КОЧКОРБАЕВ АЙЫЛДЫК КЕҢЕШИ

ТОКТОМ

2021-жылдын 18-августу № 14/11-28

“Жер тилкесин муниципалдык менчикке өткөрүүгө макулдук берүү жөнүндө”

Кочкорбаев айыл өкмөтунун жер боюнча башкы адиси С.Адиковдун Кеңеш айылындагы, Осмонов көчөсүндөгү № 63тө жайгашкан жалпы аянты 23500,0кв.м. 464 контурдагы “Кеңеш” орто билим берүү мектебинин жер тилкесин муниципалдык менчикке өткөрүп берүүсү жөнүндөгү сунушун угуп талкуулап, Кочкорбаев айылдык кеңеши

ТОКТОМ КЫЛАТ:

1. Кочкорбаев айыл өкмөтүндө жайгашкан, Кеңеш айылындагы жалпы орто билим берүү мектебинин 23500,0кв.м. жер тилкеси, Кочкорбаев айыл өкмөтүнүн муниципалдык менчигине бекитилсин.

2. Ысык-Ата райондук мамлекеттик администрациясынан мыйзам чегинде жогоруда көрсөтүлгөн жер тилкесин муниципалдык менчикке бекитип берүүңүздөрдү суранат.

3.Бул токтомдун аткарылышын көзөмөлдөө Кочкорбаев айылдык кеңешинин жер жана агрардык суроолор боюнча туруктуу комиссиясына жүктөлсүн.