ГҮЛЧӨ АЙЫЛДЫК КЕӉЕШИ

ТОКТОМ

Гүлчө айылык кенешинин 6-чакырылышынын кезексиз 48-отуруму

2020-жылдын 14-сентябры № 48/1

Кыргыз Республикасынын Өкмөтүнүн 1996-жылдын 11-ноябрындагы №531 токтому менен айыл өкмөтүнүн балансына өткөрүп берген Гүлчө айыл өкмөтүнө караштуу Курманжан датка айылындагы жугуштуу оорулар үчүн салынган имарат учурдагы Ысманов атындагы орто мектебин Кыргыз Республикасынын аймагында короновирус инфекциясынын жайылышына каршы күрөшүү жана анын кесепеттерин жоюу боюнча оперативдүү штабынын 2020-жылдын 5-августундагы №78 протоколунун 1-пунктуна ылайык кайрадан жугуштуу оорулар бөлүмү үчүн Алай аймактык ооруканага өткөрүп берүү жөнүндө

Гүлчө айыл өкмөтүнүн аймагында короновирус оорусунун алдын алуу максатында Кыргыз Республикасынын «Жергиликтүү өз алдынча башкаруу жөнүндөгү» Мыйзамынын 31-беренесинин 2-пунктунун негизинде Гүлчө айылдык кеңешинин отуруму

ТОКТОМ КЫЛАТ:

1.  Кыргыз Республикасынын аймагында короновирус инфекциясынын жайылышына каршы күрөшүү жана анын кесепеттерин жоюу боюнча оперативдүү штабынын 2020-жылдын 5-августундагы №78 протоколунун 1-пунктуна ылайык Гүлчө айыл өкмөтү райондун борбору болгондуктан короновирус оорусунун экинчи толкунуна даярдык көрүү максатында Гүлчө айыл өкмөтүнө караштуу Курманжан датка айылындагы жугуштуу оорулар үчүн салынган имарат учурдагы №9 Ысманов атындагы орто мектебин 11414,0 чарчы метр жер аянтын имараты менен  кайрадан жугуштуу оорулар бөлүмү үчүн Алай аймактык ооруканага өткөрүп берүү үчүн Кыргыз Республикасынын Өкмөтүнө караштуу Мүлк фондусуна өткөрүлүп берилсин.

2.  Гүлчө айыл өкмөтүнө караштуу Курманжан датка айылындагы А.Ысманов атындагы орто мектеби менен А.Мадалиев атындагы негизги мектебин бириктирип орто мектеп ачуу, Ысманов атындагы орто мектебинин мугалимдерин жана окуучуларын жайгаштыруу жагы райондук билим берүү бөлүмүнөн суралсын.

3.  Бул токтомдун  аткарылышын көзөмөлдөө айылдык кенештин мыйзамдуулук жана этика комиссиясына жүктөлсүн.