АНАНЬЕВ АЙЫЛДЫК КЕҢЕШИ

ТОКТОМ

Ананьев айылдык кеңешинин XXVII чакырылышынын кезектеги XVII сессиясы

2018-жылдын 21-июну №27/17-6

Айыл өкмөттүн балансасындагы негизги каражаттарды жокко чыгаруу (списания) жобо жөнүндө

Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин 2018-жылдын 6-апрелиндеги “Муниципалдык менчикте турган негизги каражаттарды жокко чыгаруунун тартиби жөнүндө типтүү жобо жана муниципалдык менчикте турган автотранспорттук каражаттарды сатуу жөнүндө типтүү жобо” жөнүндө № 01-18/41 буйругунун негизинде жана ушул маселени карап, талкуулап Ананьев айылдык кеңеш

ТОКТОМ КЫЛАТ:

1.    Ананьев өкмөтүнүн “Муниципалдык менчикте турган негизги каражаттарды жокко чыгаруунун тартиби жөнүндө типтүү жобо жана муниципалдык менчикте турган автотранспорттук каражаттарды сатуу жөнүндө типтүү жобо” бекитилсин.

2.    Токтомдун аткарылышы айыл өкмөт башчысы Кубат уулу Таалайбекке тапшырылсын.

3.    Токтомдун аткарылышын көзөмөлдөө жагы бюджет, финансы, экономика жана инвестиция тартуу боюнча комиссиясына тапшырылсын.

4.    Ушул токтомду каттоо жагы Мамлекеттик укуктук актыларынын реестрине киргизʏʏ ʏчʏн областтык Юстиция башкармалыгына Ананьев айылдык Кеңештин 03.07.2015-жылдын №7-токтомунун негизинде мамлекеттик тилде жиберилсин жана ММКда жарыялансын.

Муниципалдык менчикте турган негизги каражаттарды эсептен чыгаруу тартиби жөнүндө типтүү жобо

1. Бул жобо Ананьев айыл өкмөтүнүн муниципалдык менчигинде турган негизги каражаттарды (мындан ары - мүлк) эсептен чыгаруу тартибин аныктайт.

 2. Бул жобо төмөнкү муниципалдык менчиктеги мүлккө жана Ананьев айыл өкмөтүнө чарба жүргүзүү жана оперативдүү башкаруу укугунда бекитилип берилген, белгиленген тартипте сатууга, башка ишканаларга акысыз өткөрүп берүүгө мүмкүн болбогон муниципалдык мүлккө карата колдонулат:

- курулушу бүтө элек объекттер;

- Ананьев айыл өкмөтү тарабынан андан ары пайдаланууга жараксыз болуп калган, атап айтканда курулушка, кеңейтүүгө, кайра конструкциялоого жана техникалык кайра жабдууга байланыштуу моралдык же физикалык жактан эскирген жана башкаруунун башка ыкмаларын колдонууга мүмкүн болбогон, авариядан же жаратылыш кырсыгынын натыйжасында бузулган жана калыбына келтирилбөөчү мүлк.

3.   Негизги каражаттардын баланстык наркын өнүктүрүүнү токтотуу төмөнкү учурларда жүргүзүлөт:

     - жарабай калуу;

     - аны эксплуатациялоодон келечектеги кандайдыр бир экономикалык пайда же кызматтык потенциал күтүлбөсө.

4. Негизги каражаттар объекттин таанууга байланыштуу пайда болгон пайда же чыгаша, мындай объектти таанууну токтотуудан улам болгон пайдага  же чыгашага милдетүү түрдө киргизүүгө тийиш.

     5.  Негизги каражаттар объекттин таанууга байланыштуу пайда болгон  пайда же чыгашасы, эгер мындайлар бар болсо, эсептен чыгаруудан түшкөн таза кирешелер менен бул объекттин баланстык наркынын айырмасы катары аныкталат.

6.            Негизги каражаттардын жарабай калуусу Ананьев айылдык кеңеш кабыл алган жободо белгиленген тартипте Ананьев айыл өкмөт тарабынан жүргүзүлөт.

7.    Баланстан төмөнкү негизги каражаттар чыгарылышы мүмкүн:

     а) физикалык эскирүүнүн, авариянын, табигый кырсыктардын, эксплуатациялоо шарттарынын бузулушунун натыйжасынан улам пайдаланууга жараксыз абалга келгендер;

     б) моралдык жактан эскирген;

     в) мекеменин, уюмдун жана башка объекттердин курулушуна, кеңейишине, реконструкцияланышына жана техникалык кайра жабдылышына байланыштыруу.

