БҮРГӨНДҮ АЙЫЛДЫК КЕҢЕШИ

ТОКТОМ

Бүргөндү айылдык кеңешинин XXVII чакырылышынын кезексиз XV сессиясы

2018-жылдын 14-майы №3

Бүргөндү айыл аймагынын Кыпчак-Талаа кѳчѳсүнѳ трансформатор орнотуу үчүн 350 000 сом акча каражатын жергиликтүү бюджеттен бѳлүп берүү жөнүндө

Бүргөндү айыл ѳкмѳтүнүн аймагынын Кыпчак-Талаа кѳчѳсүнѳ трансформатор орнотуу үчүн 350 000 сом акча каражатын бѳлүп берүү жѳнүндѳгү 2018-жылдын 11-майындагы №39 сандуу Бүргѳндү айыл ѳкмѳтүнүн башчысы А.Сатыкуловдун сунушун карап, угуп жана талкуулап “Жергиликтүү ѳз алдынча башкаруу жѳнүндѳ” КР нын Мыйзамына ылайык Бүргөндү айылдык кеңешини XXVII-чакырылышынын кезексиз XV-сессиясы

ТОКТОМ КЫЛАТ:

1. Бүргөндү айыл ѳкмѳтүнүн аймагынын Кыпчак-Талаа кѳчѳсүнѳ трансформатор орнотуу үчүн 2018-жылдын 11-майындагы №39 сандуу Бүргѳндү айыл ѳкмѳтүнүн башчысы А.Сатыкуловдун сунушу эске алынсын.

2. Бүргөндү айыл аймагынын Кыпчак-Талаа кѳчѳсүнѳ трансформатор орнотууга каралуучу акча каражатын убагында ажыратып, максаттуу жумшалышын камсыз кылуу айыл өкмөтүнүн ФЭБ башчысы А. Мырзакаримовго жана айыл ѳкмѳт башчысы А.Сатыкуловго милдеттендирилсин.

3. Бул токтом райондук “Ноокен Жаңырыгы” гезитине жана Ноокен райондук мамлекеттик администрациясынын расмий сайтына жарыялансын.

4. Бул токтомдун аткарылышы Бүргөндү айыл өкмөтүнүн башчысы А. Сатыкуловго милдеттендирилсин.

5. Токтомдун аткарылышын көзөмөлгө алуу жагы айылдык кеңешинин Финансы, бюджет, ишкердүүлүктү, чакан жана орто бизнести өнүктүрүү боюнча туруктуу комиссиясынын төрагасы Г. Мирзаевке жана Социалдык, саламаттыкты сактоо, экономика жана тазалыкты сактоо боюнча туруктуу комиссиянын төрагасы К. Калбековго жүктөлсүн.