ТАЛАС ШААРДЫК КЕҢЕШИ

ТОКТОМ

 Депутаттардын Талас шаардык кеңешинин VIII чакырылыштагы кезектеги IV сессиясы

2021-жылдын 13-июлу №18 /4-8

Талас шаардык Аксакалдар сотунун  курамына  өзгөртүүлөрдү жана толуктоолорду киргизүү жөнүндө

Кыргыз Республикасынын Жергиликтүү өз алдынча башкаруу жөнүндө мыйзамынын 31-беренесинин 2-бөлүмүнүн 1-пунктуна ылайык, Талас шаардык Аксакалдар сотунун 2021-жылдын 1-июлундагы жалпы чогулушунун   №1 протоколдук сунушунун жана “Талас шаардык кенешинин “Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн  жана башка социалдык  маданий обьектилердин аттарын өзгөртүп кайрадан атоо боюнча туруктуу комиссиясынын №4 протоколдук сунушунун негизинде карап, талкуулап чыгып, Депутаттардын Талас шаардык кеңешинин сессиясы

ТОКТОМ КЫЛАТ:

1. Талас шаардык Аксакалдар сотунун 14.02.2019 жылдагы №178/29-7 сандуу токтомуна өзгөртүүлөр жана толуктоолор киргизилсин.

2. Талас шаардык Аксакалдар сотунун сандык курамы 8 адамдан турган комиссиясы тиркемеге ылайык бекитилсин.

3. Кабыл алынган токтомду Талас шаардык “Жаңы багыт” газетасына жарыялоо жана Кыргыз Республикасынын ченемдик укуктук актылардын мамлекеттик реестринен каттоодон өткөрүүнү көзөмөлдөө жагы Талас шаардык кеңешинин жооптуу катчысына (А.Сариева) милдеттендирилсин.

4. Токтомдун аткарылышына көзөмөлдүк кылуу жагы Депутаттардын Талас шаардык  кеңешинин “Регламент ,депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий обьектилердин аттарын өзгөртүп кайрадан атоо боюнча” туруктуу комиссиясынын төрайымына  (К.Карагулова) тапшырылсын.