АК-ЖАР АЙЫЛДЫК КЕӉЕШИ

ТОКТОМ

Ак-Жар айылдык кеңешинин VI чакырылыштагы кезектеги XXIII сессиясы

2019-жылдын 20-декабры № 96

“Ак-Жар айыл өкмөтүнө айрым мамлекеттик ыйгарым укуктарды өткөрүп берүү жөнүндө”

Кыргыз Республикасынын “Жергиликтүү өз алдынча башкаруу жөнүндө” мыйзамынын 20-беренесине жана Кыргыз Республикасынын “Жергиликтүү өз алдынча башкаруу органдарына айрым мамлекеттик ыйгарым укуктарды берүүнүн тартиби жөнүндө” Мыйзамынын 3-беренесине ылайык, мыйзам жана укук маселелери боюнча туруктуу комиссиясынын сунушун угуп жана талкуулап Ак-Жар айылдык кеңеши

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик каттоо кызматынын алдындагы калкты жана жарандык абалдын актыларын каттоо департаментинин айрым мамлекеттик ыйгарым укуктарды Ак-Жар айыл өкмөтүнө өткөрүп берүү жөнүндө келишимине макулдук берилсин жана келишим 2020-жылдын 1-январынан тартып күчүнө кирсин.

2. Кыргыз Республикасынын өкмөтүнө караштуу мамлекеттик каттоо кызматынын алдындагы калкты жана жарандык абалдын актыларын каттоо департаментинин айрым мамлекеттик ыйгарым укуктарды Ак-Жар айыл өкмөтүнүн аймагында аткаруу милдетине айыл өкмөтүнүн жооптуу катчысы Култаев Жумалы Жолоевич бекитилсин.

3. Токтомдун аткарылышын көзөмөлдөө айыл өкмөтүнүн башчысына тапшырылсын.

4. Бул токтом Ак-Жар айыл өкмөтүнүн расмий сайтына жарыяланган күндөн баштап күчүнө кирет.