НООКАТ ШААРДЫК КЕҢЕШИ

ТОКТОМ

Ноокат шаардык кеңешинин V чакырылышынын XVII сессиясынын отуруму

2018-жылдын 20-декабры №XVII-6

Ноокат шаарынын Х.Холбаев атындагы көчөсүнө суу түтүгүн куруу үчүн материалдарды сатып алууга акча каражатын ажыратып берүү жөнүндө

Ноокат шаарынын Х.Холбаев атындагы көчөсүнө 500 метр суу түтүгүн куруу үчүн материалдарды сатып алууга акча каражатын ажыратып берүү жөнүндөгү “Ноокат Суу канал” ишканасынын директору З.Камаловтун Ноокат шаарынын мэрине жазган катынын негизинде Ноокат шаардык кеңешинин бюджет, экономика, финансы, соода, инвестициялар, ишкердик жүргүзүү жана тышкы экономикалык байланыштар боюнча туруктуу комиссиясынын берген тактамасынын негизинде “Жергиликтүү өз алдынча башкаруу жөнүндөгү” Кыргыз Республикасынын Мыйзамынын 31-беренесинин 2-бөлүгүнө ылайык, Ноокат шаардык кеңешинин отуруму

ТОКТОМ КЫЛАТ:

1. Ноокат шаарынын Х.Холбаев атындагы көчөсүнө суу түтүгүн курууга материалдарды сатып алуу үчүн Ноокат шаар мэриясынын 2018-жылдын бюджетинин 706 бөлүмүнүн 3111-беренесинин эсебинен 220 000 (эки жүз жыйырма миң) сом акча каражаты ажыратылып берилсин.

2. Токтомдун аткарылышын көзөмөлдөө Ноокат шаардык кенешинин бюджет, экономика, финансы, соода, инвестициялар, ишкердик жүргүзүү жана тышкы экономикалык байланыштар боюнча туруктуу комиссиясына тапшырылсын.