КЫЗЫЛ-ОКТЯБРЬ АЙЫЛДЫК КЕҢЕШИ

ТОКТОМ

Кызыл-Октябрь айылдык кеңешинин VI чакырылыш ХХIV кезексиз сессиясы

2019-жылдын 12-сентябры № 102

Кызыл-Октябрь айыл өкмөтүнүн 2019-жылдагы жергиликтүү бюджетинин сметасына өзгөртүүлөрдү киргизүүгө макулдук берүү жөнүндө

Кызыл-Октябрь айыл өкмөтүнүн 2019-жылдагы жергиликтүү бюджетинде 6 айда каралган жумуштарды аткаргандан кийин ашкан суммаларды жана кээ бир разделдерден жылдыруучу акча каражаттарын кайрадан бөлүштүрүү жөнүндөгү айыл өкмөт башчысы Э.Пасаңовдун билдирүүсүн угуп жана талкуулап чыгып айыл өкмөттүн жергиликтүү бюджетинин 2019-жылдагы сметасына өзгөртүү киргизүү жана акча каражаттарын туура пайдалануу максатында Кызыл-Октябрь айылдык кеңешинин VI чакырылыш ХХIV кезексиз сессиясы

ТОКТОМ КЫЛАТ :

1. Кызыл-Октябрь айыл өкмөтүнүн 2019-жылдагы жергиликтүү бюджетинин атайын каражаттарына 202,2 миң сом кошумча план жана 2018-жылдын атайын каражаттарынан калган калдыктын эсебинен 250,5 миң сом , жалпысы 452,7 миң сомдук планды детсаддын атайын каражаттарына киргизүүгө макулдук берилсин.

2. Жергиликтүү бюджеттин 2019-жылдагы сметасынын чыгашалар бөлүгүнө төмөндөгүчө өзгөртүүлөр киргизүүгө макулдук берилсин.

3. Жергиликтүү бюджеттин сметасына 200,0 миң сом кошумча план киргизүүгө макулдук берилсин жана чыгашалар бөлүгүнө төмөндөгүчө өзгөртүүлөр киргизүүгө макулдук берилсин.

4. Өзгөн райондук каржы бөлүмүнө кошумча түзүлгөн смета тапшырылсын.

5. Токтомдун аткарылышын көзөмөлдөө жагы айылдык кенештин бюджет, финансы салык жана инвестиция боюнча туруктуу комиссиясына, айыл өкмөт башчысы Пасаңов .Э. Ж жана ФЭБ башчысынын милдетин аткаруучу А. Абдуллаевге милдеттендирилсин.