АК-МОЮН АЙЫЛДЫК КЕӉЕШИ

ТОКТОМ

2016-жылдын 26-сентябры № 7/4

Айылдык кеӊештин сессиясына келип түшкөн кайрылуу-арыздарды кароо жөнүндө

Төрайым Г.Аттокурова билдирүү жасады. Ак-Моюн айылдык Кеңешинин сессиясы жогорудагы маселелерди угуп жана талкуулап,   

ТОКТОМ КЫЛАТ:

1. Мамлекеттик салык кызматынын Ат-Башы району боюнча башкармалыгынын 2016-жылдын 15-сентябрындагы №08-1237 сандуу каты боюнча жалпы элдик чогулушка салык кызматынан өкүл келип элге түшүндүрүп берсин, элдик чогулуштан чыккан токтом сессияда бекитилсин.

2. А.Койчуманов атындагы көчөнүн аты өзгөрүүсүз өз ысымы менен калтырылсын.

3. Райондук электр тармактар ишканасынан келген №226 чыгыш кат боюнча  айыл ичиндеги мекемелердеги трансформаторлордун айланасын тосуу жумуштарын Ат-Башы РЭТ ишканасы өздөрү аткарууга алсын.