АЛА-БУКА АЙЫЛДЫК КЕҢЕШИ

ТОКТОМ

 Ала-Бука айылдык кеңешинин XXVI чакырылышынын кезектеги X сессиясы

2019-жылдын 26-ноябры № 10/10

Кош-Көпүрө тилкесиндеги көп кабаттуу үйлөргө курулуучу башкы планда көрсөтүлгөн Кара-Сай тилкесине септике курууга макулдук берүү жөнүндө

Кош-Көпүрө тилкесиндеги көп кабаттуу үйлөргө курулуучу башкы планда көрсөтүлгөн Кара-Сай тилкесине септикти куруп баштоо жөнүндөгү жер адисинин милдетин аткаруучу Г.Чотбаевдин билдирүүсүн угуп жана талкуулап, Ала-Бука айылдык кеңешинин XXVI чакырылышынын кезектеги X сессиясы

ТОКТОМ КЫЛАТ:

1.    Кош-Көпүрө тилкесиндеги көп кабаттуу үйлөргө курулуучу башкы планда көрсөтүлгөн Кара-Сай тилкесине септик курууга макулдук берилсин.

2.    Аталган жердеги менчик ээлери менен түшүндүрүү иштерин жүргүзүү жана макулдашуу айыл өкмөтүнүн башчысына милдеттендирилсин.

3.    Кош-Көпүрө тилкесиндеги көп кабаттуу үйлөргө курулуучу башкы планда көрсөтүлгөн септике кетүүчү чыгымдар 2020-жылдык бюджетинен каржылансын.

4.    Токтом Ала-Бука райондук мамлекеттик администрациясынын alabuka.kg сайтына жарыялансын.

5.    Токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Ала-Бука айыл өкмөтүнө жүктөлсүн.

6.    Токтомдун аткарылышын көзөмөлдөө жагы бюджет, экономика, инвестиция жана финансы маселелери боюнча туруктуу комиссиясына милдеттендирилсин.