ИСФАНА ШААРДЫК КЕӉЕШИ

ТОКТОМ

Исфана шаардык кеңешинин V чакырылышынын кезектеги XXX сессиясы

2020-жылдын 28-февралы № 1

Исфана шаарынын мэринин 2019-жыл ичинде аткарган иштери жөнүндө отчету

Исфана шаарынын мэри А.Н. Хамраевдин 2019-жыл ичинде аткарган иштери жөнүндө отчётун жана сессияда чыгып сүйлөгөн депутаттардын сунуш-пикирлерин угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 6-бөлүмүнө жана Исфана шаардык Кеңешинин регламентинин 17-главасынын 5-пунктуна ылайык Исфана шаардык Кеңешинин V чакырылышынын кезектеги ХXX сессиясы

ТОКТОМ КЫЛАТ:

1.    Исфана шаар мэри А.Н.Хамраевдин 2019-жыл ичинде аткарган иштери боюнча отчёту канааттандырарлык деп табылсын.

2.    Белгиленген кемчиликтерди четтетүү менен аткарылган иштер боюнча маалыматты 2020-жылдын 6 айынын жыйынтыгы менен билдирүү берүү жагы Исфана шаарынын мэри А.Н.Хамраевге милдеттендирилсин.

3.    Ушул токтом шаардык Кеңештин аппаратында каттоодон өткөрүлүп, Исфана шаардык Кеңешинин жана мэриясынын www.isfanacity.kg расмий сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Баткен облусунун юстиция башкармалыгына жөнөтүлсүн.

4.    Бул токтомдун аткарылышын көзөмөлдөө жагы Исфана шаардык Кеңешинин фракция лидерлерине жана туруктуу комиссияларына тапшырылсын.

Исфана шаардык Кеңешинин 2020-жылдын

28-февралындагы кезектеги XXX сессиясынын

 № 1 токтомуна тиркеме.

Исфана шаарынын 2019-жыл ичинде социалдык-экономикалык жактан

өнүгүүсүнүн жыйынтыгы боюнча

ОТЧЕТУ

 Кыргыз Республикасынын Президенти тарабынан 2019-жылдын 11-январындагы “2019-жылды Региондорду өнүктүрүү жана өлкөнү санариптештирүү жылы” деп жарыялоо жөнүндөгү №1 Жарлыгынын, Кыргыз Республикасынын Өкмөтүнүн «Биримдик. Ишеним. Жаратмандык» программасынын жана Кыргыз Республикасынын Өкмөтүнүн 2017-жылдын 13-июнундагы №368 “2018-2020-жылдарга Кыргыз Республикасынын социалдык-экономикалык өнүктүрүүнүн орто мөөнөттүү болжолу” жөнүндөгү токтомун негизинде 2018-2020-жылдарга Исфана шаар мэриясынын өнүгүү программасынын 2019-жыл ичинде Исфана шаар мэриясы бир катар уюштуруучулук жана практикалык иштер жүргүзүлдү.

Жергиликтүү калктын маселесин чечүү, шаардын жана шаарга караштуу айылдардын ар тараптуу өсүп өнүгүшүн камсыздоо, шаардын жана айылдардын инфраструктурасын жакшыртууга багыт алынды.

Исфана шаардык кеңешинин V чакырылышынын кезектеги XII сессиясынын 2018-жылдын 25-декабрындагы №3-токтому менен бекитилген Исфана шаарынын 2019-жылга карата өнүгүү программасынын ишке ашыруу жана айыл чарба продукциясын өндүрүү боюнча иштер жүргүзүлдү:

Исфана шаар мэриясынын социалдык-экономикалык өнүгүүсүнүн негизги көрсөткүчтөрүнүн 2019-жыл ичинде аткарылышы жөнүндө маалымат:

Өнөр-жай продукциясы боюнча: 2019-жылдын жыйынтыгы менен 108,7 млн сомдук өнөр жай продукциясы өндүрүлүп, 2018-жылдын ушул мезгилине салыштырмалуу 105,9%га аткарылган, өткөн жылга салыштырмалуу 60,2 сомго көп аткарылган.

Айыл чарбасы боюнча: 2019-жылдын жыйынтыгы менен 1080,2 млн сомду түзүп же өткөн жылга салыштырмалуу 49,1 млн. сомго көп аткарылып, өсүү темпи 104,8 % ды түздү.

Чекене соода жүгүртүү: 2019-жыл ичинде 4993,4 млн.сомго аткарылып, өткөн жылга салыштырмалуу 121,9 млн. сомго көп же өсүү темпи 102,5 %га камсыз болгон.

Элге кызмат көрсөтүү: боюнча 2019-жылдын жыйынтыгы менен 366,7 млн сомго аткарылып же өткөн жылга салыштырмалуу 67,8 млн. сомго көп кызмат көрсөтүлүп, өсүү темпи 122,6% ды түздү.            

Капиталдык салым: 2019жылдын жыйынтыгы менен 163,1 млн сом 2018-жылдын ушул мезгилине салыштырмалуу 190,3 млн сом айырмасы -27,2 млн сом.

2019-жылга шаардын өнүгүү планында 38 иш-чара камтылып, а.и. 32 иш-чара 91875,3 миң сомго аткарылып же 72,7 % түздү. Негизинен республикалык бюджеттин эсебинен ишке ашырылуучу иш-чаралар аткарылбай калды. Ал эми жергиликтүү бюджеттин эсебинен аткарылган иш-чаралардын суммасы 10884,6 миң сом болуп, 97% түздү. Ошону менен бирге 2019-жылда аткарылбай калган төмөнкү иш-чаралардын кээ бирлери 2020-жылдын өнүгүү планына сунушталды:

1.    Додосьян жана Салам Бава кочолорун байланыштырган тепкичтерин жана Манас Ата көчөсүндө тарых музейинин артындагы бетондорду реконструкция кылуу.

2.    Чимген айылында жөө адамдар өтүүчү мост куруу.

3.    Т.Жапаров атындагы орто мектебинин имаратына капиталдык оңдоо иштерин жүргүзүү. (азыркы күндө башталган)

4.    Алма бак участкасындагы скважинаны калыбына келтирүү.

5.    Эконфонд тарабынан "Лейлек-Тазалык" муниципалдык ишканасына трактор алуу 2020-жылы аткарылат

20 “өсүү түйүндөрү” шаарлардын өнүгүүсү боюнча иш-чаралар планын аткарылышы боюнча Исфана шаарында 25 өндүрүштүк, жалпы суммасы 384,6 млн сомдук долбоорлор иштелип чыгып, мамлекеттик колдоого алууга конкурстук комиссияга каржылоого сунушталган. Долбоорлор негизинен өнөр-жай продукцияларын чыгаруу ишканалары, айыл-чарба продукцияларын кайра иштетүү жана кызмат көрсөтүү, логистикалык борборлорду түзүүгө багытталган. Исфана шаарынын социалдык экономикалык өнүгүү программасына ылайык беш долбоор жактырылып, шаардын 5 жеке ишкерине ири суммадагы насыя берүү жагы чечилди.

Өндүрүштүк ишканаларды курууга Исфана шаар мэриясы тарабынан 35,4 га жерди трансформациялоого жана ген пландын негизинде иш жүргүзүлүүдө.

“Санариптештирүү” боюнча Исфана шаар мэриясынын веб-сайтын иштетүү эң алгылыктуу жумуш болуп эсептелет. Ошондуктан сайт үчүн isfanacity.kg домени жана хостинг кызматтары сатып алынды. Бүгүнкү күндө веб-сайт толугу менен иштеп жатат. Ошону менен бирге “Эл аралык толеранттуулук үчүн” коомдук фондунун “Толеранттуулук жана демократия элчилери” долбоорунун алкагында веб-сайт менен бирге “карта возможностей” мобилдик программасы элдерге массалык түрдө колдонуу үчүн ишке берилди.

Мындан сырткары мэриянын имаратындагы интернет линиялары жаңыланып, Оптикалык линиялары орнотулду.

Тартылган инвестициялар боюнча:

2019-жыл ичинде Исфана шаарынын жана шаарга караштуу айылдардын аймагына республикалык бюджеттен жана эл аралык уюмдар, донорлордун эсебинен 22 иш-чарага тартылган сырткы инвестициянын жалпы көлөмү 168818,7 миң сомду түздү. Алардын ичинен көрүнүктүү жумуштар төмөнкүлөр:

1.    Прокуратура кызматкерлерине кызматтык үйдүн курулушу – 8076,903 миң сом.

2.    №48 кесиптик лицейдин имаратынын бүткөрүлүшү – 34,0 млн сом.

3.    Жолдорду асфальттоо жумуштары (3 жерде) – 13480,0 миң сом.

4.    Өзгөчө кырдаалдардын алдын алуу боюнча аткарылган жумуштар – 30,0 млн сом.

5.    Жайыт комитетине трактор алынды, АРИС тарабынан – 1265,5 миң сом.

6.    Исфана аэропортун реконструкция кылууга – 21,0 млн сом.

7.    КААБунун имаратынын курулушу – 803,2 миң сом (мэриянын салымы 441,2 миң сом).

8.    Кара-Таш айылына ФАП куруу – 7,0 млн сом.

9.    Аймактык ооруканага жаңы төрөт бөлүмүнүн имаратынын курулушу – 30,0 млн сом.

10. Шаардын башкы планынын бүткөрүлүшү – 5,0 млн сом.

Мындан сырткары 2019-жыл ичинде шаардын аймагында ишкерлер тарабынан 26 жаңы ишкана ишке берилип, 90дон ашуун жумуш орундары түзүлдү. Жана шаарга болгон ички инвестициянын көлөмү 66,0 млн сомдон ашты. Түзүлгөн ири ишканалар төмөнкүлөр:

1.  "Кутчу Даана" айыл чарба кооперативи тарабынан минералдык сууларды чыгаруучу

 жалпы суммасы 5,2 млн сомдук ишкана түзүлдү.

