КАРООЛ АЙЫЛДЫК КЕӉЕШИ

ТОКТОМ

Кароол айылдык кеңешинин V чакырылыштагы кезексиз 32- сессиясы

2016-жылдын 18-августу № 32/1

Кароол айыл аймагынын 2016-2018-жылдарга карата айыл аймагын өнүктүрүү боюнча Стратегиялык  планынын долбоорун бекитүү жөнүндө

Кароол айыл аймагынын 2016-2018-жылдарга карата БУУ  «Ош облусун комплекстүү өнүктүрүү» программасынын  алкагында айылдарды социалдык – экономикалык жактан өнүктүрүүгө даярдалган Стратегиялык өнүгүү планынын долбоору боюнча билдирүүлөрүн угуп, кызуу талкуулап жана ишке ашыруу максатында Кароол айылдык кеңешинин кезексиз  32-сессиясы

ТОКТОМ КЫЛАТ:

1. Кароол айыл аймагынын 2016-2018-жылдарга карата айыл аймагын өнүктүрүү боюнча Стратегиялык  планынын долбоору жактырылсын жана алымча- кошумчасы менен бекитилсин.

2. 2016-2018-жылдарга карата айылдарды  өнүктүрүү боюнча Стратегиялык өнүгүү планынын аткарылышын  камсыз кылуу айыл өкмөтүнүн башчысы Р.Сайитовго тапшырылсын

3. 2016-2018-жылдарга карата айылдарды  өнүктүрүү боюнча Стратегиялык өнүгүү планды ишке ашыруу максатында айыл өкмөтүнө төмөндөгүлөр милдеттендирилсин:

Стратегиялык өнүгүү планынын негизинде жыл сайын жылдык социалдык – экономикалык өнүгүү планын (анын ичинде экономикалык божомол) анын иш-чараларын иштеп чыксын жана аны  ишке ашырсын;

4. Бир жылдык социалдык-экономикалык планынын аткарылуусу жөнүндө отчеттук жылдан кийинки жылдын 1-кварталында атуулдук коомдун катышуусунда айылдык кеңештин сессиясында айыл өкмөтүнүн отчету угулсун;

5. Кароол айыл аймагынын Өнүгүү комитетинин (Уюштуруу тобунун) Жобосун иштеп чыксын жана курамын бекитсин.

6. Кароол айылдык Кеңешинин 2016-жылга карата  иш-планынын долбоору бекитилсин.

7. Бул  токтомдун аткарылышын көзөмөлдөө жагы айылдык кеңештин туруктуу комиссияларынын төрагаларына жүктөлсүн.