МАЙЛУУ-СУУ ШААРДЫК КЕӉЕШИ

ТОКТОМ

2020-жылдын 03-июлу № 10-8-3

Майлуу-Суу шаарынын 2020-жылга бюджетин жана 2021-2022-жылдарга божомолун  бекитүү жөнүндө

Майлуу-Суу шаардык Кеңештин депутатарынын 2020-жылга жумуш планына ылайык, “Майлуу-Суу шаарынын бюджетинин 2020-жылга бекитилишин жана 2021-2022-жылдарга божомолун” карап чыгып,талкуулап, бюджет, каражат жана инвестицияларды тартуу боюнча  туруктуу комиссиясынын чечимин жана депутаттардын сунуштарын эске алуу менен Майлуу-Суу шаардык кенештин VIII чакырылышынын кезектеги Х сессиясы

ТОКТОМ КЫЛАТ:

1.    Майлуу-Суу шаарынын 2020-жылга жергиликтүү бюджети кирешелери жана чыгашалары боюнча 56 627,3 миң сом,анын ичинде бюджеттик каражаттар 47 777,3 миң сом, атайын каражаттары боюнча 8850,0 миң сом суммасында № 1,3,4-тиркемелерине  ылайык бекитилсин.

2.    Майлуу-Суу шаарынын  2021-2022-жылдарга  божомолдун негизги параметрлери №2- тиркемеге ылайык төмөнкү суммада бекитилсин:

-2021-жылга 65 773,3 миң сом;

-2022-жылга 68 841,3 миң сом.

3.    Майлуу-Суу шаарынын Мэриясы 2021-2022-жылдарга болгон  божомолдун негизги параметрлерин,аларды ар бир жылда карап чыгып жатканда кайрадан иштеп чыгуусуна укугу бар.

4.    Жалпы мамлекеттик салыктардан чегерүүлөрдүн нормативи “Кыргыз республикасынын 2020-жылга республикалык бюджеттен жана 2021-2022-жылдарга божомолу  жөнүндө” КРнын мыйзамынын 10-беренесине ылайык бекитилсин.

5.    Шаардык бюджеттин чыгаша бөлүгү 2020-жылга түшкөн кирешелердин чегинде биринчи кезекте корголгон беренелерге (эмгек акы,социалдык фондго чегерүү,дары дармек,тамак-аш жана социалдык жеңилдиктер) жана коммуналдык чыгымдарга каржылануусу (жылуулук энергиясынан башкасы) белгиленсин.Чыгашалардын корголгон беренелерин туура жана так колдонуу , электр энергия  жана жылуулук энергиянын лимиттерин сактоо жоопкерчилиги бюджеттик мекемелердин жетекчилерине жүктөлсүн.

6.    Бюджеттик мекемелерге атайын каражаттардын Казына тутумунан сырткары колдонууга тыюу салынсын. Көрсөтүлгөн тартип бузулганда атайын каражаттын 100 пайызы жергиликтүү бюджеттин киреше бөлүгүнө алынсын.

7.    2020-жылдын чыгаша бөлүгүнө каралсын жана бекитилсин:

Шаардык билим берүү бѳлүмүнүн сметасынын чегинде

-           “Мугалимдер статусу” Мыйзамына ылайык,  мугалимдердин медициналык кароосун 50% төлөп берүү жана ЖОЖда сырттан окуган  жаш мугалимдердин контрактын 50% төлөп берүүсү каралсын;

-          Кара-Жыгач айылынан каттаган окуучулардын жол акысы үчүн 88,0 миң сом билим берүү бөлүмүнө бөлүнсүн;

-          Жалпы билим берүү мектептердин 7(жети) орто медициналык кызматкерине айлык акыларына (ай сайын 1200 сомдон 9 айга) үстөк акы;  

-          Ѳрт ѳчүргүч каражаттарын толуктоого (на перезарядку огнетушителей) 58,5 миӊ сом;

-          Электр энергиясына электрондук счетчиктерди сатып алууга 68,8 миӊ сом;