2.  Жеке ишкер С.Шарипов тарабынан Исфана шаарынын Кошмуратов көчөсүндө азык-

 түлүктөрүн сатуучу соода борбор курулду. Жалпы суммасы 4,5 млн сомду түзгөн.

3.  Жеке ишкер Х.Нажимидинова тарабынан "Лейлек Бренд" соода борбору курулуп, ишке берилди. Жалпы суммасы 7,0 млн сомду түзөт.

4. 150 орундуу "Виннипух" бала бакчасы ишке берилди. Жалпы суммасы 15,0 млн сомду түзөт.

5. "Илим-Заман" ЖЧКсы тарабынан 100 орундуу “Балажын” бала бакчасы ишке берилди.

 Жалпы суммасы 12,0 млн сомду түзөт.

6.    Жеке ишкер У.Одилхужаев тарабынан үн чыгаруучу кичи завод ишке берилди, суммасы 4,5 млн сомду түзгөн.

7.    Жеке ишкер И.Джураев тарабынан коомдук тамактануучу жай ишке берилген, суммасы 3,5 млн сомду түзгөн.

8.    Жеке ишкер М.Саттаров тарабынан “Беко-2” соода борбору ишке түшүп, суммасы 3,0 млн сомду түзгөн.

9.    “МТС-Самат” айыл чарба коммерциялык кооперативи ишке берилип, суммасы 4,0 млн сомду түзгөн.

                                                    Социалдык тармак боюнча:  

     Исфана шаарынын 2019-жылга карата өнүгүү программасында 14 иш-чара же б.а. 37 % социалдык багыттагы иш-чаралар камтылган.

                 Республикалык бюджеттин капиталдык салымдар беренеси боюнча 2019-жылга төмөнкү обьекттер каржыланды:

1.    Кара-Таш айылына ФАП куруу – 6,969,690 сом, подрядчы “Араван Ремстрой” ЖЧК, курулуш иштери бүткөрүлүп пайдаланууга берилди.

2.    Т.Жапаров атындагы орто мектепти капиталдык оңдоо – 4,476,283 сом, подрядчы “Ал-Амал” ЖЧК, ремонт иштери 2020-жылдын январь айында башталды.

3.    Ю.Гагарин атындагы орто мектепти капиталдык оңдоо – 3,248,100 сомдук бүткөрүлбөй калган жумуш аткарылууда. Тактап айтканда мектептин сырткы фасадында ремонт иштери жүргүзүлдү.

4.    К.Казыев атындагы орто мектебинин жаңы имаратын куруу – “Араб өнүктүрүү фондунун” эсебинен курулушу башталды. Подрядчы “Илек Строй Групп” ЖЧК. Жалпы суммасы 65,0 млн сом болуп, 2019-жылга 5,0 сомдон ашуун каражатка жумуш аткарылды

5.    Үлүштүк гранттардын эсебинен жалпы суммасы 3441,928 сом болгон “№1 Гимназия интернатына чарбалык имараттарды куруу жана мектептин аймагын абаттоо” долбоору боюнча курулуш иштери бүткөрүлүп пайдаланууга берилди. Анын ичинде шаар мэриясынын салымы 1656,1 миң сомду түзөт.

Эл аралык уюмдар менен иштөө жана билим берүү тармагына инвестиция тартуу боюнча шаарга караштуу 3 мектеп Мерсико эл аралык уюмдарынын азык-түлүк долбооруна сунушталып, Мектеп ашканаларын оңдоо жана калыбына келтирүү боюнча долбоорлор жактырылган.

-          Ысык-Көл орто мектебинин ашканасын ремонттоо жана азык-түлүк үчүн кампа курууга 380920 сом жергиликтүү бюджеттен бөлүндү, “Мерсико” тарабынан 307381 сомдук ашкана жабдуулары берилди. Ошону менен бирге ушул долбоордун алкагында ашкананын айнек жана эшиктерин алмаштыруу үчүн 24000 сом жана мектетеги электр энергиясын пайдалануу 3 фазага өткөндүктөн, линияларын иреттеп жаңы линия тартуу жана электр жабдуулары үчүн 47950 сом жумшалды. Ошентип Ысык-Көл орто мектебин ысык тамакка өткөрүү долбоорунун алкагында жергиликтүү бюджеттин эсебинен 452870 сомдук жумуш аткарылды.

-          Тайлан орто мектебинин ашканасын ремонттоо жана мини скважина курууга 399975 сом жергиликтүү бюджеттен бөлүндү, “Мерсико” тарабынан 198073 сомдук ашкана жабдуулары берилди.

-          Т.Жапаров атындагы орто мектебине долбоордун “Колдордуу жуу” компоненти боюнча кол жуугучтарды жана башка жабдууларды орнотуу жана суу менен камсыздоого 99552 сом жергиликтүү бюджеттен бөлүнүп, бүткөрүлдү.

-          Жогорудагы 3 мектепке жаңы окуу жылына “Мерсико” тарабынан азык-түлүктөр берилди.

Билим берүү мекемелериндеги ремонт, курулуш жана материалдык базаны түптөө иштери боюнча:

-           “Жасмин” балдар бакчасына кошумча корпус куруу боюнча 1100,301 сом бөлүнүп, курулуш иштери жүргүзүлдү. Имараттын ички, тышкы жасалга (отделка) иштери, тамбур куруу, секиче жана пандус ата-энелердин фондунун эсебинен бүткөрүлдү. 2020-жылдын 1-кварталында эмеректер менен камсыздоо маселесин чечүү боюнча аракеттер көрүлүп, бакчага кошумча 50 бала тарбиялоого алынат.

-          Тайлан орто мектебинин теннис ойноочу канасынын курулушуна жана полуна жалпы 21600 сомдук курулуш материалдары алынып берилди.

-          Тайлан орто мектебине 19485 сомго компьютер, Токтогул атындагы орто мектебине 27485 сомго компьютер жана принтер, “Алтын-таажы” балдар бакчасына 47155 сомго компьютер, принтер жана телевизор алынып берилди.

-          “Барчын” балдар бакчасына 126600 сомдук, “Наристе” балдар бакчасына 135500 сомдук жана №4 Гимназия интернатына 84000 сомдук эмеректер алынып берилди.

-          “Ынтымак” балдар бакчасына 62200 сомго жогорку кубаттуулуктагы 4 камфоркалуу плита, “Келечек” балдар бакчасына 45000 сомго 12 кг.дык кир жуучу машине алынып берилди.

-          Т.Жапаров атындагы орто мектебине 50 даана люмен лампалар 6500 сомго, Беш-Бала башталгыч мектебине 10850 сомго ашканага идиштер жана холодилниги оңдоттуруп берилди. Д.Жороев атындагы жалпы негизги мектепке 19900 сомго видеобайкоо орнотууга тендер өткөрүлүп, орнотулуп берилди.

-          Ысык-Көл орто мектебинде 148169 сом жумшалып эки окуу корпусун ортосуна жеңил типтеги навес курулду.

-          Амир Темур атындагы орто метебинин автобекет тарабын тосуу үчүн 35745 сомго курулуш материалдары алынып берилип, мектеп жамааты тарабынан тосмосу курулду.

-          А.Навои атындагы орто жана Беш-Бала башталгыч мектебине ички тротуар курууга 88710 сом бөлүнүп берилип, тротуарлары бүткөрүлдү.

-          Бала бакчалардын ремонту жана керектуу жабдуулары боюнча: Арча-Бешик балдар бакчасына 41910 сом, Жеткинчек балдар бакчасына 45985 сом, Агартуу балдар бакчасына 13300 сом, Ак-Шоола балдар бакчасына 4860 сом болунуп берилди Наристе балдар бакчасынын ички электр линиялары жана туйундору кооптуу абалда болуп, мамлекеттик экотех инспекциясынын актысын негизинде бакчанын ички электр линиялары жаныланды жана 130642 сом каражат жумшалды.

-          Мындан сырткары бакчанын канализация системасы эскилиги жеткендиктен пайдаланууга мумкун болбой калуунун алды алынып кээ бир тетиктери алмаштырылды жана кун батыш тарабындагы ички тутуктору толук алмаштырылды. Бул жумуштарга 97825 сом каражат жумшалды.2019-жылда шаарга караштуу 15 мектеп жана 12 бала бакчалары үчүн жергиликтүү бюджеттен төмөнкүдөй сумма жумшалган: ичимдик суусуна- 624000 сом, жылытуу үчүн көмүр сатып алууга- 4871,856 миң сом, электр энергиясына 2854,113 миң сом, таштандыларды чыгарууга- 63278 сом, санитардык жактан тейлөө үчүн – 92500 сом, балдар бакчаларынын тамак-ашына 1003,274 миң сом, интернет байланышы үчүн 70000 сом.

     Мындан сырткары билим берүү мекемелериндеги курулуш, оңдоп-түздөө иштерине жана ар түрдүү курулуш жана чарбалык материалдары, технологиялык жабдуулар жана эмеректер менен камсыздоого жалпы 6555,490 мин сом жумшалган. Ошентип, бюджеттен жалпысынан- 16134,5 миң сом мектептер жана балдар бакчалары үчүн бөлүнгөн. Бул болсо шаардын жалпы бюджетинин 25,1 % түзөт.

