АК-ТАЛ АЙЫЛДЫК КЕӉЕШИ

ТОКТОМ

Ак-Тал айылдык Кеңешинин кезектеги XXII-сессиясы

2019-жылдын 11-ноябры № 22/1

Ак-Тал айыл аймагынын жергиликтүү демилгелерди тандоонун жана каржылоонун тартиби жөнүндө ЖОБОну бекитүү жөнүндө

Ак-Тал айыл аймагынын жергиликтүү демилгелерди тандоонун жана каржылоонун тартиби жөнүндө жобону бекитүү тууралуу  ӨСИ долбоорунун Ак-Тал айыл өкмөтүндөгү координатору У.Дүйшөевдин билдирүүсүн угуп, депутаттардын сын-сунуш, пикирлерин угуп жана талкуулап, Ак-Тал айылдык Кенешинин сессиясы токтом кылат:

1. Ак-Тал айыл аймагынын жергиликтүү демилгелердин тандоонун  жана каржылоонун тартиби жөнүндө жобо бекитилсин.

2. Ушул токтом жана Ак-Тал айыл аймагынын жергиликтүү демилгелерди тандоонун жана каржылоонун тартиби жөнүндө жобо Кыргыз Республикасынын Өкмөтүнө караштуу өз алдынча башкаруу иштери жана этностор аралык мамилелер боюнча агенттигинин www.gamsumo.gov.kg веб-сайтына жарыялансын.

3. Ушул токтом жана Ак-Тал айыл аймагынын жергиликтүү демилгелерди тандоонун жана каржылоонун тартиби жөнүндө жобо Кыргыз Республикасынын ченемдик укуктук актыларынын мамлекеттик реестрине киргизүү жагы Ак-Тал айыл аймагынын өкмөтүнө милдеттендирилсин.

4. Бул токтомдун аткарылышын көзөмөлдөө жагы ӨСИ долбоорунун Ак-Тал айыл өкмөтүндөгү координатору У.Дүйшөевге милдеттендирилсин.

5. Бул токтом расмий жарыяланган күндөн баштап күчүнө кирет.