ЖАҢЫ-ЖЕР АЙЫЛДЫК КЕҢЕШИ

ТОКТОМ

Жаңы-Жер айылдык кеңешинин V чакырылышынын кезектеги II сессиясы

2013-жылдын 21-январы №5

Жаңыжер айылдык кеңештин депутатардын убактылуу комиссиясынын отчетун угуу жана бекитүү жөнүндө

Жаңыжер айылдык кеңештин депутатардын убактылуу комиссиясынын отчетун угуу жана бекитүү үчүн Жаңыжер айылдык кеңешинин убактылуу комиссиясынын төрагасы Эргешов Сулаймандын билдирүүсүн угуп айылдык кеңештин депутаттарынын талкуусуна коюп Жаңыжер айылдык кеңешинин V чакырылышынын кезексиз сессиясы

ТОКТОМ КЫЛАТ:

1.    Жаныжер айылдык кенештин депутатардын убактылуу комиссиясынын төрагасы Эргешов Сулаймандын билдирүүсүн угуп, төмөндөгүдөй болуп бекитилсин.

2.    Жаңы Жер айыл өкмөт тургундарына тамаркага таратылган жерлердин ачык-айкындыгы жөнүндө убактылуу комиссиянын отчетун угуу Жаңы Жер айыл өкмөтүнүн башчысы жоктугуна байланыштуу 2013-жылдын 21-февралына жылдырылсын.

3.    Айыл өкмөттүн жылдык отчетун угуу 2013-жылдын 14-февральга белгиленип, Жаңы Жер айыл өкмөтүнүн 2012-жылынын бюджетинин көчүрмөсү айылдык кеңештин депутаттарына 1 апта алдың таанышуу үчүн таратылсын.

4.    Убактылуу комиссиянын тамаркага жер бөлүп берүү тартибин иштеп чыккан жоболорунун сессиянын талкуусу менен жактырылган вариантынын алкагында гана тургундарга таратылсын. (жобо тиркелген)

ЖАҢЫ ЖЕР ӨКМӨТҮНҮН ТУРГУНДАРЫНА ТАМАРКА БЕРҮҮ ТАРТИБИНИН

ЖОБОСУ:

·         Тамарка берүү маселеси элдик чогулушта(курултайында) гана каралып, тизме бекитилет. Бекитилген тизмени өзгөртүүгө, кошумча – алымча киргизүүгө болбойт.

·         Жобонун аткарылышын көзөмөлдөө Жаңы Жер айылдык кеңешинин депутаттарына жүктөлөт.

·         Тамарка ачык-айкын түрдө берилет, алуучулардын тизмеси коомдук жайларга илинип, жоопкерчилиги айыл башчысынан суралат.

·         Курагына (жашынын улуулугуна) карата берилет.

·         Тамарка бериле турган айылдын депутаттарынын жарымынан кем эмеси комиссия катары байкоо жүргүзүүсү зарыл.

 Арка – 3 депутат,

 Борбордук – 2 депутат,

 Жаштык – 2 же 3 депутат,

 Достук – 3 депутат

Кимге берилет:

1. Жаңы Жер айыл өкмөтүндө 10 жыл үзгүлтүксүз каттоодо турган Кыргыз Республикасынын жарандыгы бар тургунга.
2. Үйлөнүп, нике күбөлүгү (ЗАГС) бар атуулга.
3. Тамарка берилбеген, менчик тамаркасы жок атуулга.
4. Жер, суу салыктарынан карызы жок тургунга.
5. Жеңилдетилген категориядагыларга (майып I гр., тоголок жетим, жалгыз бой эне ж.б. )
6. Тамарка алууга ошол айылда төрөлүп - өскөн атуул, башка жактан келген атуулга караганда мурда алууга укуктуу.

Эскертүү: Тамарка 0,5 сотыхтан кем эмес аянтта турак жай (үй, времянка) жана даараткана (туалет) курулгандан кийин гана сатууга мүмкүн. 5 жыл мөөнөткө чейин сатылбайт.

Кимге берилбейт:

1. Жаңы Жер айыл өкмөтүндө 5 жылдан кем үзгүлтүксүз каттоодо турган Кыргыз

 Республикасынын жарандыгы бар тургунга.

1. Башка республикалардын жарандарына.
2. Кыз – келиндерге, бойдок балдарга (майып жана жалгыз бой энелерден башка)
3. Мурун тамарка алгандарга.