                 Кышка карата даярдыктарды көрүү боюнча:

Исфана шаарынын аймагындагы билим берүү, саламаттыкты сактоо жана маданият мекемелерин, шаар мэриясынын калкын 2019-2020- жылдын күз-кыш мезгилдерине даярдоо боюнча 2019-жылдын 4-апрелинде Исфана шаар мэриясынын №75 буйругу кабыл алынган. Ушул буйрук менен күз-кыш мезгилине карата даярдыктарды уюштуруу боюнча шаар мэриясынын штабынын курамы жана иш-чаралары бекитилген. Жогоруда аталган буйруктун негизинде күз-кыш мезгилине даярдык боюнча керектелүүчү көмүрдүн көлөмүнө билим берүү мекемелеринин директорлорунан заявкалар топтолуп, ар бир социалдык меке мелер боюнча көмүрдүн эсеби такталды. Билим берүү мекемелерин көмүр менен камсыздоо үчүн сатып алууларга конкурс өткөрүү боюнча шаар мэриясынын буйругун негизинде комиссия курамы түзүлгөн. Конкурс мамлекеттик сатып алуулар интернет-порталына жарыяланып, 2019-жылдын 3-июлунда конкурска жарыя берилген. Жалпы суммасы 4,946,134 сом. 2019-жылдын 24-июлунда өткөрүлгөн конкурска 3 көмүр өндүрүүчү ишкана катышкан. Алар “Нур”, “Таш-Короо” жана “Билал Кара-Суу” ЖЧК. Конкурстун жыйынтыгында “Нур” ЖЧКсы жеңүүчү деп табылган. Конкурстун негизинде

-          БК маркасындагы көмүрдүн 1 тоннасы 6100 сомдон,

-          БР маркасындагы – 4500 сомдон жана

-          БСШ маркасындагы көмүрдүн баасы 1 тоннасы 2200 сомду түзгөн.

Бардыгы болуп 4761,632 мин сомго 1082,02 тонна көмүр сатып алууга келишим түзүлгөн. Анын ичинде:

-          БК маркасындагы көмүр 302,42 тон,

-          БР маркасындагы көмүр 522,5 тон,

-          БСШ маркасындагы көмүр 257,1 тоннаны түзөт.

Көмүр ташуу боюнча 2020-жылдын 10-январына карата бардык ташылган көмүр 842,98 тонна болуп, камсыздоо 77,5% түздү.

     Мындан сырткары кышка карата даярдык жана билим беруу мекемелериндеги жылытуу маселелерин жакшыртуу боюнча төмөнкү иштер аткарылды:

Бардык мектептер жана балдар бакчаларынын электр жабдууларын электро техникалык лабораториядан өткөрүү үчүн 81913 сом бөлүнүп берилди.

-          Кышка даярдык боюнча мектептер жана балдар бакчаларына керектүү тетиктери жана материалдары менен камсыздоо үчүн (буржуйка, труба, чыканак, клеёнка, насос ж.б.) тендерге жарыя берилип 129326 сомго 10 мектеп жана 6 балдар бакчасына керектүү материалдар алынып берилген.

-          А.Навои жана Амир Темур атындагы орто мектептеринин кателдорун ондоо учун 81590 сомго керектуу тетиктери алынып берилип ондолду.

-          Наристе балдар бакчасына 17740 сомго кышка материалы жана эски колдо жасалган кателу жараксыз абалда болгондуктан 29827 сом болунуп бакчага кател орнотулду.

-          Исфана жана Ысык-Кол орто мектептеринин кателдоруна 69500 сомго насос алынып берилди жана Ысык-Кол орто мектебинде насосту орнотуу учун 13990 сом жумшалды. Ал эми Исфана орто мектебиндеги эски чугун кателду ондоо учун 28248 сом жумшалды.

-          Исфана орто мектебинде 2018-жылы алынган бир гана кател иштеп кубаттуулугу жетпегендиктен жылытууну толук кандуу камсыздоо учун 352330 сомго жаңы кател меши комплект жабдыктары менен орнотулду.

-          Беш-Бала башталгыч мектебине 123350 сом каражат болунуп жылытуу системасы толук реконструкция кылынып кател окуу корпусунан сыртка чыгарылды жана кичи имарат курулду.

-          №4 Гимназия мектебине 68945 сом каражат болунуп кател комплект жабдыктары менен орнотулду.

-          Тайлан орто мектебине 349378 сом каражат болунуп мектептин спорттук залына жылытуу системасы курулду жана эски окуу корпусундагы система ремонттолду. Ошону менен бирге кател учун имарат курулду.

-          Ак-Булак орто мектебине 393870 сом каражат болунуп мектептин эки окуу корпусуна тен жылытуу системасы жана кател учун имарат курулду.

-          Ак-Булак айылындагы ФАПтын кателу жараксыз болгондуктан 30000 сомго жаны кател алынып орнотуп берилди.

     Жол чыгымдарын төлөп берүү:

- Окуучулар арасындагы республикалык олимпиаданын катышуучусу Токтогул атындагы орто мектебинин 11-классынын окуучусуна 3000 сом, ал эми грем-рик күрөшү боюнча республикалык спартакиаданын катышуучусу Т.Жапаров атындагы орто мектебинин окуучусуна 3000 сом, илим-техника жана ойлоп табуу кароо-сынагына барган №4 Гимназия мектебинин 2 окуучусуна 6000 сом акча каражаты төлөнүп берилди.

- Облустук олимпиадага катышуучу Ю.Гагарин, К.Казыев, Токтогул атындагы жана №1 Гимназия, №4 Гимназия окуучуларына, жалпы 11 окуучуга 7700 сом акча төлөнүп берилди.

- Облустук спартакиадага катышкан Исфана шаарына караштуу Исфана, А.Навои, К.Казыев, Ысык-Көл, Ю.Гагарин, №4 Гимназия интернаты, Т.Жапаров атындагы орто мектептеринин окуучуларына жалпы 43 окуучуга 30750 сомдук жол акысы төлөнүп берилди.

- Т.Жапаров атындагы орто мектебинин окуучуларын “Жол коопсуздугунун жаш инспектору” аттуу облустук конкурска барып келүүсү үчүн 6000 сом төлөнүп берилди.

- Өспүрүмдөр арасындагы грек-рим күрөшү боюнча Жалал-Абад шаарында өткөрүлгөн эл аралык мелдешке катышкан Т.Жапаров атындагы орто мектеби жана Д.Жороев атындагы жалпы негизги мектебинин 3 окуучуларына 6600 (алты миң алты жүз) сом акча каражаты бөлүнүп берилди.

- Ысык-Көл облусунда өткөрүлгөн “Ден-Соолук” спартакиадасына шаар мэриясынын атынан барган командага 15000 сом акчалай колдоо көрсөтүлдү.

- Кулунду айыл окмотундо комуз кунуно карата откорулгон ишөчарага окуучулардын барып келуусу учун 3000 сом болунуп, унаа камсыздап берилди.

- Республикалык “Тамашоу” мелдешине катышкан командага барып келуусу учун 10000 сом каражат болунуп берилди.

Маданият тармагында өткөрүлгөн иш-чаралар төмөнкүлөр:

-            23-февраль Ата Мекенди коргоочулар күнүнө карата “Эр жигит” кароо сынагы өткөрүлүп, 3000 сом каражат жумшалды.

-            8-март Аялдардын Эл аралык күнүнө карата кыз-келиндер арасында шаар боюнча 1-жолу «Исфана периси – 2019» кароо-сынагы өткөрүлүп, 18000 сом акча каражаты жумшалды.

-              21-март Нооруз майрамына карата майрамдык иш-чара борбордук стадиондо кең көлөмдө өткөрүлдү. Шаар боюнча бардык 14 АӨӨБК катышып, кол өнөрчүлөрдүн жана тамак-аш көргөзмөсү мелдештери өткөрүлдү. Иш-чарага жалпы 60000 сом акча каражаты сарпталды. Орун алган командаларга шаар мэриясы тарабынан 32900 сом акчалай сыйлыктары берилди.

-              2018-жылдын 17-апрелинде Алыкул Осмонов атындагы адабий сыйлыктын лауреаты Курбаналы Сабыровдун туулган күнүнө арналган “Лейлек поэзия күнүнө” карата өткөрүлүүчү иш-чараларды уюштурууга жана өткөрүүгө колдоо көрсөтүү үчүн Исфана шаарынын мэринин резервдик фондунун эсебинен 15000 сом акча каражаты бөлүнүп берилди.

-            Айылдык китепканаларга балдар жана жаштар үчүн 45900 сомго 133 даана жаңы китептер бюджеттин эсебинен камсыздап берилди

-              Чимген айылдык маданият үйүнө 308080 сом болунуп, 1-кабатында ремонт иштери жүргүзүлдү, пол жасалды жана жарыктандыруу жаңыланды. Ошону менен бирге сахнаны жасалгалоо жана терезелерге парда илүү үчүн 17573 сом бөлүнүп берилип, ар түрдүү маданий иш-чараларды өткөрүүгө шарт түзүлдү.

Саламаттык сактоо тармагында.

Бул багытта 2019-жылдын апрель айында Үй-бүлөлүк медицина борбору (ЦСМ), райондук санэпид көзөмөл борбору, медицина кызматкерлери, социалдык педагогдор, дин кызматкерлери, балдар бакчаларынын башчылары жана айыл башчылары менен тегерек стол өткөрүлдү. Түздөн-түз балдар менен иштөөчү мекемелер - мектептер жана бала бакчаларда, жер-жерлерде айыл башчылары тарабынан ата-энелердин жалпы чогулуштарын өтүп балдарды эмдөө боюнча түшүндүрүү иштерин жүргүзүү маселелери каралды. Ошондой эле август айында - Исфана, Амир-Темур, Ысык-Көл, А.Навои атындагы орто мектептеринде энелер жана кыз-келиндер үчүн ҮБДБ дарыгерлери менен бирге “Энеликти жана балалыкты коргоо” темасында жолугушуу өткөрүлдү. Балдардын туура тамактануусу жана балдардын, энелердин аз кандуулугун алдын алуу боюнча түшүндүрмөлөр берилди

Жаштар менен иштөө боюнча. Кыргыз Республикасынын Өкмөтүнүн алдындагы жаштар иштери жана спорт мамлекеттик агенттиги тарабынан республика боюнча 18 шаардын арасында жарыяланган “Балдарга жана жаштарга ыңгайлуу шаар” сынагынын алкагында жыл ичинде балдар жана жаштар үчүн тренинг, жолугушуу, конкурс, акция сыяктуу 30 дан ашуун иш-чаралар откорулду.