     Ошол эле учурда негизги каражаттарды калыбына келтирүүгө мүмкүн болбогон же экономикалык жактан максатка ылайыксыз  болгон учурларда эсептен чыгарууга жатат. 

8.            Ананьев айыл өкмөтү негизги каражаттарды баланстан чыгаруу  негизги каражаттардын бирдиктеринин наркына карабастан жүргүзүлөт. 

9.            Негизги каражаттардын пайдаланууга жараксыздыгын, аларды калыбына келтирүү, оңдоого мүмкүн эместигин жана натыйжасыздыгын аныктоо, ошондой эле негизги каражаттарды эсептен чыгарууга зарыл болгон документтерди тариздөө үчүн Ананьев айыл өкмөтүнүн башчысынын буйругу менен туруктуу иштөөчү комиссия төмөнкү курамда түзүлөт:

- жетекчи жана анын орун басары (комиссиянын төрагасы);

- башкы бухгалтер;

- негизги каражаттардын эсеп жүргүзүүсү жана жоопкерчилиги  жүктөлгөн жак;

   - Ананьев айыл өкмөтүнүн инженердик, техникалык, технологиялык, курулуш, экономикалык жана башка кызматтардын кызматкерлери;

- жергиликтүү кеңештин өкүлү;

- жергиликтүү жамааттын өкүлү.

10. Туруктуу иштөөчү комиссия төмөнкү иштерди ишке ашырат:

     а) эсептен чыгарууга жаткан объекттиге түздөн-түз кароону жүргүзөт, ошондой эле учурда зарыл болгон техникалык документтерди (паспорт, кабаттар боюнча планды жана башка документтерди), ошондой эле бухгалтердик эсепке алуунун маалыматтарын пайдаланат жана анын жарактуулугун калыбына келтирүүнү жана андан ары колдонууну белгилейт;

     б) зарыл болгон учурларда негизги каражаттардын (атайын аппаратура же жабдуу боюнча) жараксыздыгы жөнүндө корутундуну берүү үчүн тиешелүү түзүмдөрдүн адистердин же көз карандысыз эксперттерди чакыра алат; 

     в) объекттини эсептен чыгаруунун конкреттүү себептери (эскирүү, реконструкциялоо, эксплуатациялоонун нормалдуу шарттарынын бузулушу, авариялар жана башкалар) белгиленет;

     г) эксплуатациялоодон негизги каражаттардын мөөнөтүнөн мурда жарабай калышына күнөөлүү болгон адамдарды табат жана бул адамдарды колдонуудагы мыйзамдарда белгиленген жоопкерчиликке тартуу жөнүндө сунуштарды киргизет; 

     д) эсептен чыгарылуучу объекттин өзүнчө түйүндөрүн, деталдарын, материалдарын пайдалануу мүмкүнчүлүгүн аныктайт жана аларды баалоону жүргүзөт;

     е) эсептен чыгарылуучу негизги каражаттардан жарактуу түйүндөрдү, деталдарды, материалдарды, түстүү жана баалуу металлдарды алууну контролдоону жүргүзөт, алардын сапатын, салмагын аныктайт жана алардын тийиштүү кампага берилишин көзөмөлдөйт;

     ж) негизги каражаттардын айрым объекттерин эсептен чыгарууга төмөнкү актыларды түзөт:

     - Ананьев айыл өкмөтүндө негизги каражаттарды эсептен чыгаруу жөнүндө акт (форма НК-1); 

     - Ананьев айыл өкмөтүндө транспорт каражаттарын эсептен чыгаруу жөнүндө акт (тиркелген форма НК-2 ылайык).

11.         Негизги каражаттарды эсептен чыгарууга комиссия  тарабынан түзүлгөн актылар Ананьев айыл өкмөтүнүн башчысы тарабынан бекитилет.

12.         Колдонуудагы объекттерди жаңы курууга, кеңейтүүгө, реконструкциялоого жана техникалык кайра жабдууга  байланыштуу жабдуу эсептен чыгарылган учурларда комиссия Ананьев айыл өкмөтү тарабынан бекитилген колдонуудагы объекттерди кеңейтүү, реконструкциялоо жана техникалык кайра жабдуу планында каралган эсептен чыгарууга берилген жабдууга шайкештигин текшерүүгө жана актыга аларды эсептен чыгарууга пунктка жана план бекитилген датага шилтеме берүүгө тийиш. 

