КАПЧЫГАЙ АЙЫЛДЫК КЕӉЕШИ

ТОКТОМ

Капчыгай айылдык кеңешинин (VI –шайланган) кезексиз жыйырма үчүнчү сессиясы

2021-жылдын 18-январы № 23.1

Капчыгай айыл өкмөтүнүн Жайыт комитетинин 2021- жылга түзүлгөн милдеттери жөнүндө

Капчыгай айыл өкмөтүнүн Жайыт комитетинин төрагасы Н.Эстебесовдун маалыматын угуп жана талкуулап Капчыгай айылдык Кенеши

ТОКТОМ КЫЛАТ:

1. Капчыгай айыл өкмөтүнүн Жайыт комитетинин 2021-жылга түзүлгөн милдеттери тууралуу Жайыт комитетинин төрагасы Н.Эстебесовдун маалыматы жактырылсын.

2. 2021-жылга Капчыгай айыл өкмөтүндөгү Жайыт комитетинин киреше жана чыгаша бөлүктөрү 80.0 ( сексен мин ) сом өлчөмүндө бекитилсин.

3. Капчыгай айыл өкмөтүнүн Жайыт комитетине караштуу мал башына жайыт акы өлчөмү төмөндөгүдөй белгиленсин:

Бодо малга – 50 сом

Жандык малга – 10 сом менен,

ал эми башка айыл өкмөттөрдөн келген

бодо малга - 150 сом

жандык малга – 30 сом

4. Жайытты убактылуу пайдаланууга жайыт пайдалануучулар менен келишим түзүү жагы Жайыт комитетинин төрагасы Н.Эстебесовдун жүктөлсүн.

5. Жайыт комитетине жана ар бир айылдын айыл башчыларына (Кара-Таш Сары-Бээ, Терек-Суу жана Ничке-Суу) төмөнкүлөр милдеттендирилсин:

-сырттан келген малдын башын тактап жана алардан салык өндүрүү;

-жайыттарды туура бөлүштүрүү;

-өз убагында элдерди жайлоого көчүрүү жана түшүндүрүү иштерин жүргүзүү;

-жайлоого кеткиче малдын башын тактап эсепке алуу;

6. Бул токтомду көзөмөлдөө жагы Капчыгай айылдык Кенешинин агрардык,азык-түлүк,жер жана жер ресрустары,жаратылышты коргоо боюнча туруктуу комиссиясынын төрагасына ( К.Кебеков) жүктөлсүн.