КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2003-жылдын 21-августу № 537

Кыргыз Республикасында баалоочулардын жана баалоо уюмдарынын ишмердигин өнүктүрүү жөнүндө

(Кыргыз Республикасынын Өкмөтүнүн 2004-жылдын 17-августундагы № 622 токтомунун редакциясына ылайык)

Кыргыз Республикасында баалоо ишмердигин өнүктүрүү жана жөнгө салуу боюнча ченемдик-методологиялык база түзүү максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасында баалоо ишмердигин өнүктүрүү жана жөнгө салуу боюнча ыйгарым укук берилген орган деп Кыргыз Республикасынын Мамлекеттик мүлктү башкаруу боюнча мамлекеттик комитети белгиленсин.

(КР Өкмөтүнүн 2004-жылдын 17-августундагы № 622 токтомунун редакциясына ылайык)

2. Тиркелгендер бекитилсин:

- Кыргыз Республикасында баалоочулардын жана баалоо уюмдарынын ишмердигинин убактылуу эрежелери;

- Кыргыз Республикасынын Мамлекеттик мүлктү башкаруу боюнча мамлекеттик комитетине караштуу Баалоо ишмердигин өнүктүрүү боюнча кеңеш жөнүндө жобо.

КР Өкмөтүнүн 2004-жылдын 17-августундагы № 622 токтомунун редакциясына ылайык)

3. Кыргыз Республикасынын Мамлекеттик мүлктү башкаруу жана тике инвестицияларды тартуу боюнча мамлекеттик комитети:

- Кыргыз Республикасынын Мамлекеттик мүлктү башкаруу жана тике инвестицияларды тартуу боюнча мамлекеттик комитетине караштуу Баалоо ишмердигин өнүктүрүү боюнча кеңештин жаңы курамы түзүлгөнгө байланыштуу, уюштуруу чараларынын комплексин бир айдын ичинде жүргүзсүн;

- баалоочуларды жана баалоо уюмдарын уюштуруу жана аттестациялоону жүргүзүү боюнча зарыл болгон методикалык документтердин толук пакетин эки айлык мөөнөттө даярдасын жана бекитсин.

4. Күчүн жоготту деп табылсын:

- Кыргыз Республикасынын Өкмөтүнүн 1997-жылдын 17-мартындагы № 147 "Кыргыз Республикасында мүлктү көз карандысыз баалоочулардын иш-аракеттерин өнүктүрүү жөнүндө" токтому;

- Кыргыз Республикасынын Өкмөтүнүн 1998-жылдын 21-июлундагы № 482 "Кыргыз Республикасынын Өкмөтүнүн менчикти мамлекеттен ажыратуу жана менчиктештирүү маселелери боюнча айрым токтомдоруна өзгөртүүлөрдү киргизүү жөнүндө" токтомунун 5-пункту;

- Кыргыз Республикасынын Өкмөтүнүн 2000-жылдын 4-августундагы № 472 "Кыргыз Республикасынын Мамлекеттик мүлк фондуна караштуу Мүлктүн наркын баалоо боюнча кеңештин курамы жөнүндө" токтому;

5. Бул токтомдун аткарылышын контролдоо Кыргыз Республикасынын Премьер-министринин Аппаратынын экономика, иивестициялар жана мамлекеттик менчик башкармалыгына жүктөлсүн.