13.         Эсептен чыгаруу актыларында негизги каражаттардын объекттерин мүнөздөөчү төмөнкү маалыматтар көрсөтүлөт: объект жасалган же курулган жыл, анын мекемеге келип түшкөн дата, эксплуатацияга берилген убакыт, объекттин алгачкы наркы (жаңы баалангандар үчүн – калыбына келтирүү), бухгалтердик эсепке алуунун маалыматтары боюнча  эсептелген амортизациянын суммасы жүргүзүлгөн капиталдык оңдоолордун саны. Негизги каражаттардын объектинин жарактан чыгуу себептери, анын негизги бөлүктөрүнүн, деталдарынын, түйүндөрүнүн, конструктивдик элементтеринин абалы да толугу менен чагылдырылат.  

14.         Мындан тышкары, автотранспорт каражаттарын эсептен чыгарууда автомобилдин канча жүргөндүгү көрсөтүлөт жана автомобилдин агрегаттарына жана деталдарына жана аны ажыратуудан алынган негизги деталдарды жана түйүндөрдү андан ары пайдалануу мүмкүндүгүнө техникалык мүнөздөмө берилет. 

15.         Авариянын натыйжасында жарактан чыккан негизги каражаттарды баланстан чыгарууда авария жөнүндө актыга эсептен чыгаруу жөнүндө актынын көчүрмөсү тиркелет, ошондой эле аварияга түрткү болгон себептер такталат жана күнөөлүү адамдарга карата алынган чаралар көрсөтүлөт.  

16.         Көчүрүүчү, компьютердик техниканы, байланыш каражаттарын баланстан чыгарууда техникалык экспертизалоо жана ажыратуудан алына турган негизги деталдарды жана түйүндөрдү андан ары пайдалануу мүмкүндүгү жөнүндө актылардын көчүрмөлөрү тиркелет.

17.         Ажыратылган жана демонтаждалган жабдуулардын башка машиналарды  оңдоого жарактуу бардык деталдары, түйүндөрү жана агрегаттары, ошондой эле негизги каражаттарды жоюудан алынган башка материалдар тийиштүү эсептерге кириштелет, аталган баалуулуктар эске алынат, ал эми жараксыз деталдар жана материалдар экинчи чийки зат катары кириштелет.    

     Ошол эле учурда кара, түстүү металлдардын сыныктарын жана калдыктарын эсепке алуу, сактоо жана пайдалануу жана эсептен чыгаруу, ошондой эле чийки затты утилдештирүү алгачкы чийки зат, материал жана даяр продукция үчүн белгиленген тартипте жүргүзүлөт. 

18.         Баалуу металдарды колдонуу менен даярдалган деталдар жана түйүндөр, ошондой эле кара жана түстүү металлдардан жасалган жана мекеменин керектөөсү үчүн пайдаланылбаган деталдар жана түйүндөр иштин мындай түрүнө лицензиясы бар тийиштүү уюмдарга сатылууга жатат.

19.         Эсептен чыгарылган негизги каражаттардан алынган жана кайталап пайдаланууга жарабаган экинчи чийки зат сатылышы мүмкүн. Сатуудан түшкөн акча каражаттар мыйзамда көрсөтүлгөн тартипте   жергиликтүү бюджетке түшөт.

20.         Жергиликтүү өз алдынча башкаруунун аткаруу органынын башчысы жергиликтүү кеңеш бекиткен Жобонун негизинде мүлктү эсептен чыгаруунун процедурасын сактоосун камсыз кылат жана уюштурат.

21.         Ананьев айылдык кеңеш өзүнүн компетенциясына ылайык Кыргыз Республикасынын мыйзамдарынын негизинде Жобонун талаптарын сактоосун камсыз кылат жана акча каражаттарды максаттуу жумшоосун көзөмөлдөйт. 

22.         Кыргыз Республикасынын мыйзамдарына ылайык Ананьев айыл өкмөтүнүн башчысы Ананьев айылдык кеңешке туура эмес маалыматты камтыган документтерди бергендиги үчүн жооп берет.

Тиркеме 2

                                                                                       Муниципалдык менчикте турган транспорт каражаттарын сатуунун тартиби жөнүндө типтүү жобо

   1. Бул жобо муниципалдык менчикте турган автотранспорт каражаттарын сатуунун тартибин аныктайт.

2.  Муниципалдык менчикте турган автотранспорт каражаттарын сатуу Ананьев айыл өкмөтү тарабынан аткарылат.

