КӨК-АРТ АЙЫЛДЫК КЕҢЕШИ

ТОКТОМ

Көк-Арт айылдык кеңешинин VI чакырылышынын кезектеги VI сессиясы

2018-жылдын 12-октябры №3

20 үй-бүлөгө турак жайларды жетим жесир, ден-соолугунан мүмкүнчүлүгү чектелген адамдарга жана өтө жакыр үй-бүлөлөргө бөлүштүрүп берүү жөнүндө

“Сауд Аравиясынын “Жамияти Ас-Салам Лиль Аль Амаал Аль Инсаният Вал Хайрия” Коомдук кайрымдуулук фонду тарабынан 20 үй-бүлөгө курулуп жаткан турак жай 10.04.2018-жылы курулушу башталып 19.10.2018-жылы толук курулуп бутуп  айыл өкмөттөгү жетим жесир, ден-соолугунан мүмкүнчүлүгү чектелген адамдарга жана өтө жакыр үй-бүлөлөргө бөлүштүрүп берүү боюнча  айыл өкмөттүн башчысынын 13.09.2018-жылдагы №199 буйругу менен түзүлгөн комиссия курамынын 04.10.2018-жылдагы №2 жана 11.10.2018-жылдагы №3 токтомун бекитип берүү максатында Көк-Арт айылдык кеңеши,

ТОКТОМ КЫЛАТ:

1.  Турак-жайларды бөлүштүрүү  үчүн түзүлгөн комиссиянын курамы жана айыл өкмөт башчысы сунуштаган турак жайларды бөлүштүрүү боюнча  критерийлери бекитилсин. (критерийлер жана буйрук тиркелет)

2.  Кайрымдуулук иретинде курулган турак жайларды бөлүштүрүү боюнча комиссия курамынын 04.10.2014-жылдагы №2 токтому жана 11.10.2018-жылдагы №3 токтому бекитилсин. (№2,№3 токтомдор тиркелет)

3.  Токтомдун аткарылышын көзөмөлдөө жагы социалдык маселелер боюнча туруктуу комиссиясына тапшырылсын.

4.  Аталган токтом Кыргыз Республикасынын “Кыргыз Республикасынын ченемдик укуктук актылары жөнүндө” мыйзамына ылайык  Кыргыз Республикасынын Өкмөтүнө караштуу өз алдынча башкаруу жана этностор аралык мамилелер боюнча мамлекеттик агенттигинин www.gamsumo.gov.kg веб сайтына жарыялансын.

5.  Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестирине  киргизүү жагы Көк-Арт айыл өкмөтүнө милдеттендирилсин.

6.  Токтомдун аткарылышын көзөмөлдөө айылдык кеңештин төрагасынын орун басарына жүктөлсүн.

Турак жайларды жетим жесир, ДМЧА, өтө жакыр уй-бүлөлөргө бөлүштүрүп берүү боюнча комиссия курамынын чечиминин негизинде турак жайлар берилген уй-бүлөлөрдүн тизмеси.