-          Мекемелердин интернет кызматтарына тѳлѳм жүргүзүүгѳ 93,7 миӊ сом;

               Муниципалдык менчик башкармалыгынын сметасынын чегинде

-          Сибир жарасынын очокторун дезинфекциялоо жана ондоо үчүн 110,0 миӊ сом;

-          Эл катоону даярдоо жана ѳткѳрүү үчүн  223,8 миӊ сом;

                Шаардык кеӊештин сметасынын чегинде

-          Коомдук уюмдарды демилге берип кызыктыруу максатында сыйлоо үчүн аксакалдар кеӊешине жана аксакалдар сотуна 60,0 миң сом;

                Спорт жана ДТ сметасынын чегинде

-          Спорттук имараттарды тейлеген кызматкерлерге 9,0 бирдикти камтуу үчүн 339,4 миң сом (2-жарым жылдык);

8.    Майлуу-Суу шаарынын “Горжилзеленстрой" мекемесинин 2020-жылга 70,75 штаттык бирдиги бюджеттик каражаттан 6172,5 миң сом жылдык эмгек  айлык акы фонду менен бекитилсин.

9.    Майлуу-Суу шаарынын “Горжилзеленстрой" мекемесинин 2020-жылга 22,25 штаттык бирдиги атайын каражаттан 1909,8  миң сом жылдык эмгек  айлык акы фонду менен бекитилсин.

10. Мэриянын 2020-жылга 40,0 штаттык бирдигин 477,6  миң сом айлык эмгек акы фонду менен бекитилсин.

11. Майлуу-Суу шаардык  аскер комиссариатына 2020-жылга транспорттук чыгашалар,кеңсе буюмдарын  сатып алуу  жана коммуналдык  кызмат көрсөтүү беренелери  мэриянын сметасында каралып,чыгымдары ишке ашырылсын.

12. Муниципалдык менчикти башкармалыгына 2020-ж.14,0 штаттык бирдиги бюджеттик каражаттан жана 146,4 миң сом айлык акы фонду менен  бекитилсин.

13. Мэрдин резервтик фонду 450,0 миң сом өлчөмүндө бекитилсин.

14. Салыктын күтүлгөн жоготуусу жана жылуулук берүү,башка карыздарды төлөөгө берилүүчү каражаттарды тартуу боюнча Мэрияга,мамлекеттик салык башкармалыгына жана каржы министирлигинин Майлуу-Суу шаардык башкармалыгына жыл ичинде бюджеттин киреше бөлүгүн тактоо милдеттендирилсин.

15. 2020-жылдын 01-январына калган акча каражатынын калдыгынын эсебинен 4 528,5 миң сом бекитилсин (тиркеме №5 ). Анын ичинен:

-          600,0 миң сом акча каражаты жүгүртүлүүчү кассалык накталай акчага;

-          Соттун чечиминин негизинде бала бакча имаратын кайра сатып алууга Мэрияга 73,4 миӊ сом, “Горжилзеленстрой” мекемесине 73,3 миӊ сом, шаардык кеңешке 73,3 миң сомдон акча каражаты;

-          Ѳзгѳчѳ кырдаалдардын алдын алуу жана жоюууга 1200,0 миӊ сом;

-          Шаарды кѳрктѳндүрү боюнча титулдук тизмеге ылайык иш-чаралар үчүн 2508,5 миӊ сом

16. Бюджеттик мекемелердин атайын каражат боюнча 01.01.2020-ж.калдыктары 1315,6 миӊ сом суммасында бекитилсин (тиркеме №6)

17. Ушул токтом катталсын  жана Кыргыз Республикасынын  укуктук ченемдик актыларынын Мамлекеттик реестрине киргизүү үчүн Кыргыз Республикасынын юстиция министрлигине жөнөтүлсүн

18. Бул токтомдун аткарылышын көзөмөлдөө шаардык кеңештин  бюджет, каражат жана инвестицияларды тартуу боюнча  туруктуу комиссиясына  жана шаардын мэрине (Н.А.Маматов) жүктөлсүн.