КР Өкмөтүнүн 2011-жылдын 25-майындагы № 240 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2003-жылдын 6-июну № 332

"Элдик" деген ардактуу наамы бар адамдардын эмгек акысын жогорулатуу жөнүндө

Кыргыз Республикасынын Президентинин 2003-жылдын 31-январындагы № 43 "Кыргыз Республикасынын эл жазуучусу", "Кыргыз Республикасынын эл акыны", "Кыргыз Республикасынын эл сүрөтчүсү", "Кыргыз Республикасынын эл артисти" жана "Кыргыз Республикасынын эл мугалими" деген ардактуу наамы бар адамдардын эмгек акысын жогорулатуу жөнүндө" Указын аткаруу максатында Кыргыз Республикасынын Өкмөтү

ТОКТОМ КЫЛАТ:

1. "Кыргыз Республкасынын эл жазуучусу", "Кыргыз Республикасынын эл акыны", "Кыргыз Республикасынын эл сүрөтчүсү", "Кыргыз Республикасынын эл артисти" жана "Кыргыз Республикасынын эл мугалими" деген ардактуу наамы бар адамдардын негизги иштеген жери боюнча эмгек акысы 2003-жылдын 1-январынан баштап 100 процентке жогорулатылсын.

2. Кыргыз Республикасынын Финансы министрлиги эмгек акыны жогорулатуу үчүн керектүү финансылык каражаттарды издеп тапсын.

3. Бул токтом "СССРдин эл жазуучусу", "СССРдин эл акыны", "СССРдин эл сүрөтчүсү", "СССРдин эл артисти" жана "СССРдин эл мугалими" деген наамы бар адамдарга колдонуулары белгиленсин.

4. Бул токтомдун аткарылышын контролдоо Кыргыз Республикасынын Премьер-министринин Аппаратынын социалдык-маданий өнүктүрүү бөлүмүнө жүктөлсүн.