ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айылдык кеңешинин VII чакырылышынын кезектеги ХХIII сессиясы

2019-жылдын 26-январы №99

Үч-Терек айылындагы эски мончонун имаратын«Элеттик аялдардын кол өнөрчүлүк боюнча жоопту адиси»Саматова Гулжамалга беш жылдык мөөнөткө берүү жөнүндө

Үч-Терек айыл өкмөтүнүн башчысы Н.Молдомусаевдин сунушун угуп жана талкулап Үч-Терек айылдык кеңешинин VII чакырылышынын кезектеги ХХIII сессиясы

ТОКТОМ КЫЛАТ :

1.Үч-Терек айылындагы эски мончо имаратын акыркы 4-5 жылдан бери иштебей тургандыктан «Элеттик аялдардын кол өнөрчүлүк боюнча жоопту адиси» Саматова Гулжамалга беш жылдык мөөнөткө пайдаланууга өткөрүлүп берилсин.

2.Пайдаланууга өткөрүлгөн мончонун имаратынын электр энергияга болгон жана башка тиешелүү документатцияларын тактап берүү жагы айыл өкмөтүнүн финансы-экономика бөлүмүнүн башчысы К.Көкөевке милдеттендирилсин.

3.Мончонун имаратын иштетүү боюнча айылдагы тери менен жүндү иштетүүдө иш башталган күндөн баштап айылдык кеӊешке маалымат берүү жагы «Элеттик аялдардын кол өнөрчүлүк боюнча жоопту адиси» Саматова Гулжамалга тапшырылсын.

4.Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

5.Токтом мамлекеттик тилде гана кабыл алынды.