                 2019-жылга карата Исфана шаарынын калкынын саны 31613 киши болсо анын ичинен балдардын жана жаштардын жалпы саны 19500 бала болуп, жалпы калктын 61,7% түзөт. Исфана шаарында ички миграция күчөп, жаштардын саны көбөйгөндүгү байкалган. Ошондой эле шаар аймагында №48 кесиптик лицейи жана Академия атайын орто окуу жайы, турмуштук оор кырдаалдагы балдар үчүн “Акчыйыр” мектеп-интернаты жайгашып, башка айыл аймактардан жаштар келип билим алууда.

Исфана шаарында жергиликтүү деңгээлде жаштар саясатын жүзөгө ашыруу боюнча 2019-жыл ичинде жаштардын укуктарына жана кызыкчылыктарына тиешелүү үч негизги укуктук акт кабыл алынды. Алар:

1. 2019-жылдын 3-майындагы Исфана шаардык кеңешинин V чакырылышынын кезектеги XXIII сессиясында Исфана жаштар борборунун түзүү маселеси күн тартибинде каралып, сессиянын №3- токтому менен муниципалдык жаштар борборунун жобосу бекитилди.

2. 2019-жылдын 9-августундагы Исфана шаардык кеңешинин V чакырылышынын кезектеги XXIII сессиясында Исфана шаар мэриясынын 2019-2021-жылдарга карата жаштар тармагын өнүктүрүүнүн стратегиясын бекитүү маселеси күн тартибинде каралып, сессиянын №4- токтому менен Стратегия бекитилди.

3. Исфана шаар мэриясынын 2019-жылдын 23-сентябрындагы №118 буйругунун негизинде Жаштар борборунун имаратын куруу үчүн 72 чарчы метр жер тилкеси ажыратылып берилди. Ал жерге жакынкы аралыкта Жапон элчилигинин колдоосу менен ПРООНдун долбоорунун алкагында жаштар борборунун имараты курулат. Ошондой эле ПРООНдун колдоосу астында жаштар борборуна жалпы баасы 5091,56$ болгон компьютердик жабдуулар, 3в1 принтер, проектор, экран, камера алынып келинди.

Кыргыз Республикасынын Президентинин 2019-жыл “Региондорду өнүктүрүү жана өлкөнү санариптештирүү” жылы деп жарыялоо жөнүндөгү жарлыгын турмушка ашыруу максатында жана жаштар тарабынан демилгеленген “Жамааттарда өнөктөштүктү жана кызматташтыкты өнүктүрүү” долбоору “Эл аралык толеранттуулук үчүн” фонду менен бирге ишке ашырылып Исфана шаар мэриясынын жана шаардык кеңештин расмий сайты www.isfanacity.kg ошону менен бирге “мумкунчулуктор картасы” боюнча иштеген “Isfana Online” мобилдик тиркемеси ишке берилди. Анын үчүн жергиликтүү бюджеттен 138,3 миң сом, ал эми фонд тарабынан 165,0 миң сом каражат берилди. Ушул иш-чаранын алкагында Исфана шаар мэриясындагы интернет байланышы оптикалык байланыш түтүктөрүнө алмаштырылды.

Интернет сайтта жаштар үчүн өзүнчө блок ачылып, ал жерде жаштарга кызыктту маалыматтар жана жарыялар берилет.

“Isfana Online” мобилдик тиркемесинда шаардын бардык жарандары жер-жердеги көйгөйлөр боюнча шаар мэриясына кайрылуу жөнөтө алат жана анын аткарылышын көзөмөлдөп, кайрылууга жооп алат.

Мындан сырткары жаштардын арасында Google формада Исфана шаардык мэрия менен балдар жана жаштар ортосундагы коммуникацияны бекемдоо максатында балдар жана жаштар арасында анкета сурамжылоосу өткөрүлдү. Сурамжылоодо 256 бала катышты. Ал сурамжылоодо мэрия корсотуп жаткан кызматтар боюнча суроолор болду. Ошону менен бирге шаарды өнүктүрүү боюнча жаштардын сунуштары да сурамжылоо аркылуу алынууда.

Социалдык тармактар боюнча Фейсбукта Исфана шаар мэриясынын, ал эми Инстаграмда Исфана жаштар борборунун баракчалары ачылган.

Жаштар жана окуучулар арасындагы 11-октябрь Эл аралык кыздар күнү, 10-ноябрь Кыргыз Республикасынын Жаштар күнү, 5-декабрь Волонтерлердун күнүнө карата “Китепкөй”, “Акылман”, “Сурамжылоо” сыяктуу конкурстар жана акцияларды, ошону менен бирге волейбол, баскетбол, кичи футбол, шахмат жана тогуз-коргоол боюнча мелдештерди өткөрүү үчүн жергиликтүү бюджеттен 154800 сом болунуп берилди.

Социалдык жактан коргоо боюнча:

-              15-февраль Ооган согушунун ардагерлеринин 30 жылдыгына карата Исфана шаарынын аймагында жашаган 16 интернационалист-ардагер жоокерлерине 30020сом Лейлек райондук бөлүмүндөгү атайын эсептик счётуна которулуп берилди.

-              26-апрель ЧАЭСнын эскерүү күнүнө карата 10000сом которулуп берилди.

-              Улуу Ата Мекендик согуштун Женишинин 74 жылдыгына карата согуштун ардагерлери 1(катышуучусуна) 15000сом, 34 тылда эмгектенгендердин ар бирине 1500сомдон 51000 сом жалпы 69300 сом Кыргыз Почтасынын Лейлек райондук филиалына которулуп берилди.

-              Энелер күнүнө белек берүү үчүн 121000сом тендер аркылуу акча каражат которулуп берилди.

-              1-июнь балдарды коргоо күнүн өткөрүү үчүн 9 тоголок жетим балдарга 5000сомдон жалпы 45000сом акча ар бир баланын счётуна которулуп берилди. “Исфана – балалыктын шаары” аттуу майрамдык кече уюштуруу үчүн 63630сом каражат тендер аркылуу бөлүнүп жумшалды. Ошондой эле тоголок жана жарым жетим балдарга жайкы эс алуу лагерине 14 балага 62385 сом акча каражаты которулуп берилди.

-              3-декабрь эл аралык майыптар күнүнө карата шаардын аймагында жашаган 240 ден соолугунун мүмкүнчүлүгү чектелген жарандарга ар бирине 470 сомдук белек даярдалып берилген бардыгы болуп 112800 сом жумшалган

-              Жакыр уй бүлөлөргө материалдык жардам жалпы суммасы 406927сом, Онкология менен ооругандарга 239983 сом акча каражат жардам берилди.

-              Исфана шаар мэринин жаны жыл балаты майрамына карата Исфана шаар аймагында жашаган тоголок жана жарым жетим, турмуш шарты оор үй-бүлөдөгү балдар ден соолугунун мүмкүнчүлүгү чектелген жалпысынан 42 окуучуга 20000 сомдук белек берилген.

-              2019-2020-жж кыш мезгилине Улуу Ата мекендик согушунун ардагери, жалгыз бой карыялар, турмуштук оор кырдаалда жашаган үй-бүлөлөр бардыгы болуп 127 үй-бүлөгө 56 тон 386400 сомдук комүр таркатылып берилген.

-              Исфана шаар мэриясы тарабынан 2019-жыл ичинде 2721 статьясынан 1697,400 сом акча каражат жумшалды.

 Айыл чарба тармагы боюнча:

2019 -жылда айыл чарба багытындагы мамлекеттик кайра бөлүштүрүү фондунун жерлеринин ижара жерлердин акысы 690 000 сомду түзөт, 2019- жылдын 31-декабрына жалпысынан ижара акы 772,9 миң сом өндүрүлүп алынды.Бул көрсөткүч 112,0 пайызды түзөт.

- Айыл чарба багытындагы мамлекеттик фондунун жерлеринин жалпы айдоо аянты 1398 га, анын ичинен: ижарага берилген суулуу айдоо жер аянты – 164 га,164 га жер бардыгы ижарага берилген,1 га жер акысы 2660 сомду түзөт. Кайрак айдоо жер аянты- 917 га,мындан 757 га жер ижарага берилген,1 га жер акысы 460 сомду түзөт,160 га жер ижарага берилбей калган. чоп чабынды жер аянты – 232 га,мындан 95 га ижарага берилген,1 га жер акысы 546 сомду түзөт, 137 га жер ижарага берилбеген, бак-дарактар- 85 га,1 га жер 548 сомду түзөт. жалпысынан 297 га экономикалык жактан пайдасыздыгы боюнча,алыстыгы,таштактуулугу боюнча берилген жок.

Дан өсүмдүктөрү баары 4328 га дан эгиндери эгилди. Анын ичинен: кылкандуулары

 -4140 га эгилип 80015 центрден дан алынып19,3 ц/га түзгөн.

 -2110 га буудай эгилип 42750 центр буудай алынып орточо 20,3ц/га түзгөн

 - 2028 га арпа эгилип 37240 центр арпа алынып орточо 18,4ц/га түзгөн

 - 2 га жерге сулу эгилип, 25центр сулу алынып орточо 12,5 ц/га түзгөн

 -188 га жерге дандык жүгөрү эгилип, 10440 ц дан алынып орточо 55,5 ц/га түзгөн.

 -34 га жерге дандык буурчак эгилип, 310ц дан алынып орточо 9,1 ц/га түзгөн.

 -15 га жерге май өсүмдүктөрү эгилип, 110 центр май өсүмдүгү алынып 7,3 ц/га түзгөн.

 -15 га сафлор эгилип 110 центрден алынып 7,3 ц/га түзгөн.

 -157 га жерге картошка эгилип,21350 центр алынып орточо 136.0 ц/га түзгөн.

 -142 га жерге жашылча түрлөрү эгилип,25990 центр жашылча алынып 183,0 ц/га түзгөн

 анын ичинен:- 41га капуста эгилип 8080 центр капуста алынып 197,1 ц/га түзгөн

 -5 га бадыраң эгилип 700 центр бадыраң алынып 140,0 ц/га түзгөн

 -27 га помидор эгилип 4780 центр помидор алынып 177,0 ц/га түзгөн

 -54 га сабиз эгилип 10590 центр сабиз алынып 196,1 ц/га түзгөн

 -3 га чеснок эгилип 294 центр чеснок алынып 98,0 ц/га түзгөн

 -12 га башка жашылчалар эгилип 1546 центр башка жашылчалар алынып 128,8 ц/га

 -212 га жерге мөмө жемиш эгилип, 8140центр мөмө жемиш алынып 38,4 ц түзгөн.

