КАРАКОЛ ШААРДЫК КЕӉЕШИ

ТОКТОМ 

2016-жылдын 1-декабры № 27-11/8

Туруктуу жашоо орду жок адамдарга, баш калкалоочу жайды кайра иштетүүгө акча каражатын бөлүп берүү жөнүндө

Каракол шаарынын мэри Д.К.Арпачиевдин, 2016-жылдын 15-ноябрындагы, кир.№01-7/568 катын карап жана талкуулап, экономика, бюджет, соода, өнөр жай, инвестициялар жана ишкердүүлүктү колдоо боюнча туруктуу комиссиясынын корутундусун эске алуу менен, Каракол шаардык депутаттар Кеңешинин XXVII чакырылышынын XI сессиясы,

ТОКТОМ КЫЛАТ:

1. Каракол шаардык финансы бөлүмү (Г.С.Толумбекова), Каракол шаарынын мэриясына, Каракол шаарынын жергиликтүү бюджетинин 2015-жылда аткарылышынын жыйынтыгы боюнча, 2016-жылдын башындагы эркин калдыктын эсебинен, туруктуу жашоо орду жок адамдарга, баш калкалоочу жайды кайра иштетүү үчүн, 58 000 (элүү сегиз миң) сом өлчөмүндөгү акча каражатын бөлүп берсин.

2. Каракол шаарынын мэриясы, баш калкалоочу жайды кайрадан иштетүү үчүн, тиешелүү иштерди алып барсын.

3. Бул токтом Мамлекеттик ченемдик укуктук актыларынын реестрине киргизүү үчүн, областтык юстиция башкармалыгына жиберилсин.

4. Токтом ММКларда жарыялансын.

5. Токтомдун аткарылышына көзөмөл жүргүзүү, экономика, бюджет, соода, өнөр жай, инвестициялар жана ишкердүүлүктү колдоо боюнча туруктуу комиссиясына (Н.А.Баратова) жана Каракол шаарынын биринчи вице-мэри А.Ж.Каниметовго жүктөлсүн.