3. Муниципалдык менчикте турган автотранспорт каражаттарын сатып алуучулар бардык эле юридикалык жактар жана жеке адамдар боло алышат.

4. Муниципалдык менчикте турган транспорт каражаттарынын (номерлүү агрегаттары) мамлекеттик кайра каттоо Кыргыз Республикасынын Өкмөтүнө караштуу мамлекеттик каттоо кызматы  тарабынан  сатып алуу макулдашуунун негизинде жүргүзүлөт.

5.  Кыргыз Республикасынын “Мүлккө муниципалдык менчик жөнүндө” мыйзамына ылайык транспорттук каражаттар белгиленген тартипте Ананьев айылдык кеңеш тарабынан төмөнкү документтердин негизинде жүргүзүлөт: 

- Ананьев айыл өкмөтүнүн башчысынын чечиминин (1-тиркеме);

-  транспорт каражаттарынын техникалык абалынын актынын (2-тиркеме);

- Ананьев айыл өкмөтүнүн башчысы жана башкы бухгалтери күбөлөндүргөн баштапкы наркы тууралуу справкалар (3-тиркеме).

6. Транспорт каражаттарын сатуу үчүн Ананьев айыл өкмөтүнүн башчысынын чечими менен транспорт каражаттарынын наркын баалоо боюнча комиссия түзүлөт (мындан ары - Комиссия). Комиссиянын курамына Ананьев айыл өкмөтүнүн өкүлү (комиссиянын төрагасы), негизги каражаттардын сактоосуна жоопкерчилиги жүктөлгөн жак, айылдык кеңештин өкүлү,  транспорт боюнча эксперт, жергиликтүү жамааттын өкүлдөрү кирет.

Эгерде комиссиянын отурумунда, ага, анын жубайы, анын ата-энеси, балдары жана анын бир тууган эже-сиңди же ага-инилерине караштуу материалдык пайда көрүүчү маселе болсо, анда комиссия мүчөсү бул жыйында добуш берүүгө жана жыйынга катышууга укугу жок.

7. Транспорт ишканасынын инженер-техникалык кызматкери, транспортту техникалык тейлөө боюнча 5 жылдан кем эмес иш стажы бар жана сертификаты бар адис эксперт боло алат.

Транспорт каражаттарын (номердик агрегаттарды) тыкыр карап чыккандан кийин комиссия транспорт каражаттарын (номердик агрегаттарды) баалоо протоколун түзөт, анда алардын рыноктук наркы көрсөтүлөт.

Транспорт каражаттарын (номердик    агрегаттардын) наркын баалоо үчүн эксперттердин тыянагын, справкаларды, статистикалык жана башка маалыматтарды колдонсо болот.

8. Транспорт каражаттарын (номердик агрегаттардын) баалоо протоколун түзгөндөн кийин Ананьев айыл өкмөтү транспорт каражатын сатуу жөнүндө аукционду жарыялайт. Ушул менен баштапкы (старттык) баасы болуп, комиссия баалаган наркы коюлат. 

Аукцион өткөрүү жөнүндө билдирүү аны өткөргөн күнгө чейин 30 күн мурда жалпыга маалымдоо каражаттарында жарыяланууга тийиш.

Жарыяланган баштапкы (старттык) баа боюнча транспорт каражатын сатып алууга кызыккан катышуучулар болбосо, комиссия аукциондун жүрүшүндө старттык бааны 25тен ашпаган пайызга төмөндөтүү жөнүндө чечим кабыл алышы мүмкүн.

9. Транспорт каражатын аукцион аркылуу сатууга мүмкүн болбогон учурда Ананьев айыл өкмөтү транспорт каражатын түз сатууга укугу болот.

10.  Ананьев айыл өкмөтү сатуучу төлөгөндүгү тууралуу документтерин бергенден кийин транспорт каражаттарын (номердик агрегаттарды) сатып алуу-сатуу келишимин 3 нускада (4-тиркеме) бекитет.

Бул учурда:

- 1 нускасы Ананьев айыл өкмөтүндө калат;

- 1 нускасы Кыргыз Республикасынын Өкмөтүнө караштуу Мамлекеттик каттоо кызматына жиберилет;

- 1 нускасы сатуучуга берилет.

11. Транспорт каражаттардын (номердик    агрегаттардын) сатуудан түшкөн  каражаттар, мыйзам талап кылган тартипте жергиликтүү бюджетке түшөт.