КОЧКОР-АТА ШААРДЫК КЕҢЕШИ

ТОКТОМ

2020-жылдын 01-февралы № 01-5/214     

Профилин өзгөртүү жөнүндө

Кочкор-Ата шаардык Кеңешинин XXVII чакырылышынын кезектеги  XXIII сессиясы, Кочкор-Ата шаарынын  Некрасов көчөсүнүн №47 үйүнүн тургуну Ахмедов Сактанбектин жеке менчигиндеги үйүнүн 160 м² аянтынын ичинен,  90 м²   коммерциялык дүкөнгө жана  70 м² унаа коюучу жайга деп өзгөртүп берүү боюнча жазган арызы, шаардык Кеңештин  “Муниципалдык менчик, жер, өнөр жай, курулуш транспорт жана энергетика маселелери боюнча” жана “Мыйзамдуулук, укук тартиби, депутаттык иш, Регламент, этика жана коррупцияга каршы күрөшүү маселелери боюнча” туруктуу комиссияларынын   берген корутундусун  угуп жана талкуулап “Жергиликтүү өз алдынча башкаруу жөнүндө” Кыргыз Республикасынын  Мыйзамын жетекчиликке алып                                                      

ТОКТОМ  КЫЛАТ:

1. Кочкор-Ата  шаардык Кеңештин “Муниципалдык    менчик, жер, өнөр жай,  курулуш, транспорт жана   энергетика  маселелери    боюнча”   жана  “Мыйзамдуулук,  укук тартиби, депутаттык иш, Регламент, этика жана коррупцияга каршы күрөшүү маселелери боюнча” туруктуу комиссияларынын   берген  корутундусу эске алынсын.

2. Ахмедов Сактанбектин  Некрасов  көчөсүндөгү жеке менчигиндеги үйүнүн 160 м²  аянтынын ичинен,  90 м²   коммерциялык  дүкөнгө  жана  70 м² унаа коюучу жайга деп өзгөртүүгө уруксат берилсин.

3. Пайдалануу багытын    өзгөртүү боюнча тийиштүү иш кагаздарын даярдап берүүнү райондук архитектура жана шаар куруу Башкармалыгынан суралсын.

4. Токтомдун аткарылышын көзөмөлдөө шаардык Кеңештин “Муниципалдык менчик, жер, өнөр жай, курулуш транспорт жана энергетика маселелери боюнча” жана “Мыйзамдуулук,  укук тартиби, депутаттык иш, Регламент, этика жана коррупцияга каршы күрөшүү маселелери боюнча” туруктуу комиссияларына   жүктөлсүн.