмиссиясына жүктөлсүн.