Кыргыз Республикасынын

Министрлер Кабинетинин

2026-жылдын 5-июнундагы № 398

токтомуна ылайык

КҮЧҮН ЖОГОТТУ

Бишкек шаары, Өкмөт Үйү

2003-жылдын 25-февралы № 93

КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ

"Кыргыз Республикасынын бийик тоолуу жана алыскы аймактарында

жашаган жана иштеген адамдарга мамлекеттик колдоо көрсөтүү жөнүндө"

Кыргыз Республикасынын Өкмөтүнүн 1997-жылдын 25-июнундагы №337

токтомуна өзгөртүүлөрдү жана толуктоолорду киргизүү тууралуу

Кыргыз Республикасынын бийик тоолуу жана алыскы зоналарында жайгашкан айрым калктуу конуштардын бийиктиктери, аталыштары жана администрациялык-аймактык бөлүнүшү такталгандыгына байланыштуу Кыргыз Республикасынын Өкмөтү токтом кылат:

1. "Кыргыз Республикасынын бийик тоолуу жана алыскы аймактарында жашаган жана иштеген адамдарга мамлекеттик колдоо көрсөтүү жөнүндө" Кыргыз Республикасынын Өкмөтүнүн 1997-жылдын 25-июнундагы №337 токтомунун 1-тиркемесине төмөнкүдөй өзгөртүүлөр жана толуктоолор киргизилсин:

- "Акталаа району" бөлүмүнүн 10-пунктунун (Кайыңдыбулак) жана "Алай району" бөлүмүнүн 53-пунктунун (Күнэлек) "райондук коэффициент" деген саптарында "1,20" жана "1,15" деген сандар тиешелүүлүгүнө жараша "1,50" жана "1,45" деген сандар менен алмаштырылсын;

- Ош областынын Алай району деген бөлүмдө 21 жана 22 пункттар алып салынсын;

- Ош областынын Алай району деген бөлүмдө 23-100-пункттар тиешелүүлүгүнө жараша 21-98-пункттар деп эсептелсин;

- Ош областынын "Чоңалай району" деген бөлүм төмөнкү пункттар менен толукталсын:

" 23. Жайылма-1 1,45

24. Жайылма-2 1,45"

2. Кыргыз Республикасынын Финансы министрлиги, Кыргыз Республикасынын Социалдык фонду, жогоруда аталган калктуу конуштардын тургундарынын эмгек акысына, пенсияларына жана башка социалдык төлөмдөрүнө карата тиешелүү коэффициенттерди жана пайыздык төлөмдөрдү жетиштүү чегерүү жана төлөп берүү үчүн кошумча каражаттарды издеп табышсын.

3. Кыргыз Республикасынын Финансы министрлиги "2003-жылга республикалык бюджети жөнүндө" Кыргыз Республикасынын Мыйзамына ушул токтомдун 1-пунктуна ылайык коэффициенттерди жана үстөктөрдү төлөөнү караштырган тиешелүү өзгөртүүлөрдү киргизсин.

4. Ушул токтомдун 1-пункту менен белгиленген коэффициенттерди жана үстөктөрдү төлөө 2003-жылдын 1-январынан тартып жүргүзүлсүн.

5. Бул токтомдун аткарылышын контролдоо Кыргыз Республикасынын Премьер-министринин Аппаратынын социалдык-маданий өнүктүрүү бөлүмүнө жүктөлсүн.