ЫСЫК-АТА АЙЫЛДЫК КЕҢЕШИ

ТОКТОМ

Ысык-Ата айылдык Кеңешинин  27-чакырылган кезектеги XXIV (жыйырма төртүнчү) сессиясы

2019-жылдын  18-сентябры № 137/ XXIV-27                                         

Коомдук тартип жана кылмыштуулук менен күрөшүү иштери жөнүндө

Күн тартибинин экинчи маселеси боюнча Ысык-Ата айыл аймагынын аймактык-тескөөчүсү А.Акылбековдун  отчету угулду. Отчету тиркелет. 

Айылдык Кенештин төрагасы Т.Чолпонбаев сунуш киргизди: “Жаштар арасында укук бузуулардын алдын алуу боюнча ишке жакшыраак көңүл бурулсун”.

Айылдык Кенештин депутаты М.Тойкеев сунуш киргизди: “Кооптуу жерлерге камераларды коюу керек,кийинки жылы бюджеттен кароо зарыл”. Сунуштар көңүлө алынды.

 Күн тартибинин экинчи маселесин Ысык-Ата айылдык Кенешинин депутаттары карап талкуулап чыгып, Ысык-Ата айылдык Кеңеши

ТОКТОМ КЫЛАТ:

1.  Ысык-Ата айыл аймагынын аймактык-тескөөчүсү А.Акылбековдун  отчетуна “канааттандырарлык” баа берилсин.

2.  Айылдардагы жаш өспүрүмдөр арасында аймактык-тескөөчү жана жаштар менен иштөөчү инспектор тарабынан түшүндүрүү иштери жүргүзүлсүн.

3.  2020-жылдын бюджетине байкоочу камераларды орнотуу киргизилсин.

4.  Бул токтомдун аткарылышын социалдык иштер, мыйзамдуулук боюнча туруктуу комиссия жана каржы жана бюджет боюнча туруктуу комиссия көзөмөлгө алсын.

Токтом бир добуштан кабыл алынды.