БАРСКООН АЙЫЛДЫК КЕӉЕШИ

ТОКТОМ

Барскоон айылдык Кеңешинин XXVII чакырылышынын ачык I сессиясы

2013-жылдын 17-июлу № 27

Барскоон айыл аймагынынайылдык Кеңешинин токтомдорун Мамлекеттик тилинде гана кабыл алуу жөнүндө

Кыргыз Республикасынын «Кыргыз Республикасынын ченемдик укуктук актылары жөнүндө» Мыйзамынын 26-беренесинин 1-1 пунктуна ылайык, Барскоон айыл аймагынын айылдык Кеңеши Кыргыз Республикасынын “Жергиликтүү өз алдынча башкаруу жөнүндө” Мыйзамынын 31-беренесине таянып,

ТОКТОМ КЫЛАТ:

1. Барскоон айыл аймагынын айылдык Кеңешинин токтомдору мамлекеттик тилинде гана кабыл алынсын.

2. Аталган токтом Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин www.7oguz.kg/ веб-сайтына жарыялансын.

3. Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы айыл өкмөтүнө милдеттендирилсин.

4. Бул токтомдун аткарылышын көзөмөлдөө Барскоон айылдык Кеңешинин төрагасына милдеттендирилсин.