 -Кесек тоют 11 795 т жыйналып алынганы 11795 т түзүп 106,1 пайыз

 анын ичинен: – чөп- 5600 тонна , саман – 6195 тонна.

 Шаар мэриясы боюнча бардыгы болуп 66 даана айыл чарба техникалары бар.

Анын ичинен: комбайндар 12 даана, 6 комбайн жаны типтеги, 6 комбайн эски типтеги трактор, чөп таңгыч, чөп жыйгыч, барана бардыгы болуп 45 түзөт, дан сепкич (сеялка)-11 даана. Исфана шаар мэриясынын тарбынан 2019 – жылдын түшумү үчүн кылкандуу дан эгиндерин айдоо, гектарына 2000 сом, дан сепкич менен себүү – 700 сом белгиленген. Комбайн менен оруп жыйноо айдоо жерге 2000-2200 сом , чөп оруу суулуу жерге 800-1200 сом, кайрак жерге 800-1000сом, чөп жыйнагыч-700-800, чөп таңгактоо-10-12 сом.

- Жазгы кылкандуу дан эгиндерин эгүүдө жер кыртышын агротехникалык эрежелер менен айдоо, сапаттуу үрөн эгүү жумасына эки жолу көзөмөлгө алынып турулган.

- Айыл чарба багытындагы мамлекеттик фондунун жерлерин ижара мөөнөтү бүткөн жерлер такталып чыгылып. 2019-жылдын 13-мартында мөөнөтү бүткөн жерлерди ижарага берүү боюнча аукцион өткөрүлдү. Жалпы ижарага коюлган жердин аянты 62,82га. Анын ичинен: 5.82 га сугат айдоо, 57,0 га кайрак айдоо жерлер аукционго коюлуп атуулдарга таркатылган.

2019-жылдын түшүмү үчүн эгилген күздүк кылкандуу дан эгиндери боюнча маалымат: Күздүк кылкандуудан эгиндерин эгүүнүн тапшырмасы 600 га, анын ичинен: буудай 590 га, арпа 10 га. Буудай эгилгени 535 га, анын ичинен: сугат жерге 100 га буудай, кайрак жерге 435га буудай, 10 га жерге арпа.

 - Исфана шаар мэриясынын айыл чарба бөлүмүнө атуулдар тарабынан жана мекеме уюмдардан келген арыз каттардын саны – 212 даана., оозеки түшкөн арыздар 78ди түзөт. Ар бир арыз жана катка өз убагында жооп берилип, жайында барып көрүп чечилип берилүүдө.

Исфана жайыт комитети боюнча:

     Исфана шаар мэриясына караштуу жайыт комитетинин 2019-жыл үчүн кабыл алынган бюджетинин көрсөткүчтөрү. Кабыл алынган бюджети 490000 сом болуп, аткарылганы 491500 сом жайыт жыйымдары. бюджеттин аткарылганы 100.007%.

Жайыт комитетинин эсебинен Тайлан Зыгырлык жайыт участкасында мал жолдору техниканын жардамы менен кеңейтилип сел алып кеткен өтмөк жолдор толтурулуп мал өтүүчү жолдор жакшы абалга келтирилди. Зыгырлык жайыт участкасындагы булактардын көздөрү жайыт пайдалануучулардын жардамы менен тазаланып 1700 метр аралыкка жайыт жолу грейдирленип ондолду. Сметалык суммалары 6,1 миң сом. Таш-Кыя-Серпая жайыт участкасындагы сел алып кеткен мал өтүүчү өтмөк жолдор жана элдердин үлүш жерине баруучу жолдор техниканын жардамы менен жана эл тарабынан салым кошулуп жол кеңейтилип 12,0 км аралыгы тегизделди. Сметалык суммасы 16,0 миң сом. Ак-Булак жайытына баруучу жолдор техниканынын жардамы менен тегизделип, сел алып кеткен жерлер калыбына келтирилди. Сметалык суммасы 11,6 миң сом. Кара-Таш айылындагы Ак-Терек жайыт участкасына 1800 метр суу тутугу орнотулуп малдарга суу ичүүчү ноолор курулган жалпы баасы 97000 сом

 Исфана шаарынын жана шаар аймагына караштуу эл жашоочу айылдардын ички жолдору автогрейдер менен тегизделип 350,0 миң сомдук иш чаралары аткарылды,. 2019-жыл ичинде АРИС тарабынан 200,0 миң сомдук грант таратылып проект сметалары даярдалып иш план киргизилди.

Ветеринардык тармак боюнча:

2019-жыл ичинде Исфана шаар мэриясынын ветинспектру жана ветсервистер тарабынан Исфана шаарынын жана шаарга караштуу айылдардын аймагындагы жергиликтүү калктын малдарын, үй канатууларын ар кандай жугуштуу ооруларга (бруцеллез, кара-сан, ичеги курттар, шарп, чума, кутурма ж.б.) каршы эмдөө иштери белгиленген тартипте жүргүзүлдү. Ошону менен бирге үй жаныбарларынын кутурма оорусунун алдын алуу боюнча түшүндүрүү иштерине негизги көңүл бурулуп, бул багытта бир топ жумуштар аткарылды.

Малдардын ооруларын алдын алуу боюнча эмдөө иштери боюнча 2018-2019-жылдарга салыштырмалуу жалпылагнан анализи.

2019-жыл ичинде 450 баш ит атылып жок кылынды. Кыргыз Республикасынын айыл чарба жана милеорация министрлиги тарабынан мал жандыктарды идентификациялоо иштерин үзгүлтүксүз улантылып келүүдө.

 Төө-Жайлоо СПАсы боюнча аткарылган иштер:

Төө-Жалоо Спасынын 2019-жылка карата бюджети 655 112 миң сомду түзгөн. Лейлек райондук суу чарба башкармалыгы менен 2 516 000 м3 сугат суу үчүн келишим түзүлгөн. Исфана шаар мэриясы тарабынан СПАнын кредитине 105000 сом жардам катары которулуп берилген.

2019-жылга карата алынган суу 2млн 225 миң м3, болсо элге жеткирилген 1 млн 746 625 мин м3 түзүп, 80 % аткарылган. 478375м3 суу, 20% гана жоготууга учураган.

Элге жеткирилген сугат суунун акысы 454122сом болуп. Канал, лотоктордун оңдоого 55065 миң сом, Лейлек райондук суу чарба башкармалыгына 19000 сом, кредиттин төлөмүнө 45000 сом, эмгек акыга 145000 сом, соц фонд толомдорүнө 37000, салык тармагына 16500 сом, ал эми башка чыгымдар үчүн 65000 сом сарпталган.

Мындан сырткары СПА тарабынан Тайлан-Чагатай-Узунсай-Корук сугат арыктарынын башына 6 даана 8 метрдик чоң лотоктор орнотулуп берилди. Туп-Сада, Ысык-Көл, МКР2, ДСУ, Махалла, Пилол участкаларындагы скважин жана насосторго жаны электр эсептегичтер орнотулуп берилген.

Салык тармагы боюнча:

2019-жылга карата Исфана шаар мэриясынын кирешелер боюнча бөлүмүнүн бир жылдык иш планы түзүлүп түзүлгөн иш пландын негизинде салык кызматкерлери менен биргеликте тыгыз иш алып барылды жана шаар мэриясынын киреше бөлүмүнүн 2019-жыл үчүн белгиленген планы толугу менен аткарылды.

Исфана шаар мэриясы боюнча 2019-жылга карата жергиликтүү салыктар үчүн 8161,1 мин сом план түзүлгөн болуп бул көрсөткүч 10795,7 мин сомго аткарылды пайыз менен алганда 132,3% түздү. Жергиликтүү салык боюнча 2018- жылга салыштырмалуу 2261,7 мин сом ашыгы менен аткарылды.

     Киреше салыгы боюнча 2019-жылы 24415,2 мин сом 2018-жылга салыштырмалуу 7618,5 мин сомго ашыгы менен аткарылды.

     Сатуудан түшкөн салык боюнча 2019-жылы 8817,7 мин сомду түздү, бул салыктын түрү боюнча 2018-жылга карата 389,4 мин сомго ашыкча жыйналды.

 Атайын салыктар боюнча 2019-жылда 9935,3 мин сом салык жыйналды, план боюнча 8251,5 мин сом белгиленип, ал эми аткарылганы пайыз менен алганда 120,4 % ды түздү . 2018-жылга салыштырмалуу 668,5 мин сомго ашыгы менен аткарылган.

Ыктыярдуу патент боюнча 2019- жылга карата 7302,0 мин сом план белгиленип аткарылганы 8529,3 мин сом, пайыз менен алганда 116,8% ды түздү ал эми бул салыктын түрү 2018-жылга салыштырмалуу 460,5 мин сомго ашык жыйналды.

Ал эми милдеттүү патент боюнча 594,5 мин сом план белгиленип аткарылганы 815,0 мин сомду түзүп пайыз менен алганда 137,1%ды түзгөн бул көрсөткүч 2017-жылга карата 110,3 мин сомго ашыгы менен аткарылды

Авто ууна салыгы боюнча 2019-жылга 2850,0 мин сом план белгиленип, аткарылганы 3393,1 мин сомду түздү пайыз менен алганда 119,1% ды түздү. 2018-жылга салыштырмалуу авто ууна салыгы 298,3 мин сомго ашыкчага аткарылган.

     Жалпы кирешелердин жыйналуусу боюнча 2019-жыл үчүн 66013,5 мин сом план белгиленип аткарылганы 67839,2 мин сомду түздү. Башкача айтканда 1825,7 мин сом ашыкча жыйналып пайыз менен алганда 102,8 %ды түздү. Бул көрсөткүч 2018-жылга салыштырмалуу 9612,4 мин сомго көп көрсөткүчтү түздү.

