КЫЗЫЛ-КЫЯ ШААРДЫК КЕҢЕШИ

ТОКТОМ

Кызыл-Кыя шаардык кеңешинин VI чакырылышынын кезектеги XХ сессиясы

2018-жылдын 27-декабры №20/80

Кызыл–Кыя шаарынын жергиликтүү өз алдынча башкаруу органдарынын бузуулар жөнүндө иштерди кароо боюнча комиссиясынын ЖОБОСУ тууралуу

(Кызыл-кыя шаардык кеңешинин 2019-жылдын 05-февралындагы №21/82 токтомунун редакциясына ылайык)

“Жергиликтүү өз алдынча башкаруу жөнүндө” Кыргыз Республикасынын 2011–жылдын 15–июлундагы №101 Мыйзамынын 31–беренесинин 2–бөлүгүнө негиз, Кыргыз Республикасынын Өкмөтүнө караштуу жергиликтүү өз алдынча башкаруу иштери жана этностор аралык мамилелер боюнча мамлекеттик агенттигинин 2018–жылдын 17–октябрындагы №01–18–1/26 буйругун аткаруу максатында, Кызыл–Кыя шаардык кеңешинин Укук коргоо, мыйзамдуулук, депутаттык этика, регламент, коомдук уюмдар, үрп адат, религия (диний) жана улуттар аралык маселелери боюнча туруктуу комиссиянын 2018-жылдын 12-декабрындагы №34 протоколунун чечимин жана Кызыл–Кыя шаарынын мэриясынын 2018–жылдын 30–ноябрындагы №01–8/2073 кайрылуу катын эске алып, Кызыл–Кыя шаардык кеңешинин сессиясы

ТОКТОМ КЫЛАТ:

1. Кызыл–Кыя шаарынын жергиликтүү өз алдынча башкаруу органдарынын бузуулар жөнүндө иштерди кароо боюнча комиссиясынын ЖОБОСУ бекитилсин (жобо тиркелет).

2. Кызыл–Кыя шаарынын жергиликтүү өз алдынча башкаруу органдарынын бузуулар жөнүндө иштерди кароо боюнча комиссиясы төмөнкү курамда бекитилсин:

1) Алибаева Венера Курсановна– шаардык кеӊештин депутаты, туруктуу комиссиянын төрайымы;

2) Каарова Азада Маматовна – шаардык кеӊештин депутаты;

3) Калматов Жыргалбек Сагынбаевич – шаардык кеӊештин депутаты;

4) Кабулов Толкунбек Тургунбаевич – шаардык кеӊештин депутаты;

5) Матраимов Төлөнали – шаардык кеӊештин депутаты;

6) Абдуллаев Адылбек Ганиевич- шаардык кеӊештин депутаты;

7) Далибаев Токторбаев – Ички иштер органынын ардагери, акбулак айылынын аксакалдар сотунун төрагасы;

8) Эранов Мирлан Мураталиевич – шаардын мэриясынын башкы адиси–юристи;

9) Абдулкасымов Талантбек Мамазияевич;

10) Жаликулов Жеңишбек Калыкулович – “Караван” АБнын башчысы;

11) Мусурманкулов Байышбек Жусупович – шаардын ММДнин башкы адиси.

(Кызыл-кыя шаардык кеңешинин 2019-жылдын 05-февралындагы №21/82 токтомуна ылайык)

3. Ушул токтомдун аткарылышын көзөмөлгө алуу жагы шаардык кеңештин Укук коргоо, мыйзамдуулук, депутаттык этика, коомдук уюмдар, үрп адат, религия (диний) жана улуттар аралык маселелери боюнча туруктуу комиссиясына тапшырылсын.