КЫРГЫЗ РЕСПУБЛИКАСЫНЫН ЖАРЛЫГЫ

2023-жылдын 15-майы ПЖ № 123

Кыргыз Республикасынын Монголиядагы Элчилигин уюштуруу жөнүндө

"Кыргыз Республикасынын дипломатиялык кызматы жөнүндө" Кыргыз Республикасынын Мыйзамынын 5-беренесинин 2-бөлүгүнө жана "Мамлекеттик органдардын Кыргыз Республикасынын тышкы саясат чөйрөсүндөгү өз ара аракеттенүүсү жөнүндө" Кыргыз Республикасынын Мыйзамынын 4-беренесинин 10-пунктуна ылайык, Кыргыз Республикасы менен Монголиянын саясий, соода-экономикалык, илимий-техникалык жана маданий байланыштарын андан ары өнүктүрүүнү камсыз кылуу максатында токтом кылам:

1. Улан-Батор шаарында жайгаштыруу менен Кыргыз Республикасынын Монголиядагы Элчилиги уюштурулсун.

2. Кыргыз Республикасынын Министрлер Кабинети:

- Кыргыз Республикасынын Монголиядагы Элчилигинин ишин уюштуруучулук жана финансылык жактан камсыз кылуу маселелерин чечсин;

- өзүнүн чечимдерин ушул Жарлыкка ылайык келтирсин.

3. Бул Жарлыктын аткарылышын контролдоо Кыргыз Республикасынын Президентинин Администрациясынын тышкы саясат бөлүмүнө жүктөлсүн.

4. Бул Жарлык расмий жарыяланган күндөн тартып күчүнө кирет.