     2019-жыл ичинде салык төлөбөгөн атуулдарга эскертүү берилип салыктар жыйналып Исфана шаар мэриясынын бюджетин толтурууга арекеттер жасалды. Лейлек райондук салык кызматы менен биргеликтее рейдтер уюуштурулду жана алар менен биргеликте иш алып барылып жакшы көрсөткүчтөр болду. Милдеттүү жана Ыктыярдуу патенттерди жыйноо боюнча график түзүлүп салык кызматкерлери участкаларга чыгып патенттер жыйноо боюнча бир топ иштер аткарылды.

     Негизинен бардыгы болуп 2019-жылда жергиликтүү салыктар боюнча 10795,7 мин сом жыйналып пайыз менен алганда 132,3% ды түздү.

Аскердик каттоо жана мобилизациялык даярдык боюнча:

 Исфана шаар мэриясынын аскердик каттоо жана мобилизациялык даярдык боюнча иштери 2019-жыл ичинде «Кыргыз Республикасынын жарандарынын жалпыга тиешелүү аскердик милдеттери жөнүндө, аскердик жана альтернативдик кызматтар жөнүндөгү»

Мыйзамынын 12, 13, 14 жана 41 беренелерине ылайык шаар мэриясынын эсебиндеги калк жана аймагында жайгашкан мекеме-ишкана, окуу жайлары менен 2019-жылга бекитилген иш планы боюнча алып барылды.

      Лейлек райондук мамлекеттик администрациясынын 2003-жылы төрөлгөн уландарды аскердик эсепке алгачкы каттоо жөнүндөгү токтомун аткаруу боюнча аскердик эсепке алгачкы каттоого алуу үчүн мэриянын аймагында жайгашкан орто мектептердин жана окуу жайларынын директорлору, аскердик башталгыч тарбия жетекчилери менен бирдикте 2003-жылы төрөлгөн уландардын тизмелери такталды. Уландардын өздүк иш-кагаздары, делолору даярдалып, көрсөтүлгөн график боюнча медициналык комиссияга келүүсү камсыз кылынды. 2019-жылдын 28-февралына чейин 2003-жылы туулган 160 улан жана ар түрдүү себептер менен каттоодон өтпөй калган 2002-жылы туулган 2 улан аскердик эсепке алгачкы каттоодон өтүштү. Кандайдыр бир себептер менен аскердик эсепке каттоого келбей калган атуулдарды аныктоо иштери АӨӨБК төрагалары жана ИИБнүн аймактык инспекторлору менен бирге жүргүзүлдү.        

      Аскерге чакырылуучулардын арасында “КР жарандарынын жалпыга тиешелүү аскерге милдеттүүлүгү ж-дө, аскердик ж-а альтернативдик кызматтар ж-дө” Мыйзамын түшүндүрүү иштери жүргүзүлдү. Аскердик жана альтернативдик кызматтарга чакырылуучулардын чакыруу мед. комиссияларына келиши жана алардын аскердик жана альтернативдик кызматтарга жөнөтүлүшү боюнча иш-чараларга көмөк көрсөтүлдү.

Кандайдыр бир себептер менен аскердик эсепке катталбай калган атуулдарды аныктоо иштери АӨӨБК төрагалары жана ИИБнүн аймактык инспекторлору менен бирге жүргүзүлдү.

     Жаштарды аскердик-патриоттуулукка тарбиялоо боюнча иш пландарынын алкагында Советтик Куралдуу Күчтөрдүн Ооган жергесинен чыгарылгандыгынын 30 жылдыгына карата жоокер-интернационалисттерди урматтап сыйлоо иш-чаралары түзүлүп, мектеп окуучулары, окуу жайларынын студенттери менен Ооган согушунун жана башка согуштук аракеттердин ардагерлеринин жолугушуулары өткөрүлдү.

     2019-жылдын март-май айларында жарандарды кыска мөөнөттүү аскердик жана альтернативдик кызматтарга чакыруу боюнча аскер комиссариатынан алынган нарядды аткаруу учун 494 чакырылуучунун аскердик каттоо маалыматтары такталып, 21 чакырылуучу аскердик кызматка, 37 чакырылуучу альтернативдик кызматка чакырылуу үчүн алдын ала тандалып алынды. Кыска мөөнөттүү аскердик кызматка 16 улан, альтернативдик кызматка 34 улан чакырылып, аскер комиссариаты тарабынан коюлган наряд толук аткарылды.

     Аскердик каттоодон чыкпай туруп республиканын башка шаарларына жана Россия, Казахстан, Өзбекистан, Тажикстандын шаарларына кетип калган чакырылуучулардын жана альтернативдик кызматчылардын даректерин тактоо боюнча издөө иштери жүргүзүлүп, натыйжада 2 чакырылуучунун дареги такталып, чечим чыгаруу учун аскер комиссариатына өткөрүлүп берилди.

     04-06 июнь күндөрү мэриянын кабарлоо участогунун өздүк курамы КМ Башкы уюштуруу мобилизациялык башкармалыгынын башчысынын планы боюнча өткөрүлгөн тактикалык-саптык машыгууларга катышты. Резервдик түзүлмөлөрдү практикалык жыйноо боюнча берилген көрсөтмө так аткарылып, аскерге милдеттүүлөр өз убагында кабарланды.

     2019-жылдын 01-январынан 30-июнуна чейин мэриянын аймагындагы альтернативдик кызмат өтөөчүлөрдөн республикалык бюджеттин эсебине төлөмдөрдү өткөрүү 107%га камсыз кылынып, көрсөтүлгөн тапшырма толук аткарылды. Коомдук пайдалуу жумуш аткарууга ыктыярдуулугун билдирип, альтернативдик кызматка чакырылган альтернативдик кызматтын кызматчылары тарабынан АӨӨБКнин төрагалары, Лейлек-Тазалык, ММДнин өкүлдөрүнүн көзөмөлүндө шаардын, айылдардын көчөлөрүн, борбордук стадион, ж.б.коомдук жайларды тазалоо, оңдоо иштери жүргүзүлдү.

Өзгөчө кырдаалдар тармагы боюнча:

     2019-жыл ичинде Исфана шаарына караштуу айыл, кыштактардын кооптуу 12 (он эки) участкаларына карта схемалары, чиймелери чийилип, фото сүрөттөрү алынып Кыргыз Республикасынын Жогорку Кеңешине, ӨК Министрлигине каттар жонотулду. КР ӨКМ, Областык, райондук жана башка мамлекеттик мекеме-ишканалардан келген ар кандай билдируу, катгарды оз убагында тийиштуу адистерге, айыл башчылырга жеткирилип, маалыматтар берилип турду.

Исфана шаар мэриясы атайын кырсыктын алдын алуу максатында Исфана шаарынын Ак-Булак, Голбо, Тайлан, Чимген, Беш-Бала жана Исфана шаарынын кооптуу участкаларында сайларды суруп, тазалан сайлардын жээктерине тал-теректерди отургузуп, бекемдоо иштерип жургузду, шаарга караштуу баардык айыл, кыштактардын ички-тышкы кочолорупо грейдер жургузулун, жолдордун чстинс кувейттер ачылды. Исфана шаарынын Исфана - 1 аймагынын Исфана сайынын Пост ГАИ участкасынын кун батыш тарабы 400 метр аралыктагы сай механикалык тазалоо инггери жургузулду, Ак-Булак айылында 40 метр аралыктагы жерге габион торчолору орнотула турган тосмо жасалып, 65 даана габион торчолор берилди, Чимген айылынын Катар-Өрук участкасына Исфана шааар мэриясы тарабыиан 50 метр жерге дамба жасалып, 60 даана габион торчо берилди, Кара-Таш айылынын Беш-Бала участкасына 150 метр жерге дамба жасалды, Исфана шаарынын Исфана - 3 аймагынын Ноо данек участкасына 60 метр жерге дамба жасалып, 75 даана габион торчолору Кыргыз Республикасынын өзгечо кырдаалдар министрлиги тарабыиан берилди.

2019-жылдын апрель, май айларында болгон табигый кырсыктан (селден) жабыр тарткан ички-тышкы көчөлор, арыктардын баштары шаар мэриясы тарабынан калыбына келтирилди.

Кыргыз Республикасынын озгочо кырдаалдар министрлиги тарабынан Чимген айылынын Шор Булак сайына 728 метр жерге бетон менен ал эми 131 метр жерге таш менен тосмо жасап беришти, апрель айында пайдаланууга берилген. Жалпы суммасы 27 млн сом.

Самат айылынын Исфана сайынын сол жак жээгинин 176 метр аралыктагы сайдын нугун кесип туздоо жана он жак жээгине 150 метр аралыктагы бетон тосмо “Басыз” ЖЧК ишканасы тарабынан курулууда.

     Көрктөндүрүү боюнча Исфана шаарынын борбордук көчөлөрүнө 350 даана ийне жалбырактуу көчөттөр отургузулган.

Исфана шаар мэриясынын алдындагы муниципалдык менчик департаменти боюнча:

Муниципалдык менчик департаментинде штат боюнча жалпы - 10 кызматкер эмгектенет: 1 департаменттин башчысы, 1 башкы бухгалтер, 2 башкы адис, 1 жетектөөчү адис, 1 адис, 1 оператор-катчы, 1 завхоз, 1 кароолчу, 1 техникалык кызматкер.

Исфана шаар мэриясынын алдындагы муниципалдык менчик департаментине 2019-жыл ичинде жогорку органдардан жана мекеме уюмдардан 739 кат, жарандар тарабынан 1114 арыздар түшкөн. Алардан 375 арыз турак жай куруу үчүн жер участогун берүү жөнүндө 696 арыз ар түрдүү жер тилкелерин ижарага алуу жана башка ар түрдүү маселелер жөнүндө. Арыз жана каттарга өз убагында жазуу түрүндө жооп берилген.

