КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2005-жылдын 21-октябры ПЖ № 476

Коррупцияга каршы күрөш боюнча кечиктирилгис чаралар жөнүндө

(КР Президентинин 2009-жылдын 17-февралындагы ПЖ № 109 Жарлыгынын редакциясына ылайык)

Мамлекеттик бийлик институттарына ишенимди үзгүлтүккө учуратып жана өлкөнүн экономикалык өнүгүшүнө тоскоолдук келтирген коомдун туруктуулугу жана коопсуздугу үчүн коррупция пайда кылган көйгөйлөр жана коркунучтардын олуттуулугун сезип, коррупцияга каршы саясаттын натыйжалуулугун жана туруктуулугун жогорулатуу, коррупцияга каршы күрөшкө жаңыча мамилелерди жана коррупциянын алдын алууга багытталган системалуу чараларды иштеп чыгуу максатында, ошондой эле Кыргыз Республикасынын Коопсуздук кеңешинин 2005-жылдын 3-июнундагы чечимине, Кыргыз Республикасынын Конституциясынын 43-статьясына жана 46-статьясынын 1-пунктунун 10-пунктчасына ылайык жана Кыргыз Республикасында коррупцияга каршы күрөштүн Мамлекеттик стратегиясын жүзөгө ашыруу максатында токтом кылам:

1. Кыргыз Республикасынын коррупцияны алдын алуу боюнча Улуттук агенттиги түзүлсүн.

2. Кыргыз Республикасынын коррупцияга каршы күрөш боюнча Улуттук кеңеши түзүлсүн.

3. Төмөнкү тиркелген жоболор бекитилсин:

- Кыргыз Республикасынын коррупциянын алдын алуу боюнча Улуттук агенттиги жөнүндө.

(КР Президентинин 2009-жылдын 17-февралындагы ПЖ № 109 Жарлыгынын редакциясына ылайык)

4. Кыргыз Республикасынын коррупцияны алдын алуу боюнча Улуттук агенттигинин штаттык санын чеги тейлөө кызматкерлерин кошпогондо 49 бирдик деп белгиленсин.

5. Кыргыз Республикасынын Мамлекеттик кызмат иштери боюнча агенттик белгиленген тартипте Кыргыз Республикасынын Президентинин милдетин аткаруучунун 2005-жылдын 21-апрелиндеги № 130 "Кыргыз Республикасынын мамлекеттик кызмат орундарынын Реестрин бекитүү жөнүндөгү" Жарлыгы менен бекитилген Кыргыз Республикасынын кызмат орундарынын Реестрине тийиштүү өзгөртүүлөрдү даярдасын жана киргизсин.

6. Кыргыз Республикасынын Өкмөтү 2005-жылдын 15-ноябрына чейинки мөөнөттө:

- Кыргыз Республикасынын колдонуудагы мыйзамдарына ушул Жарлыктан келип чыккан тийиштүү түзөтүүлөрдү караган мыйзам долбоорун даярдасын жана Кыргыз Республикасынын Жогорку Кеңешине киргизсин;

- Кыргыз Республикасынын коррупцияны алдын алуу боюнча Улуттук агенттигинин ишин финансылык, уюштуруу жана материалдык-техникалык жактан камсыз кылуу маселесин чечсин;

- өз чечимдерин ушул Жарлыкка ылайык келтирсин.

7. Бул Жарлыкты аткаруу боюнча ишти координациялоо Кыргыз Республикасынын Коопсуздук кеңешинин катчылыгына жүктөлсүн.

8. Бул Жарлык кол коюлган күндөн баштап күчүнө кирет.