Э.АРАЛБАЕВ АЙЫЛДЫК КЕҢЕШИ

ТОКТОМ

Э.Аралбаев атындагы айылдык Кеңешинин VII сессиясы

2017-жылдын 27-апрели № 1

 “Толук айыл округунун жайыттары жөнүндө”

Кыргыз Республикасынын “Жайыттар жөнүндө” Мыйзамын 4-беренесине ылайык Жалал-Абад облусунун Токтогул районун Э.Аралбаев айылдык Кеңешинин VII чакырылышынын кезектеги VII сессиясы жайыт жерлерин натыйжалуу  жана сарамжалдуу башкарууну жана пайдаланууну камсыз кылуу максатында карап жана талкуулап

Токтом кылат

1.Толук айыл аймагынын Жайыт пайдалануучулар бирикмесине жайыт жерлерин башкаруу жана пайдалануу боюнча жергиликтүү өз алдынча башкаруу органынын ыйгарым укуктары өткөрүлүп берилсин.

2. Жайыт пайдалануучулар бирикмесине жана анын аткаруу органы Жайыт комитетине жайыт жерлерин башкарууну жана пайдаланууну жергиликтүү кеңеш тарабынан расмий бекитилген жайыттарды башкаруу жана пайдалануу боюнча жааматтын көп жылдык жана бир жылдык пландарынын негизинде гана жүргүзүүсү милдеттендирилсин.

3. Ушул токтомдун экинчи бөлүгүндө көрсөтүлгөн пландар өз убагында аткарылбаса же аларды иш жүзүндө аткарылбаса же аларды иш жүзүнө ашырууда одоно кемчиликтерге жол берилсе, анын ичинен Жайыт комитетинин карамагындагы акча каражаттары максатсыз жана натыйжасыз пайдаланылса өткөрүлүп берилген ыйгарым укуктары кайта жергиликтүү өз алдынча башкаруу органына кайтарылып алынары Жайыт пайдалануучулар бирикмесине жана аны аткаруу органы – Жайыт комитетине эскертилсин.

4. Жайыт комитетинин башчысы Жайыт комитетинин бардык мүчөлөрүнө, жайыт пайдалануучуларга, жергиликтүү өз алдынча башкаруу органына, жайыттарды башкаруу боюнча ыйгарым укуктуу мамлекеттик органына жана анын жергиликтүү расмий өкүлчүлүктөрүнө ЖПБнын Уставына жана бекитилген пландарга ылайык өз убагында толугу менен тийиштүү отчетторду, маалыматтарды берип туруусу милдеттендирилсин.

5. Жайыт комитетине жергиликтүү өз алдынча башкаруу органы тарабынан жайыттарды башкаруу  жана пайдалануу пландарды өз убагында жана бекитилген тартипте даярдоодо, макулдашууда, бекитүүдө жана аткарууда ар тарптуу жардамдар көрсөтүлүп туруусу белгиленсин.

6. Жайыт жерлерин башкаруу жана пайдалануу боюнча аткарыла турган бардык иш-чаралар Кыргыз Республикасынын “Жайыттар жөнүндө” мыйзамынын негизинде жүргүзүлүүсү каралсын. 

7.Бул токтомдун аткарылышын көзөмөлдөө жагы Толук айыл аймагынын башчысы М.Насырынбековко  жүктөлсүн.