2019-жылдын жыл ичинде жергиликтүү калктын маселесин чечүү, шаардын жана шаарга караштуу айылдардын ар тараптуу өсүп өнүгүшүн камсыздоо боюнча бир топ иш аракеттер жасалды. Айрыкча, шаардын жана айылдардын инфраструктурасын жакшыртууга багыт алынды.

Муниципалдык менчик департаменти тарабынан жарандардан түшкөн арыздарды жеринен көрүп комиссия курамы менен чечилип берилди. Шаардын ички көчөлөрүнүн асфальттары бузулуп кеткен жерлерине оңдоо жана шагыл таштоо иштери жүргүзүлдү.

Исфана шаар мэриясынын алдындагы муниципалдык менчик департаменти тарабынан даярдалган иш кагаздары (токтом, тийиштүү республикалык, областтык, райондук мекеме- ишканалардын корутундулары, схемалары, карталары ж.б.) жана аткарылышы көзөмөлгө алынган объектилер:

- Архитектурага АПУ,АПЗ, карта жана корутундуларды даярдап берүү үчүн 411238 сом,

- Госрегистрге мамлекеттик акт, каттоо жана карталарды даярдап берүү үчүн 332243,28 сом,

- ОСОО Круг Компанияга Балыкчы шаарынан Исфана шаарына БМПны алып келүү үчүн

 98000 сом,

- ОсОО "Изат Плюс Компани" Кабель алюминий, АВВГ2 10мм, рефлекторный лампага 35 360 сом,

 - Ч/П Джалилова.Г Мырза-Патча АӨӨБК комитетинин конторасына эмеректерди алуу үчүн

 63 900 сом,

- "Ата Журт" аренда помещенияга 25 000 сом,

- Круг Компани Аскердик имаратты көчүрүп бергендиги учун 142 300 сом,

- Ямочный ремонт асфальт ОсОО Куба 338 602 сом,

- Исфана шаарынын көчөлөрүнө үйлөрүнө номерлер жана көчөлөрдүн аталышына

 табличкаларга 311110 сом акча каражаты;

-Голбо, Ак-Булак, Тайлан айылдарына аялдамаларды курууга тийиштүү документтерин

 даярдалып ОсОО “Куба” тарабынан аялдамалар жасалып 526495 сом которулуп берилди.

-Исфана шаарынын ички көчөлөрүнө (леж полицейский) ылдамдыкты азайтуучу тосмо ОсОО

 Куба бүгүнкү күндө бүткөрүп 125807 сом акча каражаты которулуп берилди.

-ОсОО Стройдормаш трактор Д0904 алуу үчүн 852750сом акча которулуп берилди.

-ОсОО Толман курулуш Исфана шаарыны ички жолдоруна шагыл төшөө үчүн 700000

 которулуш берилди.

ОсОО Куба Тайлан Ак-Булак аялдамаларына ремонттоо үчүн 187893сом которулуп берилген.

ОсОО Азиямоторско кызматтык унаа үчүн 620000сом которулган.

ОсОО Пальмирага шагыл төшөө үчүн 800м2 197400сом которулган.

ОсОО Уммага фотореле 227890 сом которулган.

Жеке ишкер Джемуратовго балатынын каркасын жасоо үчүн 77800 сом которулган

ОсОО Билал Самат паркын жарыктандыруу үчүн 892038 сом которулган.

Төмөнкү 6 обьект боюнча 500,0 миң сомго долбоордук-сметалык документтер даярдалды:

1. Ак-Булак мектебине кошумча корпус куруу.

2. С.Садыков атындагы эс алуу багын реконструкциялоо.

3. Исфана шаар мэриясынын имаратынын арт жагына жаштар борборунун имаратын куруу.

4. Исфана шаарынын кире беришиндеги “Исфана” жазууну кайрадан куруу.

5. Чимген айылындагы Арча-Бешик балдар бакчасына музыкалык зал куруу.

6. Ак-Булак айылына жөө адамдар өтүүчү мост куруу.

Исфана шаарындагы курулуш иштери бүткөрүлгөн объектилерди баланска алуу иштери жүргүзүлдү.

Исфана шаарынын Госспецхоз участкасынын күн чыгыш тарабынан 10га Бөзөгүл участкасынын

24га жер тилкелерин өндүрүштүк багытка которуу үчүн шаардык Кеңештин макулдугу алынды.

Исфана шаарына караштуу Голбо айылынан турак жай салуу үчүн 120 жаранга жер тилкелери

өлчөнүп берилди.

Исфана шаар мэриясына талаш-тартыш жерлер боюнча катталган арыздардын негизинде

тийиштүү комиссия курамы түзүлүп, жайында барып чечүү боюнча иш аракеттер өз учурунда

аткарылууда. Муниципалдык менчик департаментинде муниципалдык жерлерди ижарага берүүдөн 12 айга 415500 сом түшкөн, жылдык план 265000 сомго бекитилген, жылдык пландын аткарылышы 190% ды түздү.

 2019-жыл жыйынтыгы менен Исфана шаар мэриясынын

иш-кагаздары жана уюштуруу иштери боюнча:

Кыргыз Республикасынын Президенти тарабынан жарыяланган 2019-жыл- Региондорду өнүктүрүү жана өлкөнү санариптештирүү жылына карата Исфана шаар мэриясынын аппараты тарабынан бир топ иш аракеттер жүргүзүлдү

 Исфана шаар мэриясынын аппарат кызматкерлерине тиешелүү болгон иш кагаздары 2019-жылы Баткен областтык мамлекеттик архиви менен макулдашкан номенклатуранын негизинде жүргүзүлдү, шаар мэриясынын календардык иш планынын долбоору иштелип чыгылды жана бекиттирилди, аткарылышы көзөмөлгө алынды

 Жергиликтүү жарандарды жана юридикалык тараптарды тиешелүү кагаздар менен өз убагында камсыздоо иштери такай алынып барылды

Исфана шаар мэриясынын дээрлик бардык иш чаралары аппарат жетекчисинин көзөмөлүнөн өткөрүлдү. Тиешелүү комиссиялардын иштери уюштурулду, а.и. 4 жолу конкурстук комиссиянын отуруму өткөрүлүп, Исфана шаар мэриясынын финансы-экономика бөлүмүнүн башчысы, башкы эсепчи К.Дж.Кожошов, Исфана шаар мэриясынын мамлекеттик сатып алуулар боюнча жетектөөчү адиси Н.Т.Саматов, шаар мэриясынын алдындагы муниципалдык менчик департаментинин башкы эсепчиси, башкы адиси С.К.Камбаралиева, материалдык эсепчиси-адиси Н.Х.Атаев бош кызмат орундарына кызмат тиешелүү жетекчиликке сунушталып, алар бүгүнкү күндө иштеп жатышат.

Структурага ылайык кызматкерлерди кварталдык жана жылдык баалоо иштери жүргүзүлүп, жыйынтыгы чыгарылды. Натыйжада: 1 кызматкерге “Улгүлүү”, 17 кызмат-керге “Эң жакшы”, 10 кызматкерге “Жакшы” жана 4 кызматкерге “канаатандырарлык” деген баа берилди.

Исфана шаар мэриясы тарабынан 2019-жыл ичинде 162 токтом, кабыл алынды, ал эми ушул эле мезгил ичинде 369 буйрук чыгарылды.

Шаар мэриясы тарабынан жарандардын үй бүлөсүнүн курамы жана жашагандыгы тууралуу 12251 жаранга, ал эми көзү өткөн 187 жаран тууралуу форма-50 маалымдамасы берилди. 121 чет өлкөлүк жана башка облустун жарандары убактылуу каттоого алынды. 1315 жарандын ички паспорту катталды, 25 жаран чет өлкөгө каттоодон чыгарылган. Ушундай иш кагаздары менен жалпысынан 13899 жаран камсыздалды

Жыл ичинде Исфана шаарынын мэринин кабыл алуусунда 263 адам катталды, ошону менен бирге жеке маселелери менен келген 58 жаранга карточка толтурулуп, аткарылышы көзөмөлгө алынды.

2019-жыл ичинде аткарылган жумуштар боюнча 2018-жылга карата салыштырмалуу маалымат:

Исфана шаар мэриясынын алдындагы “Лейлек-Тазалык” муниципалдык ишканасы боюнча:

 «Лейлек-Тазалык» муниципалдык ишканасында бүгүнкү күндө 40 кызматкер анын ичинен 9 жооптуу кызматкер 6 айдоочу, 7 жүктөөчү жумушчу, 3 багбан, 5 дворник, 2 электрик 1 комендант 3 күзөтчү 2 техничка эмгектенет.

 «Лейлек-Тазалык» муниципалдык ишканасы негизинен Исфана шаарынын санитардык абалын кароо, шаардын көрктөндүрүү жагын, тунку жарыктарды жана келишим түзгөн мекеме ишканаларды жеке кожолуктарды тейлеп тазалыкты камсыздайт. Бүгүнкү күндө 9 даана техникасы бар анын ичинен 7 жарактуу 2 жараксыз абалда, жогорудагы техникалардын жардамы менен шаардын тазалыгын камсыздоо, ички жолдоруна шагыл төшөө, сайларды тазалоо сел бузган арыктарды ондоо шаардын көчөлөрүнө суу себүү жана гүлдөрдү арчаларды сугаруу жумуштарын аткарат. Ошондой эле 2019-жылга 1100 жеке кожолуктар менен келишим түзүлгөн мындан сырткары 93 мекеме уюмдар жана коммерциялык туйундор менен келишим түзүп, белгиленген график боюнча жумуштар аткарылып күнүнө 3-4 рейс таштандылар алынып чыгууда. Ошондой эле январь айынан тартып декабрь айына чейин түшкөн кирешеси мекеме ишканалардан 70185,08 сом ал эми кожолуктардан 504422,28 сом жалпысы 574422,36 сом түзөт.

 2019-жыл 12 айдын ичинде эмгек маянага 3453974 сом анын ичинен соц фонд 587700 сом, киреше салыгы 206219 сом. Андан сырткары байланыш түйүнүнө 20600 сом, күйүүчү майлоочу майларга 1039660 сом, авто унааларга жумшалган тетиктерге 460040сом, ижарага алынган унаага 175200 сом, тамак ашка 91544 сом, жумушчуларга керектелүүчү буюмдарга 207312 сом, атайын кийимдерге (спецодежда) 59800 сом таза сууга 69996 сом, көрктөндүрүүгө 349150 сом жана электр энергияга 600000 сом, андан сырткары ар түрдүү каражаттарга 46161сом жана иш сапарына жумшалган акча каражаты 40000 сом түзөт жана канцелярдык буюмдарга 19262 сом кышка карата имаратка алынган көмүргө 33753 сом жумшалган .

 2019-жылдын 12 ай ичинде аткарган жумуштары «Лейлек-Тазалык» муниципалдык ишканасы төмөнкү жумуштарды аткарды:

Кыш мезгилинде Исфана шаарынын ички жолдоруна кар көп жаап тайгак болгон убактарда жол коопсуздугун сактоо максатында өз убагында шлак жана туз материалдарын себип турулду. Январь февраль айларында 29,500 тонна шлак 6,300 тонна туз төмөнкү көчөлөргө себилди: Кошмуратова, Манас-Ата, И.Раззаков, Салам-Бава, Торокулбай Ата, А.Азизов, Равакана авто унаа жолуна, Курулуш, СССРдин 60 жылдык, Восточная, К.Кундузов, Тоголок-Молдо жана Э.Эгембердиев көчөлөрүнө. Себилген туз менен шлак материалдарына 67003 сом акча каражаты жумшалган.

 Март айынан пайдалануудагы жерлерди көрктөндүрүү жана жашылдандыруу максатындагы бак-дарактарды актоо жумуштарына 400 кг ак таш алынып айыл башчыларга мектептерге таркатылып берилген. Ал эми шаарды көрктөндүрүү жана жашылдандыруу максатында Додосьян, Кошмуратов, И.Раззаков, Манас-Ата, көчөлөрүнө ал эми Голбо, Мурза-Патча, Самат, Кара-Таш айылдарына ошондой эле Борбордук Стадионго, Лейлек райондук мамлекеттик администрациясына “Лейлек-Таза суу” муниципалдык ишканасына, №4 Гимназия орто мектебине, Балда бакчаларына, Исфана-Кара-Булак, Исфана – Голбо авто жолдоруна жана Исфана шаарынын мэриясына караштуу “Самат” атындагы эс алуу паркына көчөттөр алынып келинип көрктөндүрүү үчүн отургузулду.

Ушул отургузулган көчөт гүлдөрдү өз убагында чөбүн жулуп сугарып жер семирткичтерин салынып тийиштүү адистер тарабынан каралып турууда. Ошондой эле жарыяланган көрктөндүрүүнүн 5 айлыгында Исфана шаарынын мэриясы жана Исфана шаардык Кенешинин демилгеси менен “Самат” эс алуу паркында ишембиликтер өтүп, көчөттөр отургузулду. Исфана шаарынын борбордук көчөлөрү таштандыдан тазаланды.

 Исфана шаарынын көчөлөрүн тазалыгын сактоо максатында апрель айынын аягы май, июнь, июль, август, сентябрь айларында борбордук көчөлөргө суу себүү иштерине 386 рейс суу ташылып ар бир машинасы 6000 литрден 2316 тонна суу себилген ал эми сугаруу үчүн отургузулган арча көчөттөрүнө пайдаланылган сууга 69996 сом акча каражаты сарпталган.

 Исфана шаарынын көчөлөрүн түнкү жарыктар менен камсыздап 2019-жылдын сентябрына чейин Э.Эгембердиев- 10 даана, 60лет СССР -13даана, Тоголок-Молдо -8даана, Пилол (мал базар)-5даана , Ишанкулова -5 даана, Жаны-Абат -26 даана, Кошмуратов -8даана, Салам-Баба – 16 даана, И.Раззаков -6 даана, Чимген айлына- 3 даана, Беш-Бала айлына -8даана, Кара Таш балдар бакчасына- 4даана, Тайлан айлына -10 даана ломпочкалар берилген жалпысы болуп 120 даана лампочка алмаштырылган анын 80 даанасы тендир аркылуу алынган 40 даанасы кошумча жаны алынган ломпочкалар жалпысы болуп 21600сом акча каражаты жумшалган. Исфана шаарынын СССРдин- 60 жылдык көчөсүнө 550 метр Исфана-Кара-Булак авто жолуна 300 метр ток зымы койулган 451метр зым 25сомдон алынып суммасы 11275сом. Ал эми 399 метр 10 сомдон алынып 3990 сом түзгөн жалпысы болуп, 15265сом каражаты жумшалган.

 Ошондой эле Исфана-Кара Булак жана Додосьян көчөлөрүнүн фидерлери башка болуп, Техникалык паспорттору жасалды. Андан сырткары демөөрчүлөр тарабынан да түнкү жарыктар шаардын көчөлөрүнө коюлду. Аныктап айтсак:

 1. Исфана шаарынын 2-кичи районундагы К.Кундузов көчөсүнө аталарын аттарын койгондугу себеп, жогоруда аталган көчөнү жарыктандыруу үчүн 1,500 км зым, 22 даана заманбап прожектор алынып, жалпы суммасы 57000 сомду түзгөн жумуштар аткарылды.

 2. Исфана шаарынын Кирпичная көчөсүнүн жаштарынын демилгеси менен аталган көчөгө 600 метр зым тартылып, 11 даана прожектор алынып , жалпысы 32 000 сомдук жумуш аткарылды.

 3. Исфана шаарынын Восточная көчөсүндө 5 даана прожектор 250 м зым тартылган жалпысы 13000 сомдук жумуш аткарылган.

 4. Курулуш жана ДСУ көчөлөрүнө 16 даана прожектор, 850 м зым алынып, аталган көчөнүн жашоочулары тарабынан коюлду.жалпы суммасы 57200 сомду түзгөн. Ал эми Исфана шаарынын Додосьян, Курулуш көчөлөрүнөн борбордук аянттан жана Исфана шаар мэриясына караштуу айыл дардан чыгарылган келинген түнку жарыктарды төмөнкү айыл башчыларга накладной аркылуу бөлүп берилген: И.Хошимовго 25 даана, К.Наврузовго 29 даана, Ф.Абдуллаевге 23 даана К.Джемуратовго 10 даана жана Н.Дадабаевге 16 даана.

 2019-жылдын 12 ай ичинде чыгарылган таштандылар январь ичи 97 рейс февраль 66 рейс, март 85 рейс, апрель 117 рейс, май 74 рейс, июнь 132 рейс, июль 110 рейс, августь 102 рейс ал эми сентябрь 144рейс октябрь 143рейс ноябрь 138рейс, декабрь 119рейс, жалпысы болуп 12-ай ичинде 1327 рейс таштанды чыгарылган жана мектептерден балдар бакчасынан катуу жана суюк таштандылар ТБО -1327 рейс (5308тонна) ЖБО-305 рейс. ал эми унааларга кеткен күйүүчү майлар Дт (солярка)-13950 тонна, Аи-92 (бензин) -9260 тонна жалпы кеткен жогоруда айтылган акча каражаты 1039660 сом 12 айга сарпталган .

Унаа тетиктерин ондоп түзөө үчүн портал менен тендердин негизинде алынып келинген буюмдарга 460040 сом акча каражаты сарпталган.

Ошондой эле жумушчуларга керектуу аспаптар жана буюмдарга кеткен акча каражаты 207312сом спецодеждага 59800сом сарпталган. (Мисалы: кол кап, челек, күрөк, кырма, сварка аппараты, болгарка, кап, дрелл ж.б).

Ошондой эле жумушчуларга керектуу аспаптар жана буюмдарга кеткен акча каражаты 207312сом спецодеждага 59800сом сарпталган. (Мисалы: кол кап, челек, күрөк, кырма, сварка аппараты, болгарка, кап, дрелл ж.б).

Ошондой эле жумушчулар үчүн атайын түшкү тамактануу уюштурулган ар ай сайын төмөнкү азык түлүктөр сатып алынат 12 айга 119070 сом акча каражаты сарпталган.

Исфана шаарынын мэриясына караштуу “Исфана-таза суу” муниципалдык ишканасынын аткарган иштери боюнча:

 “Исфана таза суу” муниципалдык ишканасында бүгүнкү күндө төмөнкү кызматкер 5 жооптуу кызматкер, 5 кассир контролер, 2 ремонттоо бригадасы, 2 суу буруучу, 1 лаборант, 1 электрик, 5 күзөтчү, 1 тракторист, 1 завхоз жана 1 техничка жалпысынан 25 кызматкерлер эмгектенишет. “Исфана таза суу” муниципалдык ишканасы Исфана шаарынын мэриясына караштуу тийиштүү айылдарды жана Исфана шаарындагы мекеме-уюмдарды, мектеп жана бала бакчаларды таза суу менен камсыз кылып келүүдө.

 2019-жыл ичинде Исфана шаарынын тургундарынан келип түшкөн жазуу түрүндөгү арыздардын саны 54 арыз катталган.

 2019-жылга Минфинден бекитилип берилген бир жылдык бюджети 3 350 100 сом, андан жыл ичинде элден түшкөн төлөнүүчү төлөмдөр 2 347 526 сом, коммерциялык точкалардан 248 000 сом, Бюджет мекеме, ишканалардан 998475 сом жана суу түтүгүн кошуу, ондоп түздөө иштеринен 107 500 сом, Жалпы суммасы – 3 701501 сомду тузду. Планы 110 % га аткарылды. Эмгек акысына, соцфондго, салыктарга, коммуналдык иштерге, транспорттук пайдаланууга административдик иштерге, ондоп түздөө иштерине жалпысынан – 3 633 051 сом чыгымдалган.

 Мэр                                 А.